قصتي مع الفحص الطبي

[Shining]

كما تعلمون اخوتي الاعزاء انا فحصت بتاريخ 20/7/2014 مع العلم نحن 3 كيسات تحول كيسان من فعال الي مكتمل بتاريخ 31/7/2014 اما كيسي تحول بتاريخ 3/8/2014 الطريف بالموضوع مدري الغريب  بالموضوع البارحه خابروا(اقصد مستشفى ابن البيطار) على تلفون زوجتي وللاسف ممنتبهين للتلفون !
صراحة دخت  !!!! بشكل مو طبيعي لان انا بالموقع مكتمل شنو هذا الي يصير مااعرف طبعا اتصل بيهم بس ماكو جواب وبعدها نغلق التلفون
اليوم قبل كم ساعه كلت خلي اخابرهم تصلت بيهم علما كان اتصالي من تلفون زوجتي اول مرد عليه منادي باسم وزجتي !! كلتله شنو الموضوع
كال نخابرك وننطيك موعد الفحص الطبي !!!! بس انا ختنكت  كلتله بس انا سويت فحص طبي   كال احتمال عندك ( اضافي فحص معين ) بس لاتقلق المشكله انا بالجنوب ومرتبط بدوام
تتوقعون شنو الفحص الاضافي برأيكم ؟؟؟؟؟؟؟
وهل الاتصال يتاخر لو لا ؟؟؟؟؟
الله يخليكم ساعدوني

[amireo74]

اخي العزيز اختي وزجه صارت بيهم نفس الحالة لان هية بالفحص كلتلهم اني عدي عجز بالقلب ومجايبة التقارير فمكلولهم اي شي وكملو الفحص عادي بس ورة فتره خابروهم وكلولهم تعالو عكم فحص اضافي كلكم بابن البيطار من راحو كللهم الدكور اني ماريدكم بس اختي وجانت جايبة التقارير الطبية واطلع عليه وسوله فحص عادي وراحو وهسة همة يسمعون حسك بامريكا لتخاف وروح بالموعد وانشالله خير
اخوكم
ابوعراق

[zoka]

استاذي انت ليش خايف قابل شعندك روح وان شاء الله يكون خير ولا توهوس .. اتوكل على الله وروح ... اتمنالك الموفقية وربب يسهل امرك

[ميار الحب]

اخي هاذ الشي دائما يصير وية الناس يعني مو بس بالعراق حتى اني بتركيا فحصت وكملت ورة 3 ايام اتصلو بية يكلولي جيب ابنك وتعال عنده فحص ..!! كتلهم عيني ابني  فحص ويانة وكمل جان يكلولي عادي اكو فحص اضافي ....ولما رحت وشفت الدكتور حجيت وياه كتلة شنو السبب كالي لا تقلق ما ياثر على ملفك ولا شي وعادولة الفحص والحمد لله
مع العلم اني بمحافظة تبعد عن اسطنبول 14 ساعة ,,!!!!!!
لا تخاف ولا شي هاي السالفة  صايرة وية اللاجئين هوااااااااااااااية

[اجونة]

ان شالله ماكو شيء اﻻ الخير 

[ghassan_alabdi]

السلام عليكم . مثل ما كالوا الاخوان واكو احتمال انو كان هناك شك بحالة حمل فتركوا شكم يوم يمر حتى بعدها يعيدون الفحص ويتاكدون . ماكو اي داعي للقلق كول الحمد لله اتصلوا للاعادة وما كلسنوك مناك وكالوا فاشل او اي شي ثاني . ثم الناس دتسافر بلدان لاجل هذا الامر فمو صعبة انشاء الله روحت بغداد , والله يسهللكم

[العراااب]

اني نفس الشي لتخاف الله يسهل خمس مرات فحصت و كل مره ويا فحص اضافي اني بعمان

[Shining]

المشكله ضليت اقلق خاف بينا شي هههههه
للعلم ماحددولي اي موعد كالوا نحن نتصل بيك ونبلغك
تتوقعون شكد

[نصبر والله كريم]

انشاء الله خييييير .. توكل على الله وروح اخويه العزيز