الطريقة المضمونة والشرعية للهجرة الى الولايات المتحدة - وايظاً موضوع الولادة ... أفيدوني أفادكم الله

[maltay]

السلام عليكم جيمعاً 

إخواني الأعزاء بداية  هذا الموقع  المصدر الحقيقي لتجمع العراقيين من كل الطوائف والأديان . وإستفاد منه العراقيين في الداخل والخارج . لذالك نقول للقائمين على إدارة موقع ( عنكاوة ) شكرًا لجهودكم على ما تبذلونه من خدمة للشعب العراقي الجريح . 

إخواني أني قبل فترة قصيرة رجعت من أميركا وحالياً أني بالعراق كنت سافرت بفيزة الزيارة الى أمريكا تقريباً ضليت ٥٠ يوم هناك ورجعت . فمثل ما تسمعون الوضع بالعراق مو زين ويوم ورا يوم تتأزم الوضع لذالك أريد أسافر إلى أمريكا مع عائلتي المكونة من خمس أفراد علماً عندي أصدقاء ومعارف كثيرين مجنسين في أمريكا . أما المقربين بالدرجة الاولى مثل الأب والأم - أخ - أخت الى أخره هم هنا بالعراق . علماً فيزتي السياحية الى أمريكا باقية تقريباً ١٠ شهور أكد أروح بوحدي . هذا من جهة . السؤال الثاني . زوجتي حامل باقي على الولادة شهرين بالضبط فحبيت أسئلكم أريد يكون الولادة بغير دولة لان أني سامع الولادة بالدول الغربية يستفاد منه الطفل مسقبلاً بموضوع المواطنة . والدولة الوحيدة اللي احنا كادرين نروح هناك  بطريقة شرعية هي تركيا . أرجو من الأخوة والأخوات الرواد بالمنتدى أن يفيدونا . وجزاكم الله الف خير وشكرا لكم 

[اونزووو]

الي سامعة والله اعلم انه في تركيا الطفل ياخذ جنسية بعد ولادته هناك بس مو راسا يعني المفروض يطلع حتى لو شهر خارج تركيا وثم يرجع ينطوه عندها الجنسية ولو ما مقتنع بهالحجي بس الي سمعته
تحياتي

[سابيكاس]

اخي العزيز فكرتك جدا سديدة بظل هذه الضروف ومتحتاج اي مبرر لاي خطوة من هذا القبيل، اتوقع فكرتك بخصوص ولادة الطفل اجتي متاخرة يعني كان المفروض تفكر بيهة ببداية الحمل وتشتري فيزا شنكن وترتب بحيث ينولد باوربا بس ابقى اشتغل على الموضوع واتمنى من اخواني بالموقع يفيدونة..مع.شديد الاسف والموضوع يستحق البكاء لان حامل الجواز العراقي يحتقر بكل مكان ويتعرض للاهانة..اسال الله ان يخرجنا من كل المصائب التي تحف بنا
تقبل مروري اخي العزيز ويارب يوفقك ويرزقك الابن البار...
تحياتي

[قصي عبد الله]

بغض النظر عن استفسارك اريد اسألك سؤال , زوجتك تولد بعد شهرين وتريد الطفل ينولد بدولة اجنبية وتريد هذا الموضوع يتم بشهرين ؟؟؟!!! أخوية ماكو هيج حجي وماكو هيجي مدة كول سنتين ثلاث سنين اربع سنين , اذا تريد تقدم على هجرة او لجوء ترى الموضوع يطول سنين مو مال شهر وشهرين واني اسف لان حطمت امالك بكلامي هذا بس هاي الحقيقة