القنصليه الامريكيه في البصره واربيل لن تستقبل اي مقابله لمنظمة ال IOM عدا الفيزا السياحيه وملحقاتها

[darkside666]

اخواني الاعزاء بعد التوسل المرير والالحاح من قبلي لموظف ال IOM تيمور اليوم سألته هل هناك اي احتمال ان تقابلوا اللاجئين العراقيين للي عندهم مقابلة اولى او محلف في اربيل والبصره فقال لي بالابتسامه من اين تأتي بهذه الاخبار يا اخي فقلت له بالتوسل اذا عندك حل الله ايخليك لان كثير من المقدمين ينتظرون اي جواب فقال لي لا استطيع ان اعطيك جواب من جيبي  ماكوا غير حل واحد نقل الملف لان الاوضاع الامنيه غير مستقره ونحن سوف نسافر الى عمان لحظور اجتماع موظفي ال IOM  في نهاية الشهر فقلت له الله ايخليك  هذا الاجتماع على شنو فقال لي الاجتماع حول مصير المنظمه في العراق . اخواني الاعزاء بس ادعوا بلكت الله ايرجعون لان هاي كل سنه ايسوون هيج المنظمه بس هاي الاحداث اللي سوت بينه هيج احنه مو صوجنه ولا صوج المنظمه بس الحظ العاثر اللي ديمر بي بلدنه يوميه  الله ايساعدنا وايخلصنه من هاي الغمه بس اصبروا وادعوا الفرج قريب 
والقنصليه الامريكيه الان في اربيل فقط تستقبل مقابلات الفيز السياحيه وملحقاتها اما البصره فمن المحتمل ان تفتح في نهاية الشهر.
فعليه اي واحد ايريد ينقل ملفه عمان لو تركيا خلي ينتظر ابشهر التاسع ليستعجل بلكي اكو اخبار زينه وتفرج انشاءالله 

[ام الجود]

شكرا على الاخبار والمعلومه...........ان شاء الله اجتماعهم ينتج منه كل الخير

[ليث سعد]

اخواني الاعزاء بعد التوسل المرير والالحاح من قبلي لموظف ال IOM تيمور اليوم سألته هل هناك اي احتمال ان تقابلوا اللاجئين العراقيين للي عندهم مقابلة اولى او محلف في اربيل والبصره فقال لي بالابتسامه من اين تأتي بهذه الاخبار يا اخي فقلت له بالتوسل اذا عندك حل الله ايخليك لان كثير من المقدمين ينتظرون اي جواب فقال لي لا استطيع ان اعطيك جواب من جيبي  ماكوا غير حل واحد نقل الملف لان الاوضاع الامنيه غير مستقره ونحن سوف نسافر الى عمان لحظور اجتماع موظفي ال IOM  في نهاية الشهر فقلت له الله ايخليك  هذا الاجتماع على شنو فقال لي الاجتماع حول مصير المنظمه في العراق . اخواني الاعزاء بس ادعوا بلكت الله ايرجعون لان هاي كل سنه ايسوون هيج المنظمه بس هاي الاحداث اللي سوت بينه هيج احنه مو صوجنه ولا صوج المنظمه بس الحظ العاثر اللي ديمر بي بلدنه يوميه  الله ايساعدنا وايخلصنه من هاي الغمه بس اصبروا وادعوا الفرج قريب
والقنصليه الامريكيه الان في اربيل فقط تستقبل مقابلات الفيز السياحيه وملحقاتها اما البصره فمن المحتمل ان تفتح في نهاية الشهر.
فعليه اي واحد ايريد ينقل ملفه عمان لو تركيا خلي ينتظر ابشهر التاسع ليستعجل بلكي اكو اخبار زينه وتفرج انشاءالله

ان شاء الله اخبار زينه وتفرج على كل المنتظرين 

[sunbird]

ان شاء الله خير 

[مريم العاني]

زين اخوية اذا كتبت رسالة لنقل الملف الى عمان مثل النموذج الي كتبتة حضرتك سابقا لكن باسمنة طبعا واجة رد المنظمة موافقين اطلع لازم اطلع لو يصير ابقى اذا رجعت المقابلات على التاسع .

[slamer777]

اختي مريم لا تستعجلين اني هم مثلك انتظر المقابلة الثانية انتضري لنهاية التاسع اذا مرجعوا يعني بعد ميرجعون الا تنتهي الاوضاع الي بالعراق
اخذيه مني واحتمال اني اطله لو لعمان لو لمصر لان بعد متفيد بس واحد يشوف الاجتماع مثل مكال الاخ دارك سايد لانه همو اكيد في هذا الاجتماع راح يحددون لو يرجعن لو لا لان الامور يوم عن يوم اسوؤ واذا هم مرجعو بالتاسع قابل راح يرجعون بالعاشر او وراه ما اتصور والله اعلم اتمنى اكون غلطان بظني

[slamer777]

مشكور الاخ دارك سايد الله يوفقه هو وكل الي يساهمون بنقل معلومات وحقائق واخبار عن المنظمات الدولية للهجرة واللجوء وانشاءالله ميقصرون ويانا والى الاستاذ حسين الجبوري وابو شموسه وعذرا اذا نسيت الباقين ومشكورين

[ابو الامراء]

شكرا على هذه المعلومات والله يسهل للجميع

[abo mays]

اخي وعزيزي
السلام عليكم , طبعا اتوجه لك بالشكر الجزيل على النشاط الغير عادي لك من اجل تقديم اي خبر مفرح لاخوتك واخواتك في المندى , لكني تاكدت من خلال ما قمت به من تقديم طلب للحصول على فيزا في بغداد / واربيل وجدت بان / تقويم منح المقابلات في بغداد واربيل غير متاح ... وهذا دليل على ايفاف منح الفيزا السياحيه في بغداد واربيل والله اعلم ...

تحياتي / اخوك ابوميس

[darkside666]

حبي ابو ميس الله ايخليك انشاءالله اخويه العزيز احنه كلشي ندري بس عوف شهر الثامن دور في شهر التاسع لو العاشر اكو بي خانات للمقابلات بس دور عليهه واذا شفت اي خانه مفتوحه ابلون السمائي دوس عليهه بالحال تره صايره طلقات على المقابلات (موشرط اتشوف شهر الثامن امقبط حاول تفتح يوميه تره على غفلة ينفتح يوم على موعد مقابله)

[abo mays]

عزيزي 
اولا اني كلش مستغرب اختيارك لهذا الاسم لانك الجانب المضئ وليس غيره
ثانيا : انا دخلت على الشهر التاسع في اربيل وبغدا د وكان كلها غير متاحه مع تقديري 
ان شاء الله يعود الموظفون وتنتهي المعاناة 

تقديري / ابوميس

[MUN]

شكرا لكل الاحبة على نقل الخبر والمعلومة الصحيحة
وياربي يسهل ع الجميع ويارب تبقى روح التعاون الانسجام في مواضيع كل اعضاء المنتدى

من جانب لاخ اني ما اعرف شنو الي يمنع موظفي ال IOM يسوون المقابلات في اربيل او البصرة
وخصوصا اربيل لانها الاكثر امان في العراق .....يعني لازم احنة ننقل ملفاتنا الى عمان او مصر !!!
وبعمان رح تعاني من المصاريف وبمصر هم مصاريف وهماتين الوضع ممستقر ..
يعني ممعقولة هيج منظمة انسانية تتخذ هيج قرار ؟؟!!!!

[‗_ღ الحائر ღ_‗]

رفع

[abo mays]

اخوتي واخواتي 

هنالك انباء تقول نقل موظفي القنصليه في اربيل بين البصره وعمان / ندعوه تعالى ان ينهي ازمتنا / 

[وبشر الصابرين]

السلام عليكم
زين ايصير الواحد ينقل ملفه لتركيا لان اني سامعه انه لازم نقدم عل اليو ان ونعيد مقابلات من جديد وماشاء الله مواعيد المقابله الاولى وصلت ل 2022 زين شنو الحل نفاتح المنظمه لو نسكت ونكعد 
آرأئكم الله يخليكم؟؟؟؟