ܡܝܲܩܪܐ ܡܫܲܡܫܵܢܐ ܥܲܕܢܵܐܢ ܡܲܪܩܘܼܣ ܡܘܼܚܒܐ ܒܡܵܪܲܢ ܘܐܲܠܵܗܵܢ ܘܦܵܪܘܼܩܵܢ ܝܼܫܘ̇ܥ ܡܫܝܼܚܐ ܠܹܗ ܫܘܼܒܼܚܐ ܘܬܸܫܒܘܼܚܬܐ ܫܠܵܡܝܼ ܕܝܼܩܵܪܐ ܪܘܼܚܵܢܵܝܐ ܩܵܒܸܠ؛
ܪܵܒܐ ܒܸܚܡܵܠܐ ܝ̄ܘܸܢ ܘܒܸܫܩܵܠܐ ܒܹܗܢܐ ܪܘܝܼܚܬܵܗ̇ ܒܢܲܦ̮ܫܐ ܡܘܼܢܝܵܚܬܵܗ̇ ܒܐܲܬܘܵܬܘܼܟܼ ܢܘܼܗܪ̈ܢܵܝܹܐ ܩܪ̈ܝܼܡܹܐ ܒܢܘܼܗܪܐ ܕܝܼܩܵܪܐ ܫܲܦܝܼܪܐ؛ ܟܲܕ ܐܲܚܢܲܢ ܡܐܲܝܟܼ ܥܲܡܡܐ ܘܟܸܢܫܐ ܘܒܲܪܢܵܫܘܼܬܐ ܣܢܝܼܩܹܐ ܝ̄ܘܲܚ̈ ܐܸܕܝܘ̇ܡ ܝܵܘܡܐ ܘܕܝܼܠܵܢܵܐܝܼܬ ܒܙܲܒܼܢܲܢ ܕܩܵܐܹܡ ܡܸܠܝܐ ܡܢ̄ ܟܠܲܝܗܝ̈ ܬܸܓܼܡ̈ܐ ܕܩܸܫܝܘܼܬܐ ܠܕܵܐܢܝܼ ܐܲܬܘܵܬܵܐ ܡܸܠܝ̈ܐ ܡܢ̄ ܚܘܼܒܐ ܘܐܝܼܩܵܪܐ ܪ̈ܘܼܚܵܢܵܝܹܐ ܒܪܘܼܚܐ ܕܲܡܫܝܼܚܵܝܘܼܬܐ ܛܵܒܼܬܵܗ̇ ܘܫܲܪܝܼܪܬܵܗ̇ ܒܫܲܦܝܼܪ ܕܘܼܒܵܪ̈ܐ ܘܪܸܢܝܐ ܕܡܲܪܕܘܼܬܐ؛ ܪܸܚܩܐ ܡܢ ܣܢܲܝܬܵܐ ܘܲܫܡܵܛܬܐ ܘܕܲܪܩܘܼܒܼܠܘܼܬܼܐ ܡܐܲܝܟܼ ܕܝܼܠܲܝܗܝ̈ ܐܵܢܝܼ ܥܒܼܵܕܹܐ ܠܐ ܚܫܝܼܚ̈ܐ ܘܠܐ ܫܲܦܝܼܪ̈ܐ ܒܲܝܢܵܬܼ ܪܵܒܐ ܡܢ ܐܲܚܵܝܘܼܬܐ ܕܒܲܪܢܵܫܘܼܬܼܐ ܘܝܼܠܵܗ̇ ܥܸܠܬܼܐ ܕܦܵܫܲܡܬܐ ܓܘܼܒܼܪܬܵܗ̇ ܕܠܐ ܦܫܝܼܓܼܘܼܬܼܐ، ܒܚܘܼܬܵܡܐ ܡܲܕܟܼܘܼܪܹܐ ܝ̄ܘܸܢ ܩܵܬܘܼܟܼ ܐ̄ܚܘܼܢܝܼ ܒܪܘܼܚܐ ܘܦܲܓܼܪܐ ܒܕܸܡܐ ܕܡܫܝܼܚܵܝܘܼܬܐ ܡܫܲܡܫܵܢܐ ܥܲܕܢܵܐܢ ܕܝܼܬܠܝܼ ܐܝܼܩܵܪܐ ܓܘܼܒܼܪܐ ܒܪܲܚܡܘܼܬܘܼܟܼ ܘܝܼܕܵܥܬܘܼܟܼ ܘܚܘܼܒܐ ܕܡܘܼܚܙܹܐܠܘܼܟܼ ܠܘܵܬܼܝܼ ܡܢ ܬܗܘ̇ܡܘܼܟܼ ܥܲܡܝܼܩܐ ܒܪܘܼܚܐ ܘܒܲܫܪܵܪܐ، ܘܐܲܠܵܗܐ ܡܲܢܬܹـܐ ܡܢܘܼܟܼ ܘܡܢ ܒܢܲܝ̈ ܒܲܝܬܘܼܟܼ ܘܟܠܲܝܗܝ̈ ܩܲܪ̈ܝܼܒܼܘܼܟܼ ܘܪܲܚܡܘܼܟܼ ܐܲܡܝܼܢܵܐܝܼܬ ؛؛ ܓܵܗܹܐ ܐ̄ܚܹܪ̄ܬܐ ܫܠܵܡܝܼ ܘܚܘܼܒܝܼ ܘܝܼܩܵܪܝܼ ܪ̈ܘܼܚܵܢܵܝܹܐ ܩܵܒܸܠ ؛؛
ܐܵܚܘܼܢܘܼܟܼ ܐܵܬܘܼܪܵܝܐ ܒܕܸܡܐ ܕܲܡܫܝܼܚܵܝܘܼܬܐ ܒܪܘܼܚܐ ܘܒܲܫܪܵܪܐ
ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ