بغض النظر عن الموضوع كله وعن ملابسات السفر والمطار اللي هي اكيد صوجك ولو منزل موضوع وسائل سؤال عن اكسباير الجواز كان اني اول واحد كتلك مستحيل يطلعوك ومستحيل تسافر بجواز اكسباير ومن اي مطار عراقي ومن اي منفذ حدودي لان الحاسبة وحدة ومرتبطين كلهم بسستم واحد يعني من تسجل خروج من مطار اربيل يطلع بكل منافذ العراق الحدودية وبكل المطارات , حرامات وكلش مو خوش خبر , هذا الموضوع صار وية عضو قديم كان ويانا بعنكاوا وسألني الولد قبل ميسافر وكتله مستحيل تطلع وميخلوك وماصدك كلامي وراح لمطار بغداد ورجعوه من مطار بغداد وتأجل سفره واضطر يجدد الجواز مالته ونطى فلوس حتى يطلع بسرعة , اما موضوعك انت فميتم ولاراح تسافر ابد اذا متجدد جوازاتك واذا عندك تشابه اسماء وعليك القاء قبض بسبب هذا الموضوع فراح يطلع بالجوازات من تجددها واكيد اكيد رأسا يعتقلوك اما اذا ماعليك القاء قبض وتكدر تجدد جوازك بس خايف من الوضع الامني في بغداد فأنصحك نصيحة مابعدها نصيحة ان تتوكل على الله وتروح تجدد الجوازات لان صدكني ماكو غير حل وكل واحد يكلك اكو حل وطرق ثانية ترى يكذب عليك لان مثل ماكتلك الموضوع مو يم ضابط واحد او ضباط اثنين او ثلاث ضباط وتكدر تسوي واسطة , لا الموضوع يم حاسبة جبيرة مربوطة بيها الجوازات والامن الوطني والداخلية ( بطاقة السكن ) وبعد هواية دوائر
والنصيحة الثانية شوفلك حل قبل نهاية السنة هاي لان راح تتغير هواية امور بنهاية السنة وية المنظمة وهسة تتذكر كلامي هذا كلش زين
