موعد سفر 13/8/2014

[سلطان زماني]

السلام عليكم
اخواني اخواتي الاعزاء لقد اخبرني صديقي عن هذا الموقع والمساعدات التي تقدموها بالاجابة على اسئلة الاعضاء
ادخل بالموضوع
اخي لديه موعد سفر يوم 13/8/2014 ولم يتصل به احد لحد الان علما انه استلم رسالة على الايمل موعد الحباية
يعني ماكو دورة تثقيفية لو اكو ارجو الرد
واكو احد هم عنده موعد بنفس التاريخ
iom بغداد
مع الشكر

[نصبر والله كريم]

ممكن تفاصيل الملف مال اخوك وتاريخ التقديم وتواريخ المقابلات  حتى الاعضاء يكدرون يجاوبوك  بموضوع اخوك ؟؟ ... والاهم شكد ظل عنده حاله السفر ( بالانتظار )

[سمك بني]

السلام عليكم
اخواني اخواتي الاعزاء لقد اخبرني صديقي عن هذا الموقع والمساعدات التي تقدموها بالاجابة على اسئلة الاعضاء
ادخل بالموضوع
اخي لديه موعد سفر يوم 13/8/2014 ولم يتصل به احد لحد الان علما انه استلم رسالة على الايمل موعد الحباية
يعني ماكو دورة تثقيفية لو اكو ارجو الرد
واكو احد هم عنده موعد بنفس التاريخ
iom بغداد
مع الشكر

حسب ما فتهمت انهم اعطوه موعد الحبايه وهذا كافي يذهب الى موعد الحبايه ثم يسافر والف مبروك انا ايضاً لم يبلغوني بموعد دوره تثقيفيه واعتقد ان بسبب عدم وجود كادر في بغداد فتؤجل الدورات الى امريكا

[نــــاصر]

وعليكم السلام اخي الكريم واهلا بيك بين اخوتك واصدقاءك .....
صديقي العزيز اخوك موعد سفرة عكب باجر معناه كان المفروض عنده موعد حبايه فهل راح اخذ الحباية ام لا

[3ausha]

اخي اني نفس حالتك كالولي عله موغد سفر ولحد اليوم محد اتصل
كوه حصلتهم وخابرتهم كالي الموظف انتي اصلا مو عله الجدوله زين همه قبل شهر كالولي انتي عله الجدوله
زين شلون مو عجدوله وخابرني 
شنو هذوله محد يدري باللاخ والله حيره

[(ام جنات)]

اخوية اتمنالكم متنصدمون مثلنة (بس اتوقعو) اخوك حسب كلامك مثلنة خابرونة وكالو روحو لابن البيطار واخذو الحبايه رحنة ونصدمنة صدمت العمر بان اسمائنة اصلن مواصلة للمستشفى ولما سالت كالو المفروض يتصل بيكم شخص من العراق ويتواعد وياكم وينطيكم التفاصيل مال الرحلة وللعلم موعد الرحلة كان المفروض3-8/2014 الاحد والله كريم

[3ausha]

يعني مادري ليش هيج يسوون بالعالم  
حسبي الله ونعم الوكيل
الياس يقره عدي الف

[Busy bee]

هاي شنو هالخربطة جان شغل المنظمة كلش مرتب ومنظم شبيهم هسة اعتقد من الزخم العليهم الله يفرجها عالجميع عن قريب ان شاء الله

[كلــــــــــــوري المحبة]

اخي بس لازم ينطوك الاوكي وموعد الحباية قبلها بيومين او يوم 
الله يتمم السفر عليك بالخير ويسهل امرك 

[darkside666]

اخويه العزيز خلي ايمانك ابالله جبير ولا تيأس فأن رحمة ربك موجوده حاول ان تتصل بيهم باجر واتوكل على الله

[سلطان زماني]

شكرا على مروركم الرائع ومعلوماتكم الي كلتوه اليوم هوة راح لمستشفى ابن البيطار وكالولة ماكو احد المنظمة راحو كاللهم شلون وهمة دزولي موعد على الايميل وجان ساحب الرسالة ويا  لح عليهم كالولة هذه بس واحد هنا حجة ويا كالة تعال باجر وشوف اكو دكتورة حسب الموعد من رجع اشو قبل شوية خابرة واحد من بغداد كلة انت عندك سفر يوم 13 تجي يم ساحة عباس ابن فرناس بوابة المطار هذه يعني تأكيد على السفر بس لحد الان محد اتصل بي من ابن البيطار اعتمد على الموعد الي دزو على الايميل 

[ليث سعد]

شكرا على مروركم الرائع ومعلوماتكم الي كلتوه اليوم هوة راح لمستشفى ابن البيطار وكالولة ماكو احد المنظمة راحو كاللهم شلون وهمة دزولي موعد على الايميل وجان ساحب الرسالة ويا  لح عليهم كالولة هذه بس واحد هنا حجة ويا كالة تعال باجر وشوف اكو دكتورة حسب الموعد من رجع اشو قبل شوية خابرة واحد من بغداد كلة انت عندك سفر يوم 13 تجي يم ساحة عباس ابن فرناس بوابة المطار هذه يعني تأكيد على السفر بس لحد الان محد اتصل بي من ابن البيطار اعتمد على الموعد الي دزو على الايميل

اخوية العزيز امس  في احد مواضيعالمنتدى قرات ان كادر الفحص مسافر وسوف يباشر عمله يوم الثلاثاء خلي يروح اخوك باجر عليهم بلكي يفحص او بلكي لغو فقرة الحباية ويسووهة مثل الدورة التثقيفية من واحد يوصل هناك ياخذهة  
ان شاء الله يسافر اخوك ويوصل بالسلامه 
ممكن تفاصيل الملف

[سلطان زماني]

السلام عليكم بس حبيت انوركم 
اليوم اخوية راح لمستشفى ابن البيطار واخذ الحباية يعني جماعة الفحص الطبي موجودين وانشاء الله السفر باجر 
الله يسهلة ويسهل الكم وتسافرون بالسلامة 
تقبلو تحياتي 
سلطان زماني 
مع الشكر على مساعدتكم 

[AUS2013]

ان شاء الله بالسلامة والتوفيق يارب

[ghassan_alabdi]

جماعة المنظمة ديمشون عملهم بالقدرة