الى الخبراء في الهجره هل يمكنني التقديم على الفيزا السياحيه وانا مقدم على iom

[مهند القطان]

السلام عليكم اخواني 
اخي قدم على iom وقدم لي معاه واستلم iz ولم نقابل اي مقابله سؤالي هوه هل يمكن ان اقدم على الفيزا السياحيه ام لا وارجو من الكل المشاركه وابداء معلوماتهم لان ناوي اقدم على فيزا سياحيه

[مهند القطان]

رحمه لاهلكم شنو السالفه محد عنده معلومات يفيدني بيهه 

[abo mays]

عزيزي مهمند المحترم 
السلام عليكم 

اخي لا يجوز الجمع بين فيزا السياحه والتقديم الى الاي او ام او اليو ان / وانا اجيبك عن تجربه وخبره / وليس اجتهاد .... وللعلم اول سؤال يسال من الشخص الذي يقابلك هو هل قدمت على الاي او ام او اليو ان .... مع تحياتي 

ابوميس 

[iraqforme]

اخي مهند  كلام الاخ ابو ميس مضبوط ضبط العكال لان اول سؤال يسألك ( عندك ملف بل اي او ام لو لا ) وفي حالة تكله نعم راسا يرفض طلب تقديم الفيزة
وتحياتي

[darkside666]

اخويه العزيز اني جنت امقدم على IOM وبنفس اللحظه اجتنه هديه من الولايات المتحده الامريكيه بأن انقدم VISA B2 بعدين اني قدمت 2012 شهر الثاني وراهه اجاني مقابلة محلف شهر الثالث 2012 والمحلفه سألتني كلتلي انته جوازك بالسفاره الامريكيه وامقدم على فيزا سياحيه كتلهه اي كلتلي اتريد تسحب جوازك لو تلغي مقابله ال اي او ام كتلهه لا ما اريد الغي ال اي او ام وبعدين هيه بعثت ايميل من يمهه لالغاء الفيزا السياحيه وكملت المقابله . مخلص الحجي اذا انته اتريد فيزا سياحيه لازم تلغي ال اي او ام لان راح تنلاص عليك الجواز مالتك اذا وافقوا عليك بالفيزا راح يبقه بالسفاره وايطول شويه واذا اتريد ابقه على ال اي او ام . وأي شغله اتريدهه من ناحية الفيزا السياحيه اني عندي خبره بيهه لان امقدم الناس بيهه واني بالخدمه حبي.

[أبو صهيب]

ميصير اخوية تقدم على فيزا زيارة وانت مقدم اي او ام او اس اي في لان الفيزة تنرفض والاي او ام او الاس اي في راح يعرفون انت مقدم على فيزا وتنلاص عليك وتضيع المشيتين عليك

[ابو عسكر]

زين اذا كللهم لا ما مقدم على ال IOM , هل من الممكن ان يعرفون بان هو مقدم .

[مهند القطان]

واذا كتلهم ممقدم على iom واني اصلا ممقابل اي مقابله وبعدهم ممتأكدين من عمل اخويه مع الامريكان واني مو مقدم طلب رئيسي

[ابو عسكر]

UP

[شوكت افلت]

حبيبي متكدر تكللهم ممقدم لان بسهولة يعرفون ..............

[abo mays]

عزيزي الغالي 

انطلاقا من القول ( الباب اللي تجيك منه الريح ... سده واستريح ) . اود ان ااكد لك بان هنالك ملاحظة في موقع السفاره تقول ( ان منحك تاشيرة الدذول لا يعني ضمان دخولك للولايات المتحدة ) يعني ممكن ان ترجع من المطار اذا كان هناك امر يخالف التعليمات . 
صدقني اخي / انا سبق وسافرت لامريكا قبل التقديم على الاي او ام / وكررت الطلب وحصلت على فيزا مره اخرى لي ولزوجتي / وبعدها تهددت وفقدت احد افراد عائلتي .. وقدمت على الاي او ام ولدى الاستفسار من السفاره اكدت لي بما معناه لا يجدوز الجمع بين السفر للزياره والتقديم للاي او ام وطلبو معلومات عن رقم الجواز والاسم لاتخاذ الاجراءات , ولم اسافر لانني لا اريد ان اضيع المشيتين / مع تقديري ...


اخوك ابو ميس