شنو رأيكم بهذي الطريقة للوصول الى بلاد العم سام ؟

[المهندس الزورائي]

السلام عليكم حبايبنا .. شلونكم ان شاء الله زينين .. صديقي عرضوا عليه فكرة وراح انقل لكم الفكرة مثل ما شرحلي  : صديقي عنده معارف بامريكا كلوله اكو بنات عدهم جواز امريكي ممكن يعملون زواج شكلي ( فقط على الورق ) حتى يسحبوه .. الشغلة تاخذ وقت بحدود سنة الى سنة ونصف ! ما اعرف شنو رأيكم ؟ اني ما مرتاح للموضوع .. احس مو مضبوط .. انتوا شنو رأيكم ؟ هم تعرفون هيج حالات ؟ تحياتي

[شوكت افلت]

صديقي العزيز هي الشغلة اوكي وصايرة قبل بس بيها عده اوجه :
اولا : اذا الشخص كان مرفوض مسبقا من قبل الاي او ام او اليو ان او طلب تأشيرة فيزة وتم رفضة بمقابلة السفارة فهذا مستحيل يطلع .
ثانيا : الشخص اللي يريد يطلع بهالطريقة راح يخضع لاجراءات تتم بالسفارة واكيد مقابلات امنية اذا نجح يمنحوا تأشيرة واذا لا فاكيد ميطلع .
ثالثا: البنية اللي راح تبعثلة ورقة الزواج ايضا راح تسوي سلسلة من الاجراءات بامريكا وراح تخضع لعدة اسئلة امنية  ( منين عرفتي - كم المدة - انطينة معلومات عنه -....الخ ) ومعلومات كثيرة من هالقبيل .
رابعا : بعد ان  يتم اجتياز جميع الفقرات اعلاه  راح يشوف نفسه انوا انقضت مالايقل عن سنة او اكثر وهو بعده هنا + الخسائر المادية 

تحياتي الك وهاي المعلومات عرفتها لان اني وصديقي مشينة بهيج مشروع وطبعا فشل بس عرفنه كل اجراءاته لكن اذا صار اي تغيير بالفترة الاخيرة الله اعلم ......
وان شاء الله الاخوة يصححون كلامي اذا بي غلط ..........بس حبيت انورك .........تحياتي وتقبل مروري 

[Hasan&Yaseen]

اضافة الى ما ذكره الاخ مشكور هو وجود عقد رسمي بحظور الطرفين في العراق او في احدى الدول المجاورة واحتمال  يطلبون صور لمراسم الزفاف كدليل اضافي
 

[اجونة]

شكو بيها خوش طريقه بس مايصير عقد زواج بالوكاله ؟ قبل كم سنه صار لاحدى اقاربي بدوله عربيه عقد زواج بالوكاله ﻻحد اقرباء الزوج وتم العقد وهسه عدهم اطفال ومستقرين والحمدلله
اختكم اجونه عمان  ...... يارب الكل اتسافر وترتااح

[سبيس]

اضافة الى ما ذكره الاخ مشكور هو وجود عقد رسمي بحظور الطرفين في العراق او في احدى الدول المجاورة واحتمال  يطلبون صور لمراسم الزفاف كدليل اضافي
 
[/quote
نعم
 لازم حضور الزوج والزوجة في اي دولة لغرض عقد الزواج وتصديقه من الخارجيه لتلك البلد ومن السفارة الامريكيه الموجوده هناك
وعدم حضورالطرفين لا يمكن يكون الزواج
ابو الوليد

[Hussein Programmer]

بالاضافة للي كالو الاخوان 
البنية احتمال بنص الشغل تريد فلوس زيادة و تريد ذهب و تريد هواية امور 
بالاضافة لهذا الشي كلة البنية لازم تجي لتركية حتة تتزوجة و يطكون صور علساس هم متزوجي و جميع مصاريف الرحلة من طيران لماكل لمسكن للبس على حسابك يا بطل 
بالاخير اذا انقبلت و طلعتلك فيزة فلوس الطيارة عليك و توصل هناك اكلك و شربك و سكنك عليك و لازم تشتغل و تصرف على نفسك ماكو شي اسمة مساعدات او يدورولك شغل . يعني بهالطريقة اذا البنية غريبة انتة و الخمس دفاتر اذا خلصت شغلتك كلش زين 
اني من ناحيتي اذا اي شخص يريد يسافر بفلوس خلي يختار طريق الدراسة اامن و ابسط 

[عديل الروح]

السلام عليكم


اكو طريقة اسهل وارخص واسرع تسوي كرين كارد او ترفل دكومنت او جواز سفر امريكي مضروب يوصلك للعراق او الاي دوله انت بيها وتظلع بيه من الدوله الي انت بيها او من مطار الترانزيت وطبعا اكو ناس محترفين بهذا العمل وبعدين تتلف المستمسك وتنزل بالمطار وتقدم اوراقك الاصليه وتطلب لجوء طبعا راح تتعرض للكثير من الاجراءات الامنيه والتشييك واحتمال تنحجز فتره بس بالنهايه راح تحصل لجوء

[awssss]

اخي الكلام واحتمال ايضا عند الطلاق سوف تطلب نفقة مالية منه لان هو من طلب الطلاق.

[المهندس الزورائي]

شكرا لجميع الردود .. حبيبي شوكت تفلت ,, اليوم كنت اتناقش مع صديقي حول بعض ما ذكرته من نقاط .. هو كان مقدم فيزا ومرفوضة  ومع ذلك كلوله عادي تستمر الاجراءات .. بالمناسبة المبلغ المطلوب منه هو 5000 دولار يدفع 4000  بعد الوصول . ع فكرة .. الموضوع كله ترتيب من محامي  معروف بامريكا يعني يعرف الاجراءات وكله حتى اذا مرفوضة فيزتك مو مشكلة بس لازم ما تكون  مقدم لجوء وما عندك كيس نمبر  .. وياخذ مقدم 1000 دولار بس ! باقي النقاط حول الاجراءات صحيح مثل ما ذكرت . اني كلت خلي انطيه كرين لايت حتى اجرب براسه خاصة انه اعزب وما عنده مشكلة بالفلوس ههههههههه .. تحياتي وامتناني للجميع

[شوكت افلت]

حبي اذا ماعنده مشكلة بالفلوس خل يتوكل (  )   هههههههههه سوي حقل تجارب بس تابع ويا اول باول لان المحامين عدهم خوش دروب احنة نجهله والله ان شاء الله يوفقه احنة شنريد اني اكيف كل الشباب يطلعون لامريكا ......الله يسهل حبي ,,,,,,وانقلنا تفاصيلة اول باول......تحياتي

[omar jassar]

انت جرب براسه واحنا هم نجرب وياكم ههههههه

[المهندس الزورائي]

مرحبا حبابيبي .. المستجدات : البنية عراقية عدها جواز امريكي .. ارملة وبنت ناس ووافقت ع الشغلة حتى تساعد فقط يعني ما تقبل زواج شرعي بس ع الورق .. وسنوافيكم باخر الاخبار حال توفرها .. تحياتي

[تفرج]

اخوية المهندس دزيتلك رسالة علخاص اذا امكن منتظر رد اخوية