اضافة طفل الرجاء المساعدة

[جاكسون فيل]

السلام عليكم اخوان واخوات رجاء منو عندة معلومة تقريبا كم تاخذ وقت اضافة الطفل علما اني من اليو ان متحول للمنظمة الدولية للهجرة ومخلص كل شي من سنة 2008 بأنتظار الامنية الكشرة قدمت طلب اضافة طفل قبل شهر لليو ان والى حد الان ماكو اي جواب والمنظمة الدولية دكول راجع اليو ان وما اعرف شنو الاجراء الصحيح وشكد اتطول اذا احد يكدر يساعد باي معلومة اكون ممنون .......

[amireo74]

والله اني صار عمر الطفل سنة يالله قابلوني ابغداد بشهر الخامس الي راح ولهسة مفاحص طبي

[FOF]

وعليكم السلام 
احنا اجانا طفل اول مااجه وره يومين اتصلنا بالمنظمه وضفنا الطفل تلفونيا وراها دزينا ايميل بي اسم طفل وجنس وتاريخ الولاده مع شهاده الولاده وراها بلشنا بالاحوال المدنيه ومن طلعت دزينا ايميل للمنظمه ورحنا اخذنا موعد من اليو ان  مال اضافه طفل وصدف جان موعد تجديد الوثيقه قبل تاريخ اللي انطونيا للطفل ومن رحنا جددنا سولنا مقابله وانطيناهم المستمسكات مال طفل وضافوا وكالوا هسه حندز انبلغ الاي او ام وانطونا ورقه تجديد وياها ضايفين الطفل صورته،وبوكتها من دزينا الاحوال المدنيه جاوبنا الاي او ام كالو ارسلوا كافات المستمسكات يلا نسوي مقابله اولى،وقدمنا على جواز وره اربعين يوم استلمنا ودزينا ايميل للاي او ام وره شهر سولنا مقابله اولى عمر الطفل ٤ اشهر ،وراها ب ٣ اشهر قابلنا المحلف ،بعدين اتصلوا بينا على فحص الطبي، وحاليا عمر الطفل سنه واربع شهور  

[eyesonly]

وعليكم السلام احنه جانت عدنه إضافة طفل بالنسبة النه احنه عالاي أو ام مو عاليو أن المهم اول ما جتي الطفلة دزيتلهم نسخة من بيان الولادة فضافوهه على موقع عمان كعدد يعني زيدونه واحد هذا الحجي ورة شهر من الولادة اما عن المقابلة لاضافة الطفلة فكانت ورة 9 أشهر واعتبروهه مقابلة محلفين واضافه طفل وجنت مسويتلهه هوية الأحوال فقط والجواز دزيتلهميا بعد المقابلة لأن جان بعده ما خلصان وعادي ضافوا عالكيس ورة ثلاثة أشهر من المقابلة سوينه الفحص وحاليا احنه هولد ودنتتظر الأمنية مع العلم احنه مقدمين من 2011