استفسار حول فحص القشع

[ابو عسكر]

تحية طيبة
اخوان  من لديه معلومة حول مدة اكتمال فحص القشع 

[Ghassan2]

هناك نوعين من فحص القشع ,  واحد يكمل سريع و الثاني اكثر من شهرين.
الاكثرية يسولهم الثاني و يتأخروا شهرين ولكن اسئل بالمستشفى.......

[العراااب]

شهر ونص و اني مسوي خمس مرات   و من اول مرة النتيجة سلبيه و كل مره يخلوني اعيده  بس تاخير عالفاضي يعني الفحص ست اشهر و يصير اكسباير التحليل يطول شهر و نص و انتظار فد اسبوعين بين متكمل النتيجة و توصل للمنظمه يعني راحت شهرين تبقى 4 و يصير الفحص اكسباير و على هالحال 

[Shining]

اخوان سؤال اذا الفحص مكتمل بالموقع بعدها اكو فحوصات اضافيه لو لا
لو خلاص يصير الفحص منتهي نهائيا  ؟؟؟؟؟؟
تحياتي

[العراااب]

الفحص يبقى فعال لحين انتهاء فترة التحليل وارسال النتيجة الى القسم الطبي في المنظمه  بعدها يصير مكتمل داحجي عن تجربه
اخر فحص سويته يوم 20/5 و اتصلوا عالفحص الاضافي بعد اسبوع يعني يوم 27/5 وراها رجت كل يوم لمدة ثلالث ايام انطي عينة و بعد انتهاء الايام الثلاثه نحسب شهر و نص و ننتظر الى ان توصلهم النتيجة و لحد الان بالموقع الفحص الطبي فعال المفروض وصلتهم النتيجه بتاريخ 13/7 الله كريم 

[homelesss]

العفو اخوان بس شنو هذا "فحص القشع" اني عندي موعد فحص طبي ودا اقرة بالموقع وشفت الموضوع واستغربت يعني مدا  اعرف شنو قصدكم بيه وبعدين الفحص هو مو يوم واحد لو شنو؟؟

[AUS2013]

العفو اخوان بس شنو هذا "فحص القشع" اني عندي موعد فحص طبي ودا اقرة بالموقع وشفت الموضوع واستغربت يعني مدا  اعرف شنو قصدكم بيه وبعدين الفحص هو مو يوم واحد لو شنو؟؟

عزيزي اطمئن 
هذا الفحص خاص بالسل الرئوي
ومايسووه للكل
فقط للي يطلع عنده مشكلة باشعة الصدر يسووله فحص قشع حتى يتأكدون من التشخيص

[AUS2013]

الاخ العراب
اتصل بالقسم الطبي مباشرة واتاكد من وصول الفحص الهم
هذا رقمهم الفرعي 724 
ادخله بعد مايفتح الخط بالرقم الرئيسي والانسر مشين تطلب منك ادخال الرقم الفرعي

ان شاء الله بالسلامة والتوفيق ان شاء الله

[العراااب]

شكرا اخويه اوس الله يسلمك اتصلت عدة مرات و  محد يرد و الايمل هم ماكو جواب المشكله كل مره اعبد الفحص اذا النتيجه سلبيه ليش  يخاوني اعيده لا مره و لا مرتين خمس مرات

[AUS2013]

يعني خابرت على هذي الارقام؟
+962-6-562-5080,  Ext 724 , 725 , 727
اخاف كنت تستخدم الرقم الخاص بالتوطين هذا 065625077 ؟ هذا مابي ادخال ارقام فرعية!!!
استخدم هذا 
0096265625080 وبعدين واحد من الارقام الفرعية اعلاه

[العراااب]

اي اخابر الرقم الي نهايتة 77  
شكرا الك الله يوفقك و سفر  قريب ان شاء الله

[العراااب]

اتصلت اليوم  على الرقم الي كتبه اخويه اوس و تكلمت معاهم الموظف كال مواصلنا نتيجة التحليل ليهسه و التحليل ياخذ من شهر ونص الى شهرين اني صارله 71 يوم  :(كال بس توصل النتيجهه يتحدث الموقع  يعني بين قوسين يبقالي بس 3اشهر و الفحص يصير اكسباير راح يخلوني اسافر خلال 3اشهر  ما اصدك و هم تعال عيد هاي اللغوه كلها والله ميصير خمس مرات اسوي تحليل و النتيجه سلبيه  ليش هيج اظل اعيد بي كل مره  من 2009  مقدم و ليهسه دانتظر رحمة الله 

[AUS2013]

اتصلت اليوم  على الرقم الي كتبه اخويه اوس و تكلمت معاهم الموظف كال مواصلنا نتيجة التحليل ليهسه و التحليل ياخذ من شهر ونص الى شهرين اني صارله 71 يوم  :(كال بس توصل النتيجهه يتحدث الموقع  يعني بين قوسين يبقالي بس 3اشهر و الفحص يصير اكسباير راح يخلوني اسافر خلال 3اشهر  ما اصدك و هم تعال عيد هاي اللغوه كلها والله ميصير خمس مرات اسوي تحليل و النتيجه سلبيه  ليش هيج اظل اعيد بي كل مره  من 2009  مقدم و ليهسه دانتظر رحمة الله

الله يعينك ويعينا وياك
والله همه كل واحد يطلعوله شغلة شكل في سبيل يأخروه
اني مثلك من 2007 طالعين لسوريا ومتهجولين وهسة بالاردن وننتظر ...وملفنا نظيف كلشي مابي 
وكاعدين لاشغل لادراسة  ولانكدر نرجع لجحيم العراق
حسبنا الله ونعم الوكيل

الله كريم ماعندنا غير الصبر اخويا الغالي

[العراااب]

شكرا  اخويه اوس الله يفرجها عليك و عالكل  وسفر قريب ان ساء الله