مساعده

[3ausha]

اني خريجه علوم حاسبات و كملت شهاديتي الجامعيه و صدقته من الخارجيه
بس حبيت اعرف يحتاج اخذ ويايه شهاده الاعداديه لو ميحتاج
ياريت اهل الخبره يفيدوني

[نصبر والله كريم]

اني نفس حالتج هم دا اطلع الشهاده مالتي لغات انكليزي هسه راح اطلعها واصدقها بس راح اكتفي بشهاده الكليه لان الشهاده كافيه لاثبات انه انتي مكمله اعداديه .. بعد ما اعرف اراء بقيه الاخوه شنو ؟

[نصبر والله كريم]

اني خريجه علوم حاسبات و كملت شهاديتي الجامعيه و صدقته من الخارجيه
بس حبيت اعرف يحتاج اخذ ويايه شهاده الاعداديه لو ميحتاج
ياريت اهل الخبره يفيدوني

بس سؤال اختي حول التصديق بالخارجيه شكد يطول .. هم لازم تظل المعامله يمهم فتره من الزمن لو تصدق بنفس اليوم .. وقبل التصديق من الخارجيه مو لازم تتوقع من التعليم العالي .. لان هسه اني  هم دايخ بهاي السالفه

[ghassan_alabdi]

السلام عليكم . اخوان اني كملت دراسات عليا بالخارج وكانوا دائما يطلبون شهادة الاعدادية فهي ضرورية جدا وانصحكم بترجمتها وتصديقها . اما التصديق فلا يحتاج وزارة التعليم العالي فقط تاخذ نسخة مترجمة من جامعتك وتذهب صباحا لدائرة التصديقات قرب السفارة الايرانية . وتصل صباحا باكرا لانهم ياخذون الاوراق صباحا واعتقد انهم يطلبون مستمسكات مستنسخة (غير متاكد من الاستنساخ لان الامر تم من فترة ) وعند ال 12 ظهرا تقريبا يتم التسليم للمواطنين .

[3ausha]

عفوا بس مفتهمت  شنو نسخه من جامعتك
لو من المدرسه التخرجت منه ؟؟

[علوشششششه]

آلسلام عليكم 

هيهه كلهآ آلشهآدآت متآكل هنآك لآن رآح يعآدلوهآ 

وآذآ آخذتي مآل آلكليه بس عآدي قآبل شنو طآفره طفر للكليه بدون آعدآديه هههههههههههههههه

آصور تكفي آلكليه بس 

[المهندس الزورائي]

نعم شهادة الاعدادية مهمة .. اني لو بدالج حتى شهادة الروضة اصدقها واخذها .. مخسرانة شي ..

[أبو توفي]

السلام عليكم ورحمة الله وبركاته
الاخت صاحبة الموضوع شهادة الاعداية جداً مهمة اضافة لشهادتج الجامعية لكن شهادة الاعداية ستكون عون اسرع من شهادتك الجامعية لان الشهادة الجامعية وحسب اغلب الاخوة الذين سبقونا وخصوصاً الاخ الغالي ابو قمر عسى ان يكون هذا الرجل بألف خير لانه فاد الناس بمعلومات قيمة ومن ضمنها هي شهادة الاعدادية لانها تؤهلك بالدخول بالهاي سكول مباشرة وخصوصاً اذا كانت مترجمة ومصدقة من الخارجية ... الترجمة من التربية التي تخرجتي منها والتصديق عليها يكون من الخارجية بميلغ بسيط حيث انا ترجمة شهادتي الاعدادية وصدقتها العام الماضي لم تأخذ أكثر اسبوع التأخير يكون بالتربية وترجمة الشهادة لكن بالخارجية انا في وقتها لم اتأخر راسأً دخلت وصدقتها اما الان لا اعلم لانني تارك بلدي منذ اكثر من عام ونصف ممكن الواحد يذهب للخارجية العراقية الواقعة في العلاوي وهناك يسأل الارضه حاجية الموجدين قرب الدائرة وهم يعطوك الخبر اليقين لكن توخو التقفيص من هؤلاء مجرد اعرفو كيف هو التصديق الان ....


              أخوك أبو توفي

[Ŗảaḟaṱ Hấmẕā]

الشهادة ظرورية وتحتاج تصديق ويرجى ترجمتها للغة الانكليزية

[ghassan_alabdi]

كنت اقصد شهادة الكلية وبالنسبة لشهادة الاعدادية نفس الامر . وبالنسبة للاخت الي دمها خفيف مال طافر اعدادية . احب اوضحلها انو شهادة الاعدادية مطلوبة في بعض  الامور والكلية في امور اخرى مو القصد تاكيد دخول الكلية . ولي سالوا انو لازم تعادلها وهي متاكل . احب اوضح اوكي هي لازم تتعادل بس اذا مما خذين شهادة مال كلية على اي اساس يعادلون وشلون يتاكدون من المواد الدراسية وعدد الوحدات .مع تحياتي

[2014human]

باختصار جدا وحسب ما قريب بالمنتدى ..... شهادة الاعدادية اهم شهاده

[3ausha]

حبايبي شكرا على ردودكم و مساعدتكم 
طبعا عادي سحبنه الشهاده من المدرسه 
بس التربيه مشكله الن معامله طويله و المعقب راد 250 الف دينار عراقي بس علمود يكمله من التربيه و يبقه التصديق مالته من الخارجيه لازم احنه نروح 
و كال تطول اسبوع 
يعني يرادلي اقل شي اسبوعين و اني ماعدي وقت بيه مجال كمله و يدزون الي نسخه تمشي هناك لو الا الاصليه ؟؟

[ليث سعد]

حبايبي شكرا على ردودكم و مساعدتكم
طبعا عادي سحبنه الشهاده من المدرسه
بس التربيه مشكله الن معامله طويله و المعقب راد 250 الف دينار عراقي بس علمود يكمله من التربيه و يبقه التصديق مالته من الخارجيه لازم احنه نروح
و كال تطول اسبوع
يعني يرادلي اقل شي اسبوعين و اني ماعدي وقت بيه مجال كمله و يدزون الي نسخه تمشي هناك لو الا الاصليه ؟؟

ممكن ايدزولج النسخه الاصليه على dhl اني دزيتهة الاخوية قبل سنتين

[2014human]

  المعاملة لشهادة الاعدادية كالاتي
1- تقديم طلب ترجمة شهادة من مديرية التربية
2- التربية تسوي كتاب للمدرسة المعنية وتسلمكم الشهادة باليد
3- ترجع للتربية مع الشهادة وتدفع 25 الف  وتتنتظر 15 يوم او اقل لاستلام الشهادة مترجمه ومصدقة من وزارة التربية
4- تاخذ الشهادة وتصدقها من وزارة الخارجية
 الصرفيات بالنقل او بالبنزين وبعض الاستنساخات ..... صور حديثة عدد 4 ونسخة من جواز السفر لغرض الاسم بالانكليزي


وشكراا وبلا معقب

حبايبي شكرا على ردودكم و مساعدتكم
طبعا عادي سحبنه الشهاده من المدرسه
بس التربيه مشكله الن معامله طويله و المعقب راد 250 الف دينار عراقي بس علمود يكمله من التربيه و يبقه التصديق مالته من الخارجيه لازم احنه نروح
و كال تطول اسبوع
يعني يرادلي اقل شي اسبوعين و اني ماعدي وقت بيه مجال كمله و يدزون الي نسخه تمشي هناك لو الا الاصليه ؟؟

[dr.hayder]

اسئل الاخوه الي اجابوا كم واحد منهم بالخارج استخدم شهادته الاعداديه فعلا؟يعني مو بس يكول مهمه

اذا تريدين تعادلين شهادتج مال الكليه وحسب كلام اصدقاء عندي بالخارج سئلتهم نفس السوال كالوا ماتحتاجها يعني اغلبيه الجامعات ماتتحتاجها واكو جامعات يريدوها

اذا عندج وقت طلعيها زايد خير

[2014human]

لحد الان 3 اشخاص قاموا بمعادلة شهادة الاعدادية لغرض العمل رغم ان لديهم شهادة كلية , وانا لست بالخارج

اسئل الاخوه الي اجابوا كم واحد منهم بالخارج استخدم شهادته الاعداديه فعلا؟يعني مو بس يكول مهمه

اذا تريدين تعادلين شهادتج مال الكليه وحسب كلام اصدقاء عندي بالخارج سئلتهم نفس السوال كالوا ماتحتاجها يعني اغلبيه الجامعات ماتتحتاجها واكو جامعات يريدوها

اذا عندج وقت طلعيها زايد خير