يمعودين هسة شنو سالفة الاردن والاي او ام

[بغداد الجراح]

احوان السلام عليكم ...الباجر 3-8 ,وعندي موعد سفر مع الاي او ام صباحا ...هسة شنو سالفة الاردن واني ليهسة محد خابرني بس قبل ثلاث ايام اكدولي موعد السفر والخميس اخذت الحباية ...اللي عندة خبر خل يكللنا رحمة لوالديكم لان تخيلوا رح اشيل 7 جنط كبار وياية عائلتي من الفجر باجر ...اشو ناس تصيح زعلت الاردن وناس تصيح القرار بس السبت وبس ...افيدونا

[securityiom]

أعلن طيران الخطوط الملكية الأردنية ايقاف رحلاتها الجوية لهذا اليوم السبت فقط .




وأضاف الناطق الرسمي باسم الخطوط باسل الكيلاني للتغيير في اتصال هاتفي ان الملكية أوقفت رحلاتها لليوم السبت فقط دون الادلاء بمعلومات أكثر حول سبب الايقاف الا انه أكد أن الايقاف سيكون فقط لهذا اليوم.

[roger]

شيل غراضك وروح
باجر عندك سفر حبيبي

[AUS2013]

شيل غراضك وروح
باجر عندك سفر حبيبي

هو هذا الصح عاشت ايدك

[ghassan_alabdi]

بصراحة . اخذ تكسي مرجع للمطار لان على الاغلب من الباب يرجعوكم على هل سالفة الي ما اعرف منين طلعتلنا

[eyesonly]

كول يا الله وتوكل على الله وحتى لو خبر إلغاء الطيران صحيح فساعه عن ساعه فرج أخذوا جنطكم وان شاء الله تروحون وتوصلون بألف ألف سلامة واذا رحت امانه تدعيلنه لأن دعوة المسافر مستجابة  ;)والله يسهل للجميع ويسافرون

[الصبور]

سمي بسم الله وروح وانشاء الله تسافر وتوصل بالسلامة