UN مصــــر التعبانة .. صباح الخير شوكت تصحون من النوم

[iraqforme]

كيف الحال اخون طبعا اني مسجل على يو ان مصر ومثل ماتعرفون اجاني رفض من ( IOM ) ورحتلهم حته انطيهم الرفض .. طبعا المعاملة مع الناس زفت رغم انو ماكو هواية عراقيين  كم واحد فقط والباقين كلـــــــــهم افارقه الموظفه تتكلم من ورة خشمها وبلكوة اخذت الرفض .. المهم رحت وره كم يوم حته اسأل شصار ماصار طلعتلي موظفه ثانية اجنبية تكلي انو لازم اسوي استئناف !!!! بالله بشرفكم هاي منظمة كل موظف ميعرف بالاخر !! رحت لمنظمة محامين بلا حدود طلعلي محامي امريكي يكلي اليو ان المفروض عدهم تعليمات انو اي رفض يحمل المربع 7 هذه المفروض ميكلوله روح استأنف رأسا يوطنو بلد اخر .. وبقيت بين حانه ومانه
طبعا هاي اللي يحب يجي لمصر يشوف الفوضى مال يو ان مصر .. وتحياتي لكم مراسلكم من القاهرة

[ورد الصباح]

أن شاء الله تتسهل يا رب ويعوضك عن كل اللي فات في بلد التوطين الثاني 

[صبر جميل]

السلام عليكم iraqforme الله يسهلك ان شاء الله بس سؤال اجاوبني بالتكدرعليه العيشة بمصر اشلون الايجار المصرف مدارس الاولاد وقبل كلشي منين واحد ياخذ فيزا واشلون الاقامة واكون شاكر فضلك ؟ ملاحظة السؤال اختياري مو اجباري واني ممنون مقدما.

[iraqforme]

تسلمين وردة بس والله مامبين مادام ورانه يو ان مرعبلة مثل اللي موجودة بمصر
وخلي كل الاخوة يسمعوني (((( اتعس UN بالعالم هيه اللي بمصـــــــــــــــــــــــــــــر )))

[hishamalamri]

السلام عليكم
اخواني اني اريد اجي اني وعائلتي لمصر نطلب لجوء ممكن نصيحة بخصوص ال un بمصر بخصوص الفيز لمصر لان كلش غالية سمعت عنهة طبعا ناس يكولون روح لتركيا وناس تكول تعال لمصر واحد بقة حاير بس تركيا غالية ومكتب ال un هناك صاير الازدحام علية كلش هواية

[iraqforme]

اخواني الاعزاء عن خبرة وتجربة بمصر صار سنين طويلة
اولا اسعار الشقق الايجار في المنطقة اللي عايش بيها وهي قريبة على المهجومه ال يو ان  تتراوح بين 300$ الى 400$  ومصر جانت رخيصة بس صار شهر ونص صدرت قوانين رفع الاسعار  فه صارت تقريبا تشبه العراق مع تفاوت بسيط بالسعار
ثانيا الفيزة انت وحظك اكو ب 800$ بس مااعرف احد وداعتكم .. بس اكو مكاتب للسفر تكدرون تسألوهم
ثالثا UN  الكشــــــــره .. ناس متخلفين حمير  وكل موظف يحجي كلام غير الثاني وكلش مهتمين بالافارقة  مو بالعراقيين لان يكلك مصر بلد افريقي وانتو الاسيويين جايين عالة على المنظمه .. بس هذه ميمنع انو الوكح واللي يطب بعيونهم يخافون منه ويمشون شغلته
وبقت يمكم بعد .. تحياتي مراسلكم من القـــــــــــــاهرة

[slamer777]

مشكور اخي على هاي المعلومات عن مصر لان الظاهر راح انشد الرحال الى مصر لاكمال المقابلة الثانية اذا مرجعت المقابلات الى بغداد
اخوي اسعار المواصلات والاكل والشرب وبشكل عام الا اي او ام اهناك زين لو الله يوفقك انصحنه واكو شغل لو لا ومشكور

[iraqforme]

اخوية حبيبي المواصلات متوفرة وسعر النفر مثل من اي منطقة لباب المعظم ( مثلا) 4 جنيه يعني حوالي 600 دينار بالعراقي للنفر ..
الشغل صعب لان المصريين هم عطالة بطالة السوريين اكتسحو السوك هنا لانو كلشي يشتغلون مو مثل العراقي من كلشي يستنكف يشتغل مع احترامي للزينين طبعا
واي شي اني حاهز وبالخدمة
اخوك من القاهرة

[plants]

اخويه العزيز انت حالتك مثل حالتي همين اجاني رفض وبعدين استاناف وبعد سنه اجاني الرفض همين وبعدين اتحول الملف الى كندا وصارلي اكثر من سنه محد اتصل فقررت انشاالله ادور على بلد اخر اما لبنان اوالاردن لان مصر بس مضيعة وقت ماكو امل

[iraqforme]

والله ياخوية منظمة مصر منظمة تعبانه جدا وانشاءالله راح انقدم بيها شكوى جماعية هاي الايام بس خلي اسوي ورقة واجمع تواقيع العراقيين الاعرفهم اللي بمصر حته نبعثها لمنظمة اليو ان الرئيسية بجنيف

[iraqforme]

ها وبالمناسة اول متوصل للموظف حته تساله علا التوطين بعد مڜقه جبيرة راسا يكولك هاك هذا الرقم وخابر عليه ونطيك كصكوصه وبيها رقمين موبايل صارلي بمصر تسع سنوات محد راد عليه من اخابر علا هذي الرقمين ... يااخوان اتعس UN بالعالم هيه اللي موجودة بمصر 

[slamer777]

اخوي مشكور على تعبك ويانه معلوماتك عن iom  مصر زينه لو لا شتكول انته اروح لمصر واكمل مناك المقابلة الثانية نصيحتك الله يوفقك

[iraqforme]

اخي العزيز اول شي حضرتك وين مقيم ؟ لان اذا تركيا او الاردن  فه هذول البلدين اليو ان مالتهم احسن من مال مصر المعفنه

[plants]

واني اضم صوتي لصوتك اخي iraqformeكل الكلام الي ايكوله صحيح عن مصروياريت انقدم شكوى وادعوكل العراقين الي صارلهم قرن مثلناان يتواصلو معنا

[iraqforme]

شكرا اخوية plants ودزيتلك مسج على الخاص بلكت تشوفه

[iraqforme]

اخوية بلانت .. هسه دااقره على لبنان تره كلش غالية  يعني تعبك يضيع صارلك 7 سنوات هنا صابر اصبر شوية بعد واجراءات نقل الملف هم تاكللها شهرين تقريبا ..
نريد وقفه للعراقيين المشتولين بمصر  نسوي ورقه ونجمع تواقيع اكبر عدد ضد اليو ان وتصرفاتها معانا ..

[INVISIBLE]

اخي اني اشوف يو ان مصر كلش زينه يعني اكو ناس تجاوبك تحجي وياك احنه بالاردن راسا يكلك اكتب مناشدة وذبها بالصندوق وانت تعرف بعد وراها تعيش اذا اكو احد يسال عليك او اكتب ايميل او محد يجاوبك لو ادز 100 ايميل يعني انتو بخير بدون حسد  تحياتي o

[slamer777]

اخوي اريد اعرف الiom  مال مصر زين بيه امل لو لا رحمه على ابيك والله يوفقك جاوبونه

[iraqforme]

والله ياشباب هيه مسألة حظ مو كاثر .. اني من الناس اشوف اليو ان اللي بمصر طايح حظها زباله  غيري اللي عايش بمصر يشوفها زينة والاخ انفزبل عايش بعمان  واني سامع ارقة يو ان هيه مالة عمان
وارجع واكول مسألة جنص وكل واحد وجنصه

[موزارت]

اخوان يو ان مصر زينة ومو زينة
لكن عن تجربة شخصية الحمد لله قدمت بشهر 5 2010
ورا اقل من سنة اتحولت للتوطين 
والاي او ام طولت بيها سنتين بالضبط
اول شي التوفيق من رب العالمين
ثانيا الصبر والالحاح عليهم
بس الله يدري عدد الايميلات الي كتبتها 
وسوينا وقفة ببابهم اكثر من مرة واللي اعرفه كل مجموعتنا سافرت الا ما ندر

[فتى المدينة]

اعتقد iom مصر اسرع من un عندي اقاربي كاعد يدرس بمصر ساكن 6 اكتوبر يكول جماعة iom هواية منهم كاعد يسافرون بس un كلش بطيئ

[slamer777]

مشكورن اخوان زين مكان iom  مال مصر وين بالضبط في امدينه وشغلة الاقامه اشلون اندبرها ومشكورين على جهودكم

[Ŗảaḟaṱ Hấmẕā]

مصر متفيد
صديقي عاف مصر واجةةالتركيا وهسه واصل طيران

[plants]

(مصر متفيد
صديقي عاف مصر واجةةالتركيا وهسه واصل طيران)اخي العزيز بس سؤال هوصديقك نقل الملف من مصر الى تركيا لوبدا من الاول وياهم  اكو ممنون لحضرتك ومشكور

[iraqforme]

اخوان عن تجربة في مصر 9 سنوات ... UN مصر بطيئة جدااااااااا والموظفون ليس لديهم خبرة وكل واحد يتكلم يختلف عن الاخر وعن تجربة ملموسة مو كلام اعتباطي واذا تحبون اكلكم شنو التجربة اني حاظر
اخوكم ..