هل يجوز اثناء انتظار فيزه لم الشمل التقديم على سياحيه او دراسه امريكاا...رجاااءا الي عنده معلوماات

[ريما العراقيه]

 اخواتي اخواني  اذا ممكن حبيت استفسر اذا احد مجرب او سامع   ممكن واحد يحصل فيزه سياحيه لو   دراسه ال امريكاا   بالفتره الي دينتظر بيهااا  لم شمل   لو مستحيله تصير ؟!  يايريت الي عنده معلومااات  اكون كلللش منونه ...

[شوكت افلت]

ادري هذا شلون حجي ؟؟؟؟......  
معقولة  واحد يسأل هيج سؤال طبعا ميصير ......

[ريما العراقيه]

اي  وشنو العيب بالسوال   اذا لم الشمل تطول فد سنه سنتيين   وواحد يريد  يشوف اهله   ميفكر بغير حلووول  

[amir libya]

يعني مثلا شخص قدم لم شمل لأخوه.. هل تعلمو ان فترة الانتظار للاخوة والاخوات بلغت اكتر من 13 سنة..

هل يحق له التقديم علي فيزا سياحة او دراسة ؟؟؟ لا يعقل ان يبقي طيلة هذه المدة وهو ينتظر ولايحق له الدراسة في الولايات المتحدة

[ريما العراقيه]

شكرا اخ امير على المداخله والتوضيح   لان اكو ناااس تعلق تعليقاات مو مناسبه   بدون ميكون عدهم معلومات.....   ممنونه كلش

[yasereal]

طبعا اللي يشوف هالكلام يكول ايباااااااه شكد الفيزا السياحية او الدراسية مال الولايات المتحدة سهلة !!
اخوان صلو عالنبي اولا ميصير هالشي لان اسمائكم طابة بملف لم الشمل ثاني ي هذا النوع من الملفات فعلا يطول فترات طووووويلة جدا جدا لا سنتين ولا هيج انسوو 
وتجي عالفيزا الموظفين بالسقارة يتعيقلون براسك الى ان تلعب نفسك وتالي مينطوك فيزا وانت صارفلك مدري شكد اذا دراسية اما اذا سياحية فتقريبا نفس الحجي

[topra]

أني اعرف واحد مقدم لم شمل مع اخوه وقدم فيزا سياحيه وحصل فيزا 
الي اعرفه لازم تكون عندك وظيفة وراتب قوي وإذا عندك دخول لأمريكا سابق وخروج بصورة قانونيه يكون فرصتك في الفيزا اكبر 
بالتوفيق 

[ريما العراقيه]

شكرا اخ ياسر واخ توبرا على الرد ممنونه منكم  هوووو  الظاهر الموضوع مابي قانون معين ويعتمد على مزاجيه وقناعه الموظف بلسفاره وعلى   ملف كل واحد  .. الله يسهل ان شاء الله للجميع ...  بس عفواا اخ توبرا ال شخص ال تعرفه من سوووه طلب الفيزه ذكر بي انه مقدم على  immigrant visa !!    لانه اكو سوال بالابلكيشن   اذا كنت انت او احد بلنيابه عنك مقدم على  فيزا هجره ...  وشكرا مره ثانيه 

[شوكت افلت]

اخت ريما اولا اني اسف اذا مداخلتي معجبتج بس حقج انتي جديدة عالمنتدى ومتعرفيني اني صارلي سنين اشتغل بالسفارة الامريكية وعندي معلومات خير من الله بهيج مواضيع ......ماكو معاملتين فيزا بنفس الاسم لو مدري شيصير .......تمشي المعاملة عادي بس بالمقابلة يرفض الطلب وهاي صارت عشرات بل مئات المرات الا اذا يتم الغاء فيزة لم الشمل وبعد مرور كم شهر يتم التقديم على فيزا من نوع اخر .......وللعلم فيزة الدراسة او الزيارة البروسس مالته هم طويل وصعب .......وعموما اتمنى ياربي يفرجها عليج بس جان المفروض بيج من البداية تقدمين على فيزا عادية قبل لتسوين لم الشمل .......تحياتي الج واتمنى اكون غلطان ويحقلج تقدمين وياربي تشوفين اهلج باقرب وقت ......تحياتي 

[ريما العراقيه]

 شكرا اخ شوكت افلت على جوابك وتوضيحك ممنونه كلش     ... والله   بعدني ممقدمه لم شمل لذلك دااسال واجمع معلومات  وبنفس الوقت قدمت على سياحيه وانرفضت علماا اني   حاليا باوربا ووضعي قانوني لذلك انصدمت من موافقوا على الفيزه السياحيه....    والهذا  السبب ما اعرف  انه ابقى احاول على   فيزه الدراسه او السياحه  ممكن يغيرون رايهم حتى لو انرفضت اول مره اوو نقدم لم شمل وخلال فتره لم الشمل   نبقى نحاول هم على غير انواع  فيزه ...  الخطا الي سوينااا  انه اني ذكرت  بمقابله  الفيزه انه زوجي بامريكا    وهذا كان حسب نصيحه محامي   هجره هناك لان كال اكيد الي عنده  اقامه بدوله اوربيه   يحصل فيزه  بكل سهوله !!! ..بس السفاره كان رايهم غير شكل .. وما اعرف  شنو  تنصحناا  نسوي بهلحاله باعتبار مااره عليك هوايه معاملات من هيج نووع ... و شكرا الك مره ثانيه ويارب تتسهل   امورنا واموركم جميعااااا ... تحياتي 

[hkr_7878]

اخواتي اخواني  اذا ممكن حبيت استفسر اذا احد مجرب او سامع   ممكن واحد يحصل فيزه سياحيه لو   دراسه ال امريكاا   بالفتره الي دينتظر بيهااا  لم شمل   لو مستحيله تصير ؟!  يايريت الي عنده معلومااات  اكون كلللش منونه ...

تستطيعين التقديم على التاشيرة السياحية وانت مستفادة من تقديم لم شمل لكن يجب ان تتوفر لديك STRONG TIES وهي الوظيفة الدائمة والعائلة والممتلكات كالبيت من هذه الامور التي تثبت رجوعك بعد انتهاء الاقامة السياحية.بالنسبة الى الاستمارة هم لا يعلمون مبدئيا بلم شملك لكن الافضل اذكريها في الاستمارة ولا يوجد اي قانون هجرة امريكي يمنعك من التقديم لكن يجب ان تستوفي الشروط هذا كل مافي الامر

[topra]

والله أختي ما اعرف اذا ذكر او لا بس هو جان مقدم عليها من قدم ع الفزيت فيزا 
أختي قدمي على فيانسه فيزا أسرع تتأخر سنه أقصى شي حسب مسمعت 

[ريما العراقيه]

 شكرا اخوان ممنونه على الرد  والمعلومات   ويارب يسهل امور الجميع ...  اخ توبرا    ولو ممتاكده بس يمكن فيزا الخطيب بس للي عنده جنسيه   امريكيه 

[شوكت افلت]

اخت ريم هنا طلع اكو جديد بموضوعج اني عبالي انتي في بغداد بالاول بس بما انه انتي باوربا واقامتج قانونية ......فعلا من الحالات الغريبة انوا يرفضون فيزا السياحة ...لكن بعد رفض الفيزا السياحية ارجوج لتحاولين تقدمين مباشرة للسفارة الامريكية مجددا ونصيحتي الج هي من خيارين :

اولا : شوفي محامي متخصص بالهجرة والفيز ( واكو باوروبا مكاتب معتمدة لاستخراج فيز الدراسة للطلبة من كافة السفارات ) والمحامي او المكتب اكيد راح يتصرف بحكمة وخبرة افضل منج وراح تلكين طريقة قانونية .
ثانيا: زوجج المقيم بأمريكا اتصلي بي خلي يراجع محامي متخصص وممكن المحامي اذا كان شاطر يطلعلج الفيزا باسرع وقت لان هناك كلشي بحسابة .

والله يا اختي اني محتار وممصدق  كان المفروض من البداية تتجهين للمحامي عموما الله يكون بعونج وياربي يسهل عليج .

[ريما العراقيه]

شكرا اخ  شوكت افلت ... والله مثل مكلت لحضرتك  سالنا محامي هجره هناك بامريكا ومشيناا على الحجي ال كاله وللاسف محصلت فيزه  .. فاتصور مبقى كدامناا مجال بس نمشي بسالفه لم الشمل وننتظر والله  كريم ... بس حبيت اسالك اذا  السفاره بغير مكان مثل  اربيل او بغداد اذا فتحت  ورجعت المقابلات   ممكن اكدر اقدم على فيزه منها باعتبار عندك خبره بهالمموضوع لو تتوقع مرح يفيد بعد  ومرح يفرق المكان ..  ممنونه كلش ال جوابك والله يسهلها ان شاء الله على الجميع 

[شوكت افلت]

بالعراق الشغلة تعبانة واصعب ومع ذلك السفارات بكل دول العالم ترجع بالتدقيق والتشييك لامريكا فمراح يفرق بس انتي وصلتي لمرحلة انوا فعلا ماعندج غير لم الشمل .....توكلي على الله وربي يسهلج ...........تحياتي ...

[جاسمين]

لم الشمل شكد اطول ﻻن احنة مقدمين ارجو اﻻجابة

[topra]

والله يا أختي العزيزة يمكن صحيح بس الي عنده جنسية بس ممتاكدة 
تأكدي أحسن  
أختك توبرا 

[ريما العراقيه]

 شكراا   للجميع على الرد  وشكرا اخت توبرا  ... والله يا اخت جاسمين ما اعرف بالضبط بس حسب ال قريته بين سنه الى سنتين    بس اذا واحد عنده جنسيه  امريكيه اسرع   واذا على فورم   730  هم اسرع من ال 130    وما اعرف والله بعد هاي ال قريته مو عن تجربه شخصيه ... يارب يسهل امرناا جميعااا..