أصحاب الخبرة في تغيير الولاية

[الملك أدوارد]

السلام عليكم
أخواني وأخواتي في بيتنا الثاني تحية طيبة.
نزلتلي مدينة ومطار في موقع عمان مدينة بالتمور ولاية ميريلاند وهاي الولاية غير الي دازهه الهم بمعلومات الكفيل والمدينة بحثت عنهه طلعت زفت من ناحية الامان ونسبة الجريمة والغلاء الفاحش بالنسبة للأيجارات وكل شي بيهه غالي ونسبة السود بيهه %70 .
حالياً أذا أغيرهه راح اتأخر مو أقل من 4 اشهر حسب قول الاعضاء والبلد من سيء الى أسوء مثل ما تعرفون شنو تنصحوني اخواني حسب خبرتكم
شلون اكدر اغير الولاية بأقل وقت وأقل تكلفة الى اقرب مكان امين وزين من ناحية الاسعار للأيجار .
مع جزيل الشكر والامتنان
أدوارد

[iomtraveler]

اخوية  العزيز  نصيحتي الك عوفها لا تلعب بيها ترة تتاخر

سؤال :  شوكت كملت فحص طبي اقصد شوكت اكتمل فحصك   وورة شكد من اكتمال الفحص نزلت الك المدينة والمطار   

شكرا

[اجونة]

وعليكم السلام 
 اخويه سافر وبعدين بدل الوﻻيه احسسن ماتتأخرر ..... مجرد راي وتقبل مروري .
اختكم اجونه من عمان ...... وان شالله الكل تسافر وترتااح

[الملك أدوارد]

مشكووووور اخي iomtraveler
شكراً جزيلاً اختي اجونه 
اليوم اتصلو بيه من عمان وسئلني الموضف اذا كنت اريد اغير ولايتي او لا وكلي راح تتأخر من 6 الى 8 اسابيع كتله اوكي مو مشكلة بس المهم يخلوني بولاية زينه مو اطلع من بير وندخل في بير 2 .
على العموم هذا الي صار .
تحياتي
أدوارد

[darkside666]

حبي اذا انته رأيك وابالك اتغير الولايه فأمشي على قرارك واذا غير شي اتريد اسمع رأي الاخت أجونه

[حسين الجبوري]

الاخ  ابو زينب المحترم
اذا كنت  ترغب بالسفر قريبا فارجو ان لاتغير  الولايه لان تلك الحاله تتأخر على الاقل 6 اشهر
الحاله الثانيه اعتقد ملفك في مراحل متقدمه ففي خلال تلك الفتره ستصبح قسم من الامنيات قد انتهت صلاحيتها وتحتاج الى عمل امني ومراجعه وسيكون الفحص الطبي يحتاج الى اعاده فارجو التريث وترك ملفك  على حاله

حبي اذا انته رأيك وابالك اتغير الولايه فأمشي على قرارك واذا غير شي اتريد اسمع رأي الاخت أجونه

[عراقي مغترب]

الاخ صاحب الموضوع.  انت بالبداية اخطي خطوة للامام واوصل واستقر. وابقى على الاقل ستة شهور.  وكمل كل اوراقك  وان شاء الله راح تشوف هاى الولاية احسن من غيرها. وصدقنى  يا عزيزى الكلام ساعات ما يكون صحيح. وكل واحد  كيف تكون الحياه لينقلها لك سواء. ايجابية او سلبية.   واحترامي لكل اراء الاخوة وتقبل تحياتى 

[الملك أدوارد]

السلام عليكم
اخواني الاعزاء شكراً جزيلاً لكل الردود والأراء 
لاكن من اتصل بي موضف المنضمه اكد لي انه عملية التغيير تستغرق من 6 الى 8 اسابيع واني وافقت على التغيير لانه ما اكدر اجازف بعائلتي واخاطر بيهم اني لو وحدي ما اهتم اني رجل واكدر ادبر اموري بس وياي عائلة بركبتي مراح اجازف هيج مجازفه .
صارلنه سنين ننتضر بقت على ال6 او 8 اسابيع ننتضر والله كريم
خالص احترامي وتحياتي لكم وبالأخص الاخ الغالي ابو ديما شرفني مرورك اخي العزيز ولا يهونون باقي الاخوه والاخوات كلكم على راسي
أخوكم 
أدوارد

[Ŗảaḟaṱ Hấmẕā]

وعليكم السلام اخي العزيز
لاتغير الولاية لكن عندما تصل للمطار قول لهم هذا عنوان كفيلي واريد الذهاب الية سوف يحجزون لك طيارة وينقلوك الى هناك تحياتي

[الملك أدوارد]

وعليكم السلام اخي العزيز
لاتغير الولاية لكن عندما تصل للمطار قول لهم هذا عنوان كفيلي واريد الذهاب الية سوف يحجزون لك طيارة وينقلوك الى هناك تحياتي

اخي الكريم
فكرت بهذا الموضوع هواي لاكن كفيلي يكون صديقي وعنده عائلة من 6 نفرات اذا بالمطار اغير ولايتي فأكيد المنضمه الي هناك ممحضرتلي امور السكن الي هيه اهم شي قابل اروح اسكن بيته وهوه صاحب عائلة واني صاحب عائلة حته لو هوه يقبل اني ما اقبل . هذا واحد من الاسباب الي خلاني اغير الولاية
تحياتي
ادوارد