قدمت قبل اربع اشهر ودزولي اميل

[مهند القطان]

قدمت قبل اربع اشهر وانطوني كيس نمبر ودزولي اميل قبل شهر رادو اميل رسمي او عقد مع السفاره وانا ماعندي اميل رسمي فدزيتلهم العقد مع السفاره وبعد سكته ماكو رد منهم والتشييك الامني بالانتضار  شتتوقعون شنو السالفه لان كلشي ما اعرف اني واني عملت مع  فريق اعمار العراق وكانت عندي اتصالات بالاميل مع موظفين بالفريق لكن ايملاتهم مو رسميه ودزيتلهم نسخه من الاميلات واكو موظف امريكي  دزيتله اميل وكال اني حاظر ااكدلهم عملك معانا لكن اميله مو سمي وميملك اميل رسمي وايضا دزيت نسخه من هذا الاميل الي بيه كلامه فياريت تفهموني شنو السالفه رحمه لاهلكم لان انتو اهل خبره 

[iraq_ela7zan]

ياغالي الله يسهلك يارب اولا انت تقديم بغداد ول عمان اذا بغداد المشكلة حاليا لاتوجد مقابلت معلقة لحين استقرار الوضع ولكن انت بعد ان استلمت الكيس نمبر انت في انتضار المقابلة الاولى لاخذ معلوماتك وهل انت مقدم iom or siv واتمنى ان يفيدوك الاعضاء الاكثر مني خبرة بس يارب يسهلك ويسهل النا وللجميع يارب

[مهند القطان]

ممنون منك اخويه على ردك اني تقديم بغداد ومقدم iom وياريت كل الي عدهم خبره ينوروني 

[iraq_ela7zan]

عزيزي اذا انت حاليا بانتضار المقابلة الاولى وهذه انته وحضك شكد يحتاج وقت بس الي اعرف بيه حاليا ماكو مقابلت لحين عودة العمل وان شاء الله قريب وهذه المقابلة ياخذون منك القضية الخاصة بك او القصة وبعدها وبنفس المقابلة احيانا البصمات والصور ثم تنتضر للمقابلة الثانية وهي المقابلة المهمة المحلفين ثم الفحص الطبي واحيانا الفحص يكون قبل المقابلة الثانية وهنا تبقى مسالة الموافقة والامنيات الي لا احد يعلم كيف تسير ولكن يارب يسرلك امرك ولكن الموضوع يحتاج صبر بالمختصر هية مقابلتين وفحص طبي يتجدد كل سنة اتمنى اكون اوصلت لك الفكرة

[سابيكاس]

قدمت قبل اربع اشهر وانطوني كيس نمبر ودزولي اميل قبل شهر رادو اميل رسمي او عقد مع السفاره وانا ماعندي اميل رسمي فدزيتلهم العقد مع السفاره وبعد سكته ماكو رد منهم والتشييك الامني بالانتضار  شتتوقعون شنو السالفه لان كلشي ما اعرف اني واني عملت مع  فريق اعمار العراق وكانت عندي اتصالات بالاميل مع موظفين بالفريق لكن ايملاتهم مو رسميه ودزيتلهم نسخه من الاميلات واكو موظف امريكي  دزيتله اميل وكال اني حاظر ااكدلهم عملك معانا لكن اميله مو سمي وميملك اميل رسمي وايضا دزيت نسخه من هذا الاميل الي بيه كلامه فياريت تفهموني شنو السالفه رحمه لاهلكم لان انتو اهل خبره

اخي العزيز مهند تحية طيبة 
اني عانيت من نفس الموضوع فترة طويلة جدا 
اولا لازم تعرف انو موضوعك ماراح يمشي من دون تاكيد العمل من جهة رسمية وعن طريق ايميل رسمي
اني حصلت كيس نمبر بشهر الثاني ومقابلتي الاولى ورة سنة بشهر الثالث يعني بالضبط سنة وشهر ونص الشهر يلة اجتني المقابلة بعد الكيس وكل ما اراسلهم يكولولي لسة بانتظار ايميل رسمي ياكد عملي للعلم اني داز اوراق رسمية بس همة يريدون يتاكدون ١٠٠٪ 
نصيحتي الك لتظل تنتظر اتصرف دور مواقع وايميلات رسمية للشركة او المنظمة الي تشتغل بيهة وراسلهم الى ان توصل لنتيجة ويارب يسهلهة عليك واعرف ترة هذا الموضوع الكل تعب بي يله حصل نتيجة... 
تحياتي الك
اخوك سابيكاس.