بعد رحله طويله ومتعبة جدا وصلنا اباب الشرجي الحمد الله ولو الرحله جانت صعبه ومتعبه من الكاظميه الباب الشرجي احجيلكم التفاصيل التجمع جان بساحه العروبه الصبح اغلبهم عوائل والكيسات ارقامه 102 101 وسنكل يمكن خمسه عماله خطيه رايحين الساحه الطيران ترانزيت المهم اجه السكن مال كيه وكالنه رجاء العلاليك مالتكم بس 20 كيلو للواحد والطليان ليوره حطوهن وبعدين السكن مال كيه كام يصيح النداء الاخير للاقلاع وصعدنا للكيه وما احجيلكم الرحله جانت كلش حلوه وسوينه صفكه بصراويه بلطريق ولو طلي وكع بلشارع ونادا الكابتن مال كيه وكال راح نتظرر نسوي هبوط اضطراري لكي ننقذ الطلي الذي وكع بلشارع لين خطيه الطلي (اس اي في) وره ما صعدنه الطلي خطيه استمرينه بلرحله الى ان وصلنا كراج العلاوي(كراج ترانزيت) وما احجيلكم عن كراج العلاوي جان جبير وحلو والكيات طالعه وطابه المهم نزلنه من الكيه ونزلو العلاليك مالتنه والطليان واستقبلنه ابو الكراج وجان حباب كلش وظلينه بكراج العلاوي ننتظر 10 ساعات واحنه ننتظر الكيه الي تاخذنه الى كراج العلاوي بعض العوائل راحو للفندق مال كراج فندق كلش حلو طبعا (خمس خنفسانات ) وجان تجي الكيه مال (اللوفتهانزا ) وصعدنا بيهه وجانت كيه كلش جبيرة وظخمه وصعدنا العلاليك مالتنه والطليان وأقلعت بينه الكية من كراج العلاوي الى باب الشرجي الرحله جانت كلش طويله وصعبه 13 ساعه طيران بس (اللوفتهانزا ) ما قصرو ويانه وخاصه المظيفات أم عبادي وسميجه وزعونه بلرحله فلافل وعمبة وجلفراي وراها وزعونه داطلي ابو الذبان راقي كلش وطبعا ال(اللوفتهانزا ) ما نسو الطليان وزعولهم فلينات مال جت وراها نادا علينه الكابتن مال كية وكال وصلنا ارض الاحلام باب الشرجي وطبعا ما انسا اخي العزيز العضو كيمر ومربى الذي ساعدني في كراج العلاوي ملاحظة خط الرحله الكاظمية -العلاوي -باب الشرجي
أخوكم ابو عبد الرحمن 102 من 2008 وموعدين سفر وبوري
