هل السفر الى ايران له تاثير على قبول الهجرة الى امريكا

[mohanad kareem]

السلام عليكم
انا تقديم 2012 ومكمل مقابلة اولى وثانية وفحص طبي واجتني الدرفلتر قبل 20 يوم وتلعق الملف ولحد الان منتظر نزول المدينة والمطار .
سؤالي هو هل استطيع السفر الى ايران لوحدي بدون عائلتي وهل لهذه السفرة تاثير على القبول وشلون راح يعرفون انو انا رحت لايران حيث اخر مرة انطيت الجواز بيها هي اثناء الفحص الطبي
ارجو الاجابة من ذوي الخبرة 
مع الشكر

[awssss]

اخي انت عراق لو الاردن

[سمك بني]

حبيبي اذا عرفو او لم يعرفو فهل مستقبل حياتك متوقف على سفرك الى ايران؟؟ ابعد عن الشر و غنيلو تره همه كلشي يعرفون خاف تكول لان اي حركه من العراق الى الخارج راح يعرفوهه!!

[ghassan_alabdi]

السلام عليكم . الي اعرفه انو اي سفر بعد مقابلة المحلف غير مفضل ويسبب اشكلات بالامنية اما اذا كانت ايران فاااكيد راح تاثر لاني من قابلت المحلف قبل 3 سنوات كنت داخل ايران لمدة 18 ساعة فقط لاسباب تتعلق بالسفر من مطار طهران حيث لم تكن وجهتي موجودة في مطارات العراق فبقى المحقق يسال عن هذه الساعات والسبب اكثر من سؤاله عن سفري للبلد اللذي ذهبت اليه من ايران (الهند) وحسب ما رايته من تعابير وجهه ان الموضوع ازعجه بشدة. لكن بعدها وافق والحمد لله

[awssss]

بارك الله فيكم اخوان على هذه الردود الشافية والوافية.والاخ ghassan_alabdi هو احد الذين مرو بهذه التجربة .وشكرا للنصيحة

[mohanad kareem]

اشكر الجميع جزيل الشكر

[sameer88]

لن انسى كيف رمى القنصل جواز المرأة العراقيية من اسفل شباك المقابلة عندما كانت تريد الحصول على فيزة لرؤية ولدها في اميركا. فقط لانه شاهد الختم الايراني على الجواز. 
طبعا بنفس الوقت عندي صديق راح سوه عملية عيون بايران وهم طلع معي SIV.  فالغلة انته وحظك. بس نصيحة خلييك بالسيف سايد احسن

[ابو كارتونه]

اخي ,, راح اخصمهه وياك ....دييييييييييييييييييييييييييييييييييييييير بالك تخطي خطوة السفر الى ايران ... روح لغوانتنامو ولا تروح الايران ..لان الولايات المتحدة تعتبر ايران خط احمر مثل خط الكتابة... ومعاقبة من قبل المجتمع الدولي..وما خفي كان اعظم.ونصيحة لا تذهب ...لا تروح ...لا تمشي ...لا تسافر ...اكعد واكرص

[Ali hassan]

اخي العزيز اني ذهبت الى ايران وقبل التقديم سالت اخد اصدقائي اللي سافروا الى امريكا وسالت الامريكي اللي انطاني التوصية كال اذا سالوا لماذا ذهبت الى ايران قلهم للعلاج واخذلهم كارت دكتور هناك موجود وفعلاً حصلت على كارت لدكتور عيون  ومن قابلت سالني ليش رحت لايران اخبرتهم بالقصة واخرجت لهم الكارت بس انت رايح لامريكا ان شاء الله شعندك بايران وعلى قول احد الاخوان المعلقين ابقى بالسيف سايد احسلك ولو طالع قبل التقديم جان افضل بس هسة لاجازف 

[يونس محمود]

قبل سنه واحد جانت نايمه عليه طابوكه بقه سنين بل اي او ام بس مشوه سافر هم رايح ليران وبقو يسالوه ليش كالهم زياره دينيه