محتاجة كلّـــــش الك ..
بقلم / الشاعرة شهد الشمري ..
محتاجه كلش الك يل الشاغل انت الفكر
محتاجه الك مو حچي وارتاح من ينذكر
هنياله من گابلك يا أحلى صورة شعر
محتاجه ألك ماتجي ماباقي شي بالعمر
زعلان ؟ ليش الزعل زعلان انه اعتذر
بس ارجع لخاطري صير على نحري
عطر
صير على جفني كحــــــــــــــــــــــــل
حليني بين السمر تعبني ذرف الدمع
بس ماطفالي الجمر بركان في داخلي
ويا خوفي لا ينفجر شمأخرك ماتجي
مــــــا ظل الك كـلْ عـــــــــــــــــذر
اهلال جرحك كمل اي كمل واصبح بدر
صدكني حيل اتعبت حبك عسر مو يسر
اترجيت وتوسلت بيك شكثر وشكثـــر
مافاد بيك الرجه وجبرتني لهل امـــــر
ما بعد اضلن شهد خليك مني حذر
واحچيـهه لاتستحي گـول انت طبعك
غـــــــــــــــــــــــــــــدر !!
حبك تحية صبح ماتلفض بالعصر
روح وبعد لاترد شي عادي صار الهجر
الماعرف معنى العشـگك مابعد احطله كدر
چانت درجتك الف بس هسه صارت صفـر !! .
