رحمة لوالديكم ساعدوني بسرعه

[الحب الهادي 98]

اليوم استلمت جوازي وبيه الفيزا ( فيزا خطوبه ) وكنت طايره من الفرح بس للأسف ما انتبهت الا متأخر بان اسم خطيبي الأخير والحرف الأخير هو الغلط من حرف M الى N , رجاءااااا ساعدوني كيف اتصل بالسفاره الامريكيه ببغداد لان استخدمت الايميل التالي BaghdadIV@state.gov  وأرسلت أوضح الهم الخطأ بس للأسف مباشرة أجاني الرد بانه هذا العنوان البريدي ما مسؤول عن الإجابة فما اعرف هسه شنو الحل، مساعدتكم رجاءااااا  اشلون أتواصل وياهم.

[الحب الهادي 98]

ممكن رجاءااااا بس رقم القسم القنصلي بالسفاره ببغداد او حتى إيميل رجاءااااا 

[AUS2013]

اني اشوف لو تغلسين عن هذا الخطأ وان شاء الله تمشي الامور
واذا وكفوج كليلهم مادري هسة يللة شفته وهذا مو خطأي وطلعيلهم نسخة من جواز خطيبج
وان شاء الله بالتوفيق والسلامة

[Ghassan2]

الخطأ في اسم خطيبك لا يؤثر على دخولك لأمريكا, فتوكلي و سافري و بعدا حلي مشكلة الخطأ بالاسم من داخل امريكا.

[★★★ AIRBORNE ★★★]

بالخير عليج الاخت العزيزه الحب الهادئ ومبرووك عليج الفيزا وان شاء الله يوم السفر وزواج سعيد وحياه سعيده مقدماً وان شاء الله الاخوه اصحاب الخبره يسعفوج بالرد بخصوص الخطئ ولكن حسب رأيي مراح يأثر بشي ومع ذلك استفسري افضل
تقبلي تحياتي وتقديري

[الحب الهادي 98]

ربي يحفظكم جمعيا ويسهل أموركم وبالتوفيق للجميع ، شكرًا جزيلا لوقتكم يلي اخذتو بالرد ،اخ ***airborne*** شخبارك ان شاء الله بخير حاولت أرسل ألك ع الخاص اكثر من مره بس يصير فشل بالإرسال ما اعرف ليش وإذا حبيت تتواصل معي انتبه من بعد التغييرات يلي صارت بالمنتدى غيرت الرقم المضاف وسويته 98 بدلا من 89 ، أتمنى اسمع اخبارك الحلوة ، شكرًا جزيلا مره ثانيه لكل من ساعدني بالإجابة بس بالنسبه اللي أفضل السفاره يكون عندها علم حتى أتجنب الأحراج مستقبلا والله الموفق.      الحب الهادي

[ابو شموسه]

الى الأخت المحترمه ( الحب الهادي 98 ) .. تحيه طيبه . اختي الفاضله من وجهة نظري  لا تفتحي عليك باب تأتي منه المشاكل لكِ واحتمال يسبب اتصالكِ بهم هو سبباً في تأخير السفر , فنصيحتي لكِ ان تذهبي الى المطار في الموعد المحدد وان شاء الله سبحانه وتعالى سوف يسهل عليكِ الأمر ,, واما اذا كانت لكِ وجهة نظر اخرى فأنتِ حره فيما تختارين وانتِ هو صاحبة الشأن ولكِ حرية التصرف ..                                                                اختي الفاضله اعلمي ان القسم القنصلي لا يستقبل اي اتصال هاتفي يخص الفيزا , وان جميع الأستفسارآت بخصوص الفيز  يجب ان ترسليها عن طريق البريد الألكتروني الى العنوان البريدي الألكتروني التالي: baghdadniv@state.gov                 اختي الفاضله وايضاً هناك هاتف ارضي ( طبعاً هذا رقم امريكي ) 0581-553-240-001                                        وايضاً هناك خط فرعي هو 4293                                                                                               اختي الفاضله  واذا اردت ايضاً مراسلة العنوان البريدي الألكتروني التالي :                                      BaghdadInfoCenter@iom.int   فهذا العنوان هو لقسم الأجئين وشؤون الأفراد النازحون داخلياً  ,, عسى ولعل يفيدكِ بشيء ........................ وان شاء الله سبحانه وتعالى يسهل عليكِ بالسفر والسلامه ...                                   اخوكِ ابو شموسه   

[الحب الهادي 98]

شكرًا جزيلا لك اخي ابو شموسه الله يحفظك ويخليك ،والله حاولت ويه ايميلين الاول baghdadiv@state.gov والثاني BaghdadIV@state.govولا واحد فعال ، ان شاء الله خطيبي راح اخليه يتصل بالمحاميه ويسألها ونشوف والخيره فيما يختارها الله .

[darkside666]

اختي العزيزه ابو شموسه الورد انطاج خوش جواب واخواني الاخرين انطوج همين خوش جواب فأني من رأيي اتغلسين عن الموضوع وخليهه على الله لان اذا راسلتيهم راح اتصير سين وجيم وخطيبج من المحتمل ناطيهم السوشيل سيكيورتي مالته وعنوانه اللي ابأمريكا يعني يمكن معتمدين علي لو صاير غلط بالطبع فعليه اتوكلي على الله وهيه تفرج لان الغلط مو منج من يمه ها بالمناسبه اذا طلعتي العمان وشافوا الغلط همه من يمهم راح ايصلحون الغلط

[الحب الهادي 98]

شكرًا على الرد اخ darkside666 , اسم خطيبي بكل الأوراق والمستمسكات صحيحه الخطأ بس بطباعة الفيزا بجوازي ، ربي يسهل أمورك وأمور كل الناس الطيبه أمثالك وشكرا على وقتك يلي منحته للرد على سؤالي الله يبارك بيك وبالجميع. 

[الحب الهادي 98]

اولا أحب اشكر كل من ساعدني وأخذ من وقته وجاوب على سوءالي ، لله الحمد اليوم وصلني رد السفاره بانه عادي اقدر أسافر وماكو اي اشكالية ان شاء الله بالدخول للأراضي الامريكيه ، مره ثانيه شكرًا جزيلا للمساعده ربي يحفظكم .

[AUS2013]

اولا أحب اشكر كل من ساعدني وأخذ من وقته وجاوب على سوءالي ، لله الحمد اليوم وصلني رد السفاره بانه عادي اقدر أسافر وماكو اي اشكالية ان شاء الله بالدخول للأراضي الامريكيه ، مره ثانيه شكرًا جزيلا للمساعده ربي يحفظكم .

بالتوفيق والسلامة مرة ثانية