سؤال عن شهاده عدم المحكوميه في العراق

[saraa1234]

السلام عليكم
ارجو افادتي عن شهاده عدم المحكوميه وين يامكان ببغداد نروح حتى نسويها وشنو نحتاج وثائق وشكد تطول حتى تطلع ولكم جزيل الشكر 

[اجونة]

بساحة التحريات بالكراده وتاخذون كل المستمسكات (يعني اﻻربعه )وراها كم يوم تستلموها ان شالله 
هذا فقط الي اعرفه .
اختكم اجونه عمان .

[غريب غريب]

شكرا للاخت اجونة  على جوابها ولاكن الدائرة الجنائية انتقلت من ساحة التحريات الى بناية الامن العامة الواقعة في منطقة البلديات ومن توصلون البناية اسئلو جماعة الاستعلامات راح يرشدوكم على كرفانات العدم محكومية وهناك راح يطلبون مستمسكاتكم مع صور للاشخص المراد اصدار عدم محكومية له وراح تدفع الوصل حسب طلبك للوثيقة باللغة العربية او الانكليزية .
تحياتي

[اونزووو]

السلام عليكم
ارجو افادتي عن شهاده عدم المحكوميه وين يامكان ببغداد نروح حتى نسويها وشنو نحتاج وثائق وشكد تطول حتى تطلع ولكم جزيل الشكر

موقع الحالي في البلديات الامن العام وبالتحديد من المدخل الي على القناة اكو ساحة مال فحص مرور للسيارات يعني من تجون من الجسر الي يم العمارات مال زيونه صاير على ايدكم اليمنة على القناة وبيها خوش مشية لي جوى لان صايرة اخر شي بالمجمع بس تكدرون اي سيارة بدربكم يصعدوكم كلش عادي هناك تكسيات او سيارات شرطة
والوثائق هي هوية الاحوال وشهادة الجنسية وبطاقة السكن والتمونية نسخ والاصلية معاكم واهم شغلة لا تنسوها هي الجواز معاكم لان يردون الاسم بالانكليزي وراح يسئلوكم لاي غرض تريدون مثلا اكو يكلون دراسه اكو سفر وتعملون بصمة الاصابع وثم وره ثمان ايام عدا العطل ترجعون لاستلام نسخة عدم المحكومية ثم لازم تودوها الى وزارة الخارجية لاجل التصديق ها لا تنسون الي اذكرة ثلاث صور مدري اربع
مع تحياتي

[Joker21]

كلام الاخ اونزو صحيح 100%
بس عندي اضافة صغيرة بعد اذن الاخ الكريم اونزو
اطلبوهة الشهادة باللغة الانكليزية (ما من حقكم تطلبون نسختين عربي وانكليزي)....طبعا الاجراء يأخذ من نصف ساعة الى ساعتين (حسب الزخم)...و ينطوكم وصل بعد اكمال الاجراء و يخبروكم بالعودة لاستلام الشهادة بعد 10 ايام....هذا الحجي قبل شهرين والمفروض لحد اللحظة ما اختلف.

تحياتي

[اونزووو]

لا هسة صارت ثمان ايام عدا العطل
ومشكور مرورك اخي جوكر
تحياتي

[ammar_k_ar]

السلام عليكم
سؤوال قيم واجوبة رائعة ... بس عندي استفسار نحن عائلة من 7 افراد اطلع عدم محكومية بس الي رب الاسرة او مع الزوجة والاطفال
مع الشكر الجزيل

[اونزووو]

الي اعرفه انه منو الي يريد يستفاد من عدم المحكومية يعني انت تريد تدرس فيردون عدم محكومية وان زوجتك تريد تدرس نفس الحال فاتصور حسب الدولة الي انت رايح الها شي طلبون واني شفت مرة كانت معي دا تعمل عدم محكومية وكانت جايبة وياها اولادها وجوازاتهم هم كانت دي يشتغلون بيها بس ما ادري كلهم على ملف واحد لو كلمن معاملة والي اتصوره كلمن معاملة لان علمود الرسم عشرة الاف دينار وبتقديري انه لحد عمر معين يله تعمل عدم المحكومية يعني الطفل ما اتصور والله اعلم
تحياتي

[ammar_k_ar]

شكرا اونزووو للرد المفصل
بالنسبة الحالتي اني حطلع الى تركية واقدم على un واطلب اللجوء الى امريكا علما اعمار الاطفال  18- 17- 13- 11-9  

[سلامه يا وطن]

السلام عليكم
سؤوال قيم واجوبة رائعة ... بس عندي استفسار نحن عائلة من 7 افراد اطلع عدم محكومية بس الي رب الاسرة او مع الزوجة والاطفال
مع الشكر الجزيل

السلام عليكم

الاخ العزيز بما انه انت صاحب عائله والذهاب للادله الجنائية موسهل ..... وبحسب تجربتي بالنسبة للمشمولين هم من عمر 16 سنه فما فوق ذكور واناث وتجربتي هذه قبل سنه تقريبا  ..... واذا انت قريب بغداد افضل تروح للعنوان الي ذكرو الاخوان على القناة وتستفسر منهم افضل مما تاحذ العائله وتروح والجو حار جدا والاطفال ميستحملون ..... اخوك مثلك صاحب عائله واتبهذلت من وره هالشغلات صارلي سنين .... الله يكون بعونك وبعونا جميعا

تحياتي

[MUN]

الاخوة الاعزاء ..تحية طيبة
هل عدم المحكومية مطلوب في ال IOM , SIV ?
وهل تعتمد عليه منظمات اللجوء ...ويختصر وقت التجييك الامني ...؟؟ ام انه بدون فائدة لطالبي الهجرة واللجوء خاصة ؟

مع التقدير

[brad_pitt]

يفيدني العدم محكومية ب iom لو لا
واكدر استفاد منه اهناك بأمريكا لو لا؟

[اونزووو]

السلام عليكم
ارجو افادتي عن شهاده عدم المحكوميه وين يامكان ببغداد نروح حتى نسويها وشنو نحتاج وثائق وشكد تطول حتى تطلع ولكم جزيل الشكر

عيني جيك هاظ الرابط بي الي تريده
http://www.ankawa.com/index.php/ankawaforum/index.php?topic=748387.0
تحياتي