استفسار بخصوص سحب الام او الاهل

[sonata619]

سلام عليكم شباب... كل عام وانت بالف خير ويارب الله يسهل كل معاملاتكم ويعجل بسفركم ...
اخواني اني مقيم في الولايات المتحده ولاية فرجينيا وعندي كرين كارد صارلي تقريبا سنه ونص واريد اسحب امي يمي يعني مثل متعرفون الظروف حيل تعبانه ...
شنو افضل طريقه اكدر اسويها وتكون مضمونه ؟؟؟ 
الشغله الثانيه عندي ولد صديقي اجه لامريكا هم فرجينيا بفيزة سياحه ومايريد يرجع وفيزته تنتهي بشهر ال ١٢ .. شنو الحل برايكم وهل اكو خطوره اذا ماحصل لجوء او اي شي منا لشهر ال ١٢؟؟؟ 
وعذرا ع الاطاله واني جدا ممنون منكم ... تحياتي 

[yasereal]

بالنسبة لموضوع الحجية ماعرف عنه شي بلكت يجي واحد من المنتدى يساعدك ونشوف شنو الحل بس اذكر انه عملية لم الشمل تاخذ وقت طووويل جدا الى ان يوصللك السرة وماعرف اذا جان الشرط الاساسي انك تكون عندك كرين او جنسية ؟؟؟
الحالة الثانية صديقك يروح يقدم على برنامج اسمة اسايلم ومن خلاله يحصل على لجوء من الداخل وطبعا الشغلة تطول كووومة تاخذ عالاقل سنة ونص ومالها علاقة الفيزا مادام هو رح يسوي الابلكيشن ويدزة للدائرة مال الهجرة رح يجون يبصموه وينطوه ورقة مال اقامة رسمية بدون اي صفة وما يكدر يشتغل ولا يطلع ولا اي شي...
واي استفسار اخر اني بالخدمة 

[سمك بني]

او يكدر يسوي للحجيه فيزة سياحه ثم يوكل لها محامي وتبقى يمه الى ان ينطوهه اقامه وشغلتهه تصير اسهل لانها كبيرة السن ولديها ابن في امريكا . وحتى طلعتهه اسهل اذا سافرت بمفردها.