أخي العزيز... تقريبا وضعك مثل وضعي ولكنني اقدم منك بسنتين...
نصيحة من شخص يريد لك الخير... اتجه نحو الولايات الشمالية باسرع وقت وقبل بدء تساقط الثلوج وستحصل على الدعم الاتي..
فود زائد ويلفر لمدة خمس سنوات زائد تأمين صحي..
مختصر مفيد اجارك راح يطلع واكلك وشربك.. وحتى بلاتك لان عندك طفلين.. كمعدل يطلعلك بحدود ال 800 دولار كاش لازم تاقلم نفسك بيهن ...
ومن الفاينينشيل ايد راح يبقالكم .. ولا سامح الله اذا احتاجيتوا فاكو قرض بدون فائدة قيمة بحدود 3500 سنوي وهاي اسوء الحالات...
اني غلطتي بدينة بالدراسة واذا انتقل فيحتاج ابقة سنة حتى اصير مقيم بالولاية حت اجور الدراسة تصير اقل علينه فبعد ما اكدر انتقل...
نصيحتي الك لتضيع وقتك واصعد لمدينة بفلو بيهه خوش جامعات وخوش عراقيين وشغل كاش اذا ردت تشتغلك يوم او يومين. طبعا اذا معجبك تدرس ماستر فانصحك بهندسة الكهرباء شغلهه متوفر ورواتب عالية.. وزوجتك خلي تعادل الكيمياء بسنة تقريبا وتكدر تكمل صيدلة واترك شغلة معاون الصيدلي لان انتوا دارسين وتعبانيين. بس لتنسى اذا بلغتواعلى شهايدكم راح تنحرمون من الفاينينشيل ايد.. واي سؤال اني بالخدمة..
اني راح انزل موضوع اسأل بيه على الولفر واذا كان الوضع مناسب الي فاحتمال انتقل لان بصراحة اني وزوجتي دنشتغل وندرس والحمد لله متفوقين بس دنتعب.
تمنياتي بالموفقية
تمنياتي بالموفقية
اخي العزيز المحترم سمير ، اولا شكرا جزيلا لك على هذه الاجابة المفصلة و ادعو الله تعالى ان يوفقك في حياتك و يجعل لك في كل ضيق مخرج و في كل يوم رزق فمساعدتك لي في كتابة تجربتك هي مخرج من الضيق الذي اعانيه لكن بالتاكيد هذا الضيق افضل بكثير من الضيق الذي كنا نعيشه في العراق و لي القناعة الكاملة بان العافية درجات و الله كريم
ثانيا اود التنويه الى اني قمت بتقديم الوثائق الجامعية لي و لزوجتي في منظمة iom عند التقديم على اللجوء في بغداد و لهذا لا اريد المجازفة بالموضوع و الادعاء باننا لم نحصل على البكالوريوس
النقطة الثالثة هي موضوع المساعدات مشجع جدا للانتقال و خصوصا استمرار التامين الصحي فيا ريت تكلي اين تقع هذه المدينة كي اقوم بالبحث عن معلومات تخصها و اتوكل على الله
النقطة الاخرى و هي الولفر ... هذا الولد سامع بيه هوايه بس ما اعرفه ؟ اعتقد اكو مواضيع بالمنتدى تخصه فراح احاول ابحث و اشوف شنو الولفر
اخيرا اريد اسال هل تعرف احد بهذه المدينة ممكن نتصل بيه و شكد تبعد عن هيوستن و هالتفاصيل
و اسف للتثقيل عليك يا ذهب
