الرجاء المساعدة

[Dr.dana]

مساء الخير .... اني سجلت جديد بالمنتدى وارجو تساعدوني
اني طبيبة اسنان وعايشه مع عائلتي في سوريا من 2007 ومطلعلنه توطين واخيرا صديقتي عدهه جنسيه استراليه وسوتلي معامله كفالة الى استراليا  وعبيت الفورم 842 و681 ... وارسلتهم كفيلتي الى الاميكريشن ... وبعد اسبوع ارسلو للكفيله ملف بريد بي رقم وتاريخ )كيس نمبر)هل هذا يعني قبول مبدئي وشنو الخطوات الجايه والوقت المتوقع ... وشكرا الكم مقدما

[tur ankawa]

مساء النور دكتورة دانا    كل معاملة تسلم الى دائرة الهجرة في استراليا يعطى لها رقم ملف  يعني رقم الملف معناه انو المعاملة كاملة  ومابيهة نقص  

وراح تتحول الى اللجنة المختصة لدراستهة تطول هذه الدراسة للملف بسبب الزخم من 3 اشهر الى سنة وشهرين تقريبا حسب  القضية 
في حالة قبول اللجنة للقصة   يرسلون ابلاغ الى الكفيلة بضرورة ملئ استمارة رقم 80 وارسالهة للسفارة  الاستراليا في بلدج   وهذا هو القبول المبدئي  

بعد ماترسلين الاستمارة 80   للسفارة   تنتضرين تلفون تحديد  مقابلة منهم  و بعد انجاز المقابلة  تحولين الى الفحص الطبي   وبعد القبول  تستلمون الفيزا وتحجزون على حسابكم التذاكر الى استراليا للسفر  بالتوفيق انشالله  بداية فرج وخير 

[Dr.dana]

شكرا الك على الرد ... بس سؤالي هو وين ممكن نقابل لان السفاره الاستراليه مسدودة بسوريا وهل ممكن ننرفض لهذا السبب

[kyky77]

اختي تقابلين في الهجرة الدوليه الكائنه في المزه فيلات شرقيه شارع الشباب طبعا اذا بعدها تعمل بس نصيحتي انو اطلعين من سوريا الى عمان او تركيا لان بسوريا تتعطل المعامله حيل هواي لغدم وجود سفاره والاوضاع التي فيها  واذا طلعتي من سوريا تعطيهم العنوان الجديد ورقم الهاتف طبعا هاذي يسموها تغيرات في ضروفك والها استماره خاصه تمليها ودزيها الى دائرة الهجرة الاستراليا بالبريد والعنوان موجود في الاوراق اللي انطوها الج البيها رقم الملف مالتج 

[Dr.dana]

اختي تقابلين في الهجرة الدوليه الكائنه في المزه فيلات شرقيه شارع الشباب طبعا اذا بعدها تعمل بس نصيحتي انو اطلعين من سوريا الى عمان او تركيا لان بسوريا تتعطل المعامله حيل هواي لغدم وجود سفاره والاوضاع التي فيها  واذا طلعتي من سوريا تعطيهم العنوان الجديد ورقم الهاتف طبعا هاذي يسموها تغيرات في ضروفك والها استماره خاصه تمليها ودزيها الى دائرة الهجرة الاستراليا بالبريد والعنوان موجود في الاوراق اللي انطوها الج البيها رقم الملف مالتج

شكرا الك اخي ..  والله لو الضروف تسمحلنه جان طلعنه
سؤال 2  شكد الفتره المتوقعة بين كيس نمبر والفورما 80 ؟
برساله الي دزوها لكفيلتي كاتبين انواكو عدد جبير مقدم

[kyky77]

شكرا الك اخي ..  والله لو الضروف تسمحلنه جان طلعنه
سؤال 2  شكد الفتره المتوقعة بين كيس نمبر والفورما 80 ؟
برساله الي دزوها لكفيلتي كاتبين انواكو عدد جبير مقدم

والله يا اختي موشرط اكو ناس اربع اشهر واكو سنه واكو اكثر من سنه موشرط حسب قناعتهم او دراستهم للملفات لاكن الان المعاملات صارت اسرع لان كفالات الصيق شبه ملغيه واللي جايين تهريب الغت من الاساس مينطوهم لجوء هذا كله ايائر ايجابيا على اللي مفدمين وعدهم اقارب بستراليا واللي يطلع الهم توطين من اللامم المتحده لشئوون اللاجئين والله اعلم هذا مجرد رايي

[Dr.dana]

شكرا الك اخي .... الله يسهل عجميع ويفرجهه