ستفسار عن ترافل دوكيومنت

[احمد 88]

السلام عليكم
شباب فد كم سؤال عندي
اني صارلي 6 اشهر بامريكا واريد ارجع للعراق لان ماعندي شغل لس
اريد اقدم علي ترافل دوكيومنت Travel Document شكد فتره وينطونياه ؟؟؟
واريد ارسل حاسبات لاب توب للعراق شنو افضل طريقه للارسال وشكد تكلفه للعلم اني عايش بشيكاغو

[ابو فرقان]

ابو شهاب اعتقد الفترة اطول 3 اشهر 
هذا الرابط للمساعدة http://www.ankawa.com/index.php/ankawaforum/index.php/topic,607950.msg5736000.html#msg5736000
اما ارسال حاسبات فهو مكلف الا من البريد الاعتيادي ولكن يطول وجماعتنه بالعراق مو مضمونين... بالتوفيق ان شاء الله

[نصبر والله كريم]

يا اخي حاول تغير مكانك او الولايه .. بس مو ترجع للعراق ما تسمع شدا يصير .. العراق ما ترهمله جاره .. ما اشجعك ابد على الرجوووع لانه سوف تندم .. روح لتكساس بيها شغل

[Shining]

السلام عليكم اخي العزيز أحمد
اللهم صلي على محمد وال محمد هذا الشي نفتح بي موضوعنا 
طبعا الحريات الشخصية ليس لأحد الحق بالتدخل بها. !! ولكن هنالك مواضيع يجب التدخل بها 
اخوية ليش تريد ترجع ؟ تحس الوضع الي عايش بي أسوء من الوضع الي دنعيشة حاليا يومياً ؟ 
صدك اخوية الغالي مو كلشي الفلوس صدك راحة البال تسوى ابو الفلوس 
شنو الفايدة ?نـَyouـِتَ تملك ملايين بس ?نـَyouـِتَ مامئمن على حياتك!! اكيد كلامي راح تقتنع بي 
أما الترفل دوكيومنت اذا تقدم عليه تكون فرصتك للرجوع مره اخرى لأمريكا ضعيفه جدااااااا 
تحياتي الك اخي وفكر زين وادرس الموضوع بجديه
قبل لا اروح عندي اصدقاء تركوا وضائف الهم تعيشهم ملوك كله علمود ررررراحة البال
الله يريح بالك أخوي

[احمد 88]

وضعي بالعراق احسن ومحافظتي أمنه وشغلي بالعراق احسن وجنت مرتاح اكثر بالعراق
اجيت لامريكا كلشي ادمر
اني متغرني طبيعه ولا غير امور اني اريد المستقبل وما شفت بامريكا مستقبل - راح يجي احد يكولي ليش - راح اكوله
اني من شيكاغو الكالي شغله بيه حظ
مو يشغلوني من ل 9 باليل لثاني يوم ب 8 صبح الليل للنوم لو للراحه وكل ساعه 8 دولارات ينطوني ليش ؟؟ عله شنو اني هيج مسوي بنفسي
* اجيت لامريكا اريد حياه افضل واريد مستقبل افضل وشغل احسن بالعراق اني جنت كاعد وساكت وخير من الله شغلي هنا متعرف ليل من نهار وتدفع اجارات

[Ghassan2]

حبي احمد, اذا هيچي لعد ماتحتاج تراول داكيومنت ! شيل جوازك العراقي و احجز البغداد و خلص نفسك من امريكا الگشرة !

وضعي بالعراق احسن ومحافظتي أمنه وشغلي بالعراق احسن وجنت مرتاح اكثر بالعراق
اجيت لامريكا كلشي ادمر
اني متغرني طبيعه ولا غير امور اني اريد المستقبل وما شفت بامريكا مستقبل - راح يجي احد يكولي ليش - راح اكوله
اني من شيكاغو الكالي شغله بيه حظ
مو يشغلوني من ل 9 باليل لثاني يوم ب 8 صبح الليل للنوم لو للراحه وكل ساعه 8 دولارات ينطوني ليش ؟؟ عله شنو اني هيج مسوي بنفسي
* اجيت لامريكا اريد حياه افضل واريد مستقبل افضل وشغل احسن بالعراق اني جنت كاعد وساكت وخير من الله شغلي هنا متعرف ليل من نهار وتدفع اجارات

[Shining]

حبي احمد, اذا هيچي لعد ماتحتاج تراول داكيومنت ! شيل جوازك العراقي و احجز البغداد و خلص نفسك من امريكا الگشرة !

انا معاك اخي غسان اما اخي العزيز احمد اذا يحس نفسه كلش تعبان وميتحمل المفروض منه يصبر لحد مياخذ الكرين كارد وبعدها يشوف وضعه اذا استقر هنا خير على خير وما اذا لم يستقر يكون عنده امل للعوده لان الترفل دوكيومنت امله ضعيف للعوده واذا الاخ احمد لم يفكر بالعوده انصحه يحجز ويرجع وطز بامريكا اهم شي راحه البال اذا هو ممرتاح خلاص يرجع

[Carloiraqi]

يابه هيه صح حرية شخصية بس اتدوس بالبطن عمي  اذا انت مرتاح بالعراق وعايش ملك ليش لعد قدمت واخذ مكان الناس انت تدري هذا موضوع الرجعه شكد يأثر على المسافرين الجدد يعني حتى مراح اتصير عدنه مصداقية وانت اذا ناوي ترجع ياريت متنزل هيج موضوع لان صدكني يا اخي هواي ناس حجت عليك هسه بكلبهه بس شنكول الله كريم احنه صارلنه سنين مقدمين وحياتنا متوقفه والله لا تكدر تشتغل ولا تكدر تتزوج ولا تكدر اتعيش حتى بالكت يحنون علينه وانسافر يارب انت المعين

[Ŗảaḟaṱ Hấmẕā]

والله اخي انصحك مترجع اتعب كم سنة وحقق اللي تريدة بعدين رح تتندم على رجعتك لبلد خربان