استراليا .....وهل يخفى الكذب؟؟؟؟؟؟؟؟؟؟؟؟؟

[مظلومين]

استراليااخوان الله يخليكم اكتبو ....يعني معقولة هذا الهدوء معقولة محد خابرو او اجالة رد اكتبو فدوة ترة  كتاباتكم اتفرح كثير من الناس وتعطي امل لعوائل   واصلة بيهم الحالة للطلاق  وناس تريد ترجع للموت السريع الي هو العراق وما ادري شكوللكم بس اكتبو

[hellousa]

الله يعين لحد هسة ما في خبر او حد طالع غير الاخ كاترين من مصر 

[kyky77]

اخي الكريم الكاتبه الله ايصير وموكل الناس الي مقدمه على استراليا مشتركه بالموقع وحسب معرفتي بالاخوان اكثر اللي مسجلين بالمنتدى كفيلهم صديق وانته تعرف اللي كفيله صديق معاملته موكفيها وانشالله اللي عنده معلومه خلي اينزلها ويارب تسهل امور الجميع ليش هوا العراقي عنده غير الصبر اني من الناس سنتين مقدم وتاليها ضاع كلشي ماكو كدامنا غير نصبر ونجي على نفسنا شكد منكدر

[مظلومين]

اي والله يا اخوان انتو تحجو صح بس صدكَ بيوم الي استلمت نتيجة الرفض الي كانت بيوم 22-6 2014 كانت اكو دورة تثقيفية بالاي او ام ومن نسئلهم الكل غلس  .....ما ادري من يجينة الدور هم نسوي مثلهم والله ما ادري

[hellousa]

اخ مظلومين اشلون اجالك رفض ممكن تشرح اكثر لو سمحت

[مظلومين]

هلا اخي اني اجاني رفض من امريكا بس لان عيوني تطلع على استراليا وعندي موافقة صار اكثر من سنة صرت اكتب على وضعي بكل مكان من حركة القلب مثل ما تعرف واني اشكر اهتمامك وربي يسر امرك وامرنا اجمعين

[مظلومين]

اذا حاب تعرف رفض امريكا ؟؟؟؟اني تقديم 2011 بس اني وزوجتي مواقبلة محلفين 18-5-2014 رفض والمربع السادس 22-6-2014 وكَالولي ينفعك استئناف بس اني زعلت وحلفت البلد الي يرفضني ما اروحلة هذا عن نفسي اما نصيب ربي فهو العالم بحالنا وهو من يقرر الامور

[abosaef]

السلام عليكم ورحمة الله وبركاته
اليوم اجه رفض لصديقي ساكن في تركيا ومقدم امكريشن استراليه صارله سنة وشهرين الغريب بالموضوع
صديقي من اخواننا واهلنا الصابئة المندانيين والكفيل خواته اثنين في استراليا وعمامة وخواله كلهم هناك والاغرب انه اكو جمعيه خاصة بالصابئه متكفله موضوعه يعني اقوى من المحامي 
والقصه مالتة (شكَاكَية) يعني كلش قوية
اسباب الرفض الكليشة المعروفه من الاستراليين(غير مطابق لشروط اللجوء وما اعرف بعد)؟؟؟؟؟؟
زين هسه عرفنه الصديق مجمد هسه هذا الرجال كلشي مضبوط عنده وجان ضابطهه ضبط العكَال
تحياتي لكم

[مظلومين]

لاحول ولا قوة الا بالله العلي العظيم

[قيس النعيمي]

الي اعرفه من شهر جماعه بالكويت طلعوا .دول الحليح وضعهم سهل بس نركيا والاردن لان ناس كلش هوواي

[مظلومين]

سبحان الله كلشي عكس يعني استراليا تسرع جماعة الخليج وبدون حسد واكيد عيشتهم اسهل من الي عايش بالاردن الغالية الي صرنة نموت كل يوم الف موت من غلاء العيشة بحيث صرنة نفكر  نسافر الى اي مكان بالعالم بس نخلص من العيشة الصعبة والله المستعان على ما يعملون