السفر بالانتظار ولم يتصول ولا قالوا انت على جدول السفر الى الاخ حسين الجبوري

[haider al ftlah]

مرحبا السفر بالانتظار منذ 13 يوم لكن هناك شي اخر منذ شهر كامل لم تتصل بي المنظمه iom يعني يمكن جاي يحددون موعد ولا يريدون ان يتصلون الان لحين اصدار يوم السفر او هناك شي ثاني ارجوا الي سافر خلي يكول من صار حاله السفر بالنتظار مالته  اتصلو بي وكالوله انتظر ملفك على جدول السفر او ماتصلو لحين تحديد الموعد شكرا لكم

[الصبر الجـميل]

مرحبا السفر بالانتظار منذ 13 يوم لكن هناك شي اخر منذ شهر كامل لم تتصل بي المنظمه iom يعني يمكن جاي يحددون موعد ولا يريدون ان يتصلون الان لحين اصدار يوم السفر او هناك شي ثاني ارجوا الي سافر خلي يكول من صار حاله السفر بالنتظار مالته  اتصلو بي وكالوله انتظر ملفك على جدول السفر او ماتصلو لحين تحديد الموعد شكرا لكم

أخي الكريم
لقد كتبنا في مواضيع مستقلة وفي المساهمات والتعليقات قلنا أن اسقف الزمني لأي مرحلة غير محدد بوقت ملزم
يعني على سبيل المثال , اكو ناس السفر بقة عندهم 4 او 5 ايام ونطوهم موعد سفر واكو 10 ايام واكو اسبوعين 
واكو شهر واكو ناس عبروا ال 50 يوم( ديتفركغون ) وبعدهم ينتظرون موعد سفر , فنصيحتي لاأدوخ وتوجع
 راسك وتأذي  نفسيتك , أنتظرها هية تجيك , انت بس دير بالك على التلفون وتابع موقع المعلومات وانت ترتاح
 ان شاءالله مااتطول 
                                             أبـــــــــــــــــــــــو روان

[haider al ftlah]

اشكرك اخي الفاضل الله يسمع منك بس الانتظار يدمر والله يسهل عليكم وعلينه

[ابو رقية]

اخونا العزيز اني هم مثلك انتظار .صار لي 51 يوم  ماريد اهبط معنوياتك بس انت حضر نفسك ومثل مكال الاخ الصبر  الصبر المرير ماكو موعد ثابت بس انا خابر الكفيل وكلي انه المنضمة اللي كافلتني بامريكت تكول انه انا من المفروض اوصل في التره ما بين بداية التاسع ونهاية شهر 11.مع العلم انه الفحص الطبي  رح يصير اكسباير بنص التاسع واغلب اللي سافروا دزو ايميلات للمنضمة وكلولهم الفحص راح ايصير اكسباير جاوبوهم انهم يعرفون بهذا الشي .وبعدين ينطوهم موعد سفر قبل  نفاذ الفحص الطبي بايام .شكرا والله اعلم . 

[haider al ftlah]

اني ينتهي الفحص بشهر 11 بس لا راح ابقه اكثر ليش هيجي والله دمرونه واني صفيت اموري وجاي انتظر والله كريم الله يسهل حبي 

[حسين الجبوري]

الاخ العزيز
المده المعروفه عندما يصبح السفر انتظار 45 يوما من خلالها يتم الاتصال بصاحب الملف ولكن هناك امور قد تؤجل تلك العمليه مثل اقتراب الفحص الطبي قصدي الاعاده 
عندما يكون السفر بلانتظار يجب ان يكون الملف فعال  فاذا كان فعال واعادة الفحص الطبي بعيده  فاني اشير الى اعلاه اي انتضر 45 يوما  وانشاء الله خير هذا السياق الطبيعي للملفات[/b][/size]

[haider al ftlah]

ممنون منك اخ حسين الجبوري ماقصرت الله يسهل امرك ياربي

[يونس محمود]

اذا كمل كلشي بلملف وحاله الملف فعال واسفر انتضار والامنيه انتضار يعني شوكت يصير السفر انتضار او اسافر

[النوهدري]

وا أسفاه عليكَ ايّها الوطـــن الغالي !
أبناءكَ ( يستجدون ) المساعدة ؛ كي يهاجروا ؛ كي يغتربوا ؛ كي يمضونَ الى المجهول !
ويمكثون بين طيّات هذا الزّمــن القاســــي سنين وسنين ؛ يعيشونَ عيشة كاليتامـى !
ويبقونَ عبارة عــن اجسامٌ بلا أســــماء ؛ مثل بيوتٍ بلا عناويــن !
الله يصبّـر كل عراقـــي ؛ ويسهّل أمورَ حياتهِ ؛ ليستقرّ في أرض الغربـة ؛ ليعيشَ بكرامـة ؟ !
منفــــيّ .. يعـدّ الآعوام العجــــاف ؛ كي تنصلح أمور الوطـن .. ويرجع مرّة أخرى !
اعنــة الله تنزل على من كانَ السّـــــبب !!! .

[خالو]

اخويه خابرهم على هذا القرقم (0096265625077) وانت تعرف انت بجدول السفر لو لا لان اني خابرتهم وجاوبوني موعد الاتصال 
بعد 9 صباحا وبعد 2 ظهرا وتحياتي الك

[AUS2013]

وا أسفاه عليكَ ايّها الوطـــن الغالي !
أبناءكَ ( يستجدون ) المساعدة ؛ كي يهاجروا ؛ كي يغتربوا ؛ كي يمضونَ الى المجهول !
ويمكثون بين طيّات هذا الزّمــن القاســــي سنين وسنين ؛ يعيشونَ عيشة كاليتامـى !
ويبقونَ عبارة عــن اجسامٌ بلا أســــماء ؛ مثل بيوتٍ بلا عناويــن !
الله يصبّـر كل عراقـــي ؛ ويسهّل أمورَ حياتهِ ؛ ليستقرّ في أرض الغربـة ؛ ليعيشَ بكرامـة ؟ !
منفــــيّ .. يعـدّ الآعوام العجــــاف ؛ كي تنصلح أمور الوطـن .. ويرجع مرّة أخرى !
اعنــة الله تنزل على من كانَ السّـــــبب !!! .

شنسوي ياخويا احسن من نكون جثث بدون هوية في وطننا