IOM خابروا ومرفعت التلفون شنو الحل اخوان

[homelesss]

السلام عليكم..

يوم  24 شهر 5 اتصلوا بية من نفس الرقم اللي دائما يتسلون بي علية بس جان التلفون بعيد ومرفعتة, رجعت خابرتهم ورة 10 دقائق و ماكو شي حاولت هواي نطوني نفس الرقم بس نهايتة 77 ورجعت اخابر عليه وابدا ميرفعون , اليوم رجعت خابرت على الرقم اللي نهايتة 77 طلعلي واحد نطاني رقم مشايفة بحياتي, دكيت عليه واذا مجيب الي يكلي الدوام خلص, 
اني قابلت مقابلة ثانية بشهر الرابع ولحد الان ماكو نتيجة بس بالموقع مقابلة المحلف مكتمل من تاريخ 25 June, الفحص الطبي فعال من تاريخ 1 July, تحليلاتكم اخوان شنو تصورون القصة 

[2014human]

اخي العزيز اما ترجع تخابر  للمنظمة لمن تحصلهم , او تتصل او تروح لمستشفى ابن البيطار او مستشفى بغداد يمكن اجاك الفحص .... مع التقدير

[ghassan_alabdi]

غالبا الاتصال بخصوص الفحص الطبي . نصيحتي اذال حضرتك ساكن بغداد بكره اتروح لابن البيطار تتاكد من فحصاك اخاف بكره وبنفس الوقت تتصل بالمنظمة حتى ميفوتك شي لاسامح الله

[homelesss]

زين اخوان عدكم رقم مستشفى ابن البيطار و رقم مستشفى بغداد؟؟؟ وشنو الشغلة عادية انوا اخابرهم يعني الاسماء موجودة يمهم؟؟

[Joker21]

07702503459 خابر عليهم ذوله ابن البيطار. و نصيحه روحلهم باجر من الصبح و اذا ماكو اسمك عدل و كبل تكسي لمستشفى بغداد الاهلي يم ساحه كهرمانه و اخذ وياك جواز و هوية و افراد عائلتك الي بالكيس

[homelesss]

07702503459 خابر عليهم ذوله ابن البيطار. و نصيحه روحلهم باجر من الصبح و اذا ماكو اسمك عدل و كبل تكسي لمستشفى بغداد الاهلي يم ساحه كهرمانه و اخذ وياك جواز و هوية و افراد عائلتك الي بالكيس

مشكور اخوية على الرقم بس المشكلة اني ساكن خارج بغداد, زين سؤال اذا طلعلي فحص طبي يصير اسويه ب اربيل لو لا؟؟؟

[Joker21]

جان لازم تبلغهم. المهم خابر باجر و شوف شون تصفه. بس اتطمن لان الفحص الطبي يتصلون بيك من رقم عراقي مو عمان. واني سويت الفحص قبل ٣ اسابيع. راح يرجعون يتصلون بيك المنظمه عالكثر باجر او عكب باجر بس خلي تلفونك وياك لو تعرف تعلكه بخيط بركبتك. و باجر خابر الرقم الس نهايته ٧٧ و دز ايميل للمنظمه اشرح موقفك وليش مكدرت تجاوبهم. واتطمن اخي ماكو شي ان شاء الله ليظل بالك 

[ghassan_alabdi]

الشغلة عادية اذا فاتك الاتصال بعد ما هم يتصلون بيك بس مدام ممتصلين بيك راسا راح يكولولك خابر عمان . الحل انو تشحن كارت ابو العشرة وتبقى ادك على ارقامهم ابتداءا من العاشرة صباحا واذا محد جاوب ربع ساعة ودك وابقى الا ان ايشيلون لان هم ايغلسون ولتئيس لان اني كنت مرات ادك 30 مرة باليوم الى ان يشيلوه لان دائما اتصالهم لامر . 

[سبيس]

ارسل رساله الى عمان وعنوانها (عاجل عاجل )
تقول فيها تم الاتصال من الرقم --------------
في الساعة --------- من يوم --------------
ولم اتمكن من الاجابه بسبب ----------------
ارجوكم معرفتي بالاتصال قبل فوات الاوان ولكم
الامر سادتي الافاضل
ابو الوليد

[zoka]

حبي اول شي جيك موقع عمان شوف اكو تحديث عالفحص الطبي اذا اكو تحديث عود خابر على ابن البيطار .. وقبل ما يخابروك انت دزيت الهم ايميل تكول بيه ان انت متهدد او ان الوضع مو زين اذا دازلهم هيج رساله قبل ما يخابروك فعادي .. ورد المحلف تره كبل يدزوه عالايميل بدون ما يخابرون ... 

[homelesss]

جان لازم تبلغهم. المهم خابر باجر و شوف شون تصفه. بس اتطمن لان الفحص الطبي يتصلون بيك من رقم عراقي مو عمان. واني سويت الفحص قبل ٣ اسابيع. راح يرجعون يتصلون بيك المنظمه عالكثر باجر او عكب باجر بس خلي تلفونك وياك لو تعرف تعلكه بخيط بركبتك. و باجر خابر الرقم الس نهايته ٧٧ و دز ايميل للمنظمه اشرح موقفك وليش مكدرت تجاوبهم. واتطمن اخي ماكو شي ان شاء الله ليظل بالك

اذا يتصلون بية من رقم عراقي على الفحص الطبي و يدزون نتيجة المحلف على الايميل معناهة انوا همة مشتاقيلي وخابروني حلو سبحان الله اني هم مشتاقلهم  , بس الحلو بالموضوع انوا اني خابرتهم كلش هواي ع الرقم 77 ب الاخير رفعوا علية ونطوني رقم كلولي خابرة بعدين كوكلت المفتاح طلعت جنيف (سويسرا) ههههههه يعني قضيتي ارفعت للمحكمة الدولية يعني حتى طلعت من ايد الامم المتحدة و اوباما.. 

[zoka]

ههههه بعد شتريد كمت تخابر جنيف .. حبي اني سألتك كتلك قبل المخابره انت دازلهم ايميل كايللهم انت مهدد او متعرض لتهديد مباشر .. وتره وره المحلف بفتره هم يخابرون علمود يتأكدون من الكفيل وعنوانه .. تحياتي

[homelesss]

الحمد لله اليوم دزولي ال (Eligibility Letter) موافقة مشروطة ب الامنية ف اصور مناسيني حتى اذا مرفعت التلفون عليهم...
Zoka<  لاحبيبي اني مدازلهم اي ايميل انوا اني تهددت او اي شي من هذا القبيل بس اليوم يحجي وياي كلي اني خابروني مرتين خلال هاي الاحداث والظاهر همة هواي مخابرين جماعة بغداد بس للاطمئنان انوا بعدهم عايشين 

[zoka]

مبروك ويوم سفرك ان شاء الله