من جماعة بغداد وقابلت مقابله استفسار بعمان ... والله دخت

[mukhtar ali]

السلام عليكم اخواني واخواتي اعضاء عنكاوه الكرام شلونكم ان شاء الله زينين ؟!
طبعا اني من العائدين من سوريا ونقلت ملفي ( IOM ) لبغداد وخلصت كلشي وجنت منتظر الامنيه من 2012 وتالي اجاني الرفض قبل شهرين تقريبا. فاني اجيت لعمان قبل فترة واليوم رحت لمنظمه الهجرة وقابلت مقابله استفسار فسالتهم عن الاستئناف يكولون منكدر نكلك شكد ويردون عليك ودزولي ايميل بي استمارة امليها وادزلهميا اذا ردت استأنف فكلتلهم اذا اريد اغير بلد شسوي كالو ترجع لليو ان مو من عدنا التحويل, واني هسه ما ادري اقدم استئناف لو اروح لليو ان واكلهم اني مرفوض وبلكت يحولوني لاي بلد؟؟ وشكد تاخذ وقت اذا ردت احول ويطلع توطين؟! لان والله دخنا كل واحد يحجيلك شي واحد ينطيك امل و واحد يرجعك للصفر حتى اهل المنظمه مابيهم اي حظ

[AUS2013]

والله عزيزي ماكو واحد ممكن يكلك شكد الفترة اذا رجعت ملفك على اليو أن شوكت ممكن يخلوك على غير دولة.
لكن 
نصيحتي الك اذا مقتنع بقصتك فالافضل تسوي استئناف وهذا الشي الاقرب الك 
وان شاء الله تتيسر الامور 

[اجونة]

اعتقد المفروض اي اوام تبلغ اليوان بالرفض .... يعني مو انت تروح وتكللهم شفويا  ..... حتى ﻻتروح وتجي وتتعب ع الفاضي ......مجرد رائ.. وتقبل مروري والله يسهللكم
 اختكم اجونه عمان ...... ويارب الكل اتسافر وترتااح

[mukhtar ali]

والله عزيزي ماكو واحد ممكن يكلك شكد الفترة اذا رجعت ملفك على اليو أن شوكت ممكن يخلوك على غير دولة.
لكن
نصيحتي الك اذا مقتنع بقصتك فالافضل تسوي استئناف وهذا الشي الاقرب الك
وان شاء الله تتيسر الامور

اشكرك على الرد حبيبي AUS2013
والله يا اخويه مو هيه المشكله الكل مقتنعين بالقصه حتى همه بس دينطون رفض بالجمله واليوم شفت واحد مقدم استئناف وجايه رفض ثاني وسجل باليو ان هنا بعمان وراح يحول كندا مدري استراليا.. يعني اني اخاف اضيع الوقت كله انتظر بالرد من 3 الى 12 شهر وتالي يجي رفض ثاني وهالشي هو الارجح و وراها عود اروح اطلب تحويل.. وهم اكول اذا ما استأنف يجوز بعد فترة يهتمون بس بالمرفوضين وتروح عليه يعني والله ماعرف دخت والله 

[mukhtar ali]

اعتقد المفروض اي اوام تبلغ اليوان بالرفض .... يعني مو انت تروح وتكللهم شفويا  ..... حتى ﻻتروح وتجي وتتعب ع الفاضي ......مجرد رائ.. وتقبل مروري والله يسهللكم
 اختكم اجونه عمان ...... ويارب الكل اتسافر وترتااح

والله يا اختي المفروض هيج بس ما اعرف شنو قصتهم يكلي تروح تقدم على اليو ان وتكلهم مرفوض وهمه يحولوك يعني حتى حجي ميحجون بس يكلك سوي هيج
امين يارب ان شاء الله الكل ترتاح اشكرج هوايه

[AUS2013]

اشكرك على الرد حبيبي AUS2013
والله يا اخويه مو هيه المشكله الكل مقتنعين بالقصه حتى همه بس دينطون رفض بالجمله واليوم شفت واحد مقدم استئناف وجايه رفض ثاني وسجل باليو ان هنا بعمان وراح يحول كندا مدري استراليا.. يعني اني اخاف اضيع الوقت كله انتظر بالرد من 3 الى 12 شهر وتالي يجي رفض ثاني وهالشي هو الارجح و وراها عود اروح اطلب تحويل.. وهم اكول اذا ما استأنف يجوز بعد فترة يهتمون بس بالمرفوضين وتروح عليه يعني والله ماعرف دخت والله

والله يا حبيبي اني اكول لاتقيس قصتك مع الاخرين
قدم استئناف والله كريم
بكل الاحوال تقديم الاستئناف هو اوبشن اول
والتحويل على اليو أن هو اوبشن ثاني ممكن تستغله بعد الاوبشن الاول , يعني مراح تفقده اذا قدمت علاول
بس رح تفقد الاول اذا اختاريت الثاني!

أرجو ان تكون وصلتك الفكرة
بالتوفيق ان شاء الله

[AUS2013]

ابد لاتدوخ
استخدم الاول وانطي وقته عادي حتى متندم 
واذا مصار عود ذاك الوقت روح عليو ان
بهذا تكون سويت العليك

الله يسهللك

[mukhtar ali]

اي والله صح, ان شاء الله حقدم استئناف ونشوف شلون
مشكور ومقصرت بالرد
الله يوفقك ويسر امرك يا طيب وان شاء الله الكل تسافر وترتاح