ܦܵܚܲܠܬܐ ܢܒܼܝܼܐ ܕܐܲܠܵܗܐ ܝܲܘܢܵܢ ،،، ܦܵܚܲܠܬܐ ܐܵܚܘܼܢܘܵܬܲܢ ܡܫܝܼܚܵܝ̈ܐ
ܒܝܲܕ ܟܲܬܵܒܼܐ ؛ ܥܲܠܝܼ ܐܲܠܩܘܼܛܒܝܼ ܐܲܠܚܘܼܣܲܝܢܝܼ
ܬܲܪܓܵܡܬܐ ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ
ܦܵܚܲܠܬܐ ܢܒܼܝܼܐ ܕܐܲܠܵܗܐ ܝܲܘܢܵܢ
ܥܲܠܘܼܟܼ ܫܠܵܡܐ ܕܐܲܠܵܗܐ ܥܸܠܠܵܝܐ
ܒܫܲܪܝܼܪܘܼܬܼܐ ܕܘܼܪ̈ܒܸܢܘܼܢ ܠܒܵܘܵܬܲܢ
ܡܛܠ ܗܘܹܐܠܘܼܟܼ ܒܘܼܪܸܟܬܼܐ ܘܢܘܼܗܪܐ ܒܚܲܝܘܼܬܘܼܟܼ
ܘܦܲܐܝܘܼܬܼܐ ܩܐ ܢܝܼܢܘܹܐ ܘܥܝܼܪܵܐܩ ܡܢ ܒܵܬܲܪ ܡܲܘܬܘܼܟܼ،
ܬܠܸܚܠܗ̄ܘ̇ܢ ܩܐ ܒܸܢܝܵܢܘܼܟܼ
ܒܸܕ ܬܵܠܸܚ ܐܲܠܵܗܐ ܠܒܸܢܝܵܢܲܝܗܝ̈ ܡܢ ܫܸܪܫܹܗ،
ܦܵܚܲܠܬܐ ܐܵܚܘܼܢܘܵܬܲܢ ܡܫܝܼܚܵܝ̈ܐ
ܦܵܚܲܠܬܐ ܐܲܒܼܵܗܵܬܲܢ ܬܸܪܓܡܵܢܵܝ̈ܐ
ܝܼܠܲܝܗܝ̈ ܐܸܪ̈ܗܝܼܒܼܵܝܹܐ ܕܙܲܒܼܢܐ ܕܠܐ ܩܵܢܘܼܢ
ܝܼܠܲܝܗܝ̈ ܥܸܐܕܒܼܵܒܼ̈ܐ ܕܬܲܘܕܝܼܬܼܐ
ܝܼܠܲܝܗܝ̈ ܠܵܚܘ̇ܫ̈ܐ ܡܵܐܣܘ̇ܢܵܝ̈ܐ،
ܡܛܠ ܒܸܩܛܵܠܐ ܝܼܠܲܝܗܝ̈ ܠܐܘܼܡܬܐ ܕܒܸܩܪܵܝܐ ܝ̄ܠܵܗ̇
ܠܲܝܬ ܐܲܠܵܗܐ ܫܒܼܘܼܩ ܡܢ ܐܲܠܵܗܐ
ܡܘܼܚܲܡܲܕ ܫܠܝܼܚܐ ܕܐܲܠܵܗܐ
ܒܸܩܛܵܠܐ ܝܼܠܲܝܗܝ̈ ܩܐ ܡܫܝܼܚܵܝ̈ܐ
ܐܝܼܢܐ ܝܼܠܲܝܗܝ̈ ܫܲܝܢܐ ܘܲܫܠܵܡܐ ܥܲܠ ܐܝܼܣܪܵܐܹܝܠ
ܒܫܲܪܝܼܪܘܼܬܼܐ ܝܼܠܵܗ̇ ܠܵܚܘ̇ܫܘܼܬܼܐ ܓܠܝܼܬܼܐ،
ܦܵܚܲܠܬܐ ܒܥܵܝܹܢ ܡܢ ܢܵܫܘܼܬܼܐ ܦܵܚܲܠܬܐ ܡܢ ܐܘܼܡܵܢܘܼܬܼܐ
ܦܵܚܲܠܬܐ ܡܢ ܡܲܚܕܘ̇ܪܐ ܦܵܚܲܠܬܐ ܡܢ ܬܲܫܥܝܼܬܼܐ
ܦܵܚܲܠܬܐ ܡܢ ܙܲܒܼܢܐ ܕܩܵܐܹܡ
ܦܵܚܲܠܬܐ ܡܢ ܫܸܒܠ̈ܐ ܐܲܬܝܵܢ̈ܐ
ܐܲܚܬܘܼܢ ܝܐ ܢܲܨܪ̈ܝܹܐ ܫܸܪ̈ܫܵܝܹܐ
ܐܲܚܬܘܼܢ ܡܵܪ̈ܵܘܵܬܐ ܕܐܲܪܥܐ ܕܚܸܕܝܵܐܒ ܘܒܹܝܬܼ ܢܲܗܪܹ̈ܝܢ
ܡܢ ܐܲܠܦܵܝ̈ܐ ܕܫܸܢ̈ܐ،
ܡܘܼܕܝܼ ܐܝܼܬܼ ܬܚܘܼܬ ܐܝܼܕܲܢ ܕܥܲܒܼܕܵܚ̈ ܒܝܼ ܦܘܼܠܚܵܢܐ؟
ܡܫܸܠܡܵܢ̈ܐ ܚܹܐܪ̈ܐ ܒܟܠܲܝܗܝ̈ ܐܲܬܼܪ̈ܘܵܬܼܐ ܕܬܹܒܹܝܠ
ܠܒܵܝܗܝ̈ ܒܸܩܛܵܥܐ ܝܼܠܹܗ ܡܢ ܡܵܐ ܕܒܸܪܕܼܵܝܐ ܝ̄ܠܹܗ
ܡܵܢܝܼ ܒܫܵܡܸܥ ܥܲܠܲܢ ܐܲܚܢܲܢ ܙܲܒܘܼܢ̈ܐ؟
ܒܪܹܫ ܟܠ ܡܸܢܕܝܼ ܕܡܘܼܩܪܘܼܒܼܠܲܢ
ܡܢ ܐܵܓܼܘ̇ܢܐ ܘܝܘܼܕܵܥܐ ܘܥܸܠܡ̈ܐ ܘܡܲܪ̈ܕܘܵܬܼܐ
ܢܦܝܼܠܲܢ ܬܚܘܼܬ ܫܘܼܠܛܵܢܐ
ܕܠܐ ܡܝܲܩܪ ܩܐ ܝܘܼܠܦܵܢܐ
ܘܠܐ ܡܝܲܩܪ ܩܐ ܐܵܓܼܘ̇ܢܐ
ܘܠܐ ܡܝܲܩܪ ܩܐ ܬܲܦܪܝܼܬܼܐ ܕܡܲܪܕܘܼܬܼܐ
ܘܠܐ ܡܝܲܩܪ ܩܐ ܕܒܼܚ̈ܐ،
ܐ̄ܡܝܼܪܲܢ ܘܥܲܡܲܢ ܐ̄ܡܝܼܪ̈ܘ̇ܢ ܐܸܡܐܵܝ̈ܐ ܘܐܲܠܦܵܝ̈ܐ
ܕܲܪ̈ܚܝܼܩܠܗ̄ܘ̇ܢ ܡܢ ܐܲܚܝܼܕܹ̈ܐ ܕܨܲܕܵܐܡ
ܒܲܥܬܼܝܼ̈ܐ ܠܲܝܬܠܗ̄ܘ̇ܢ ܝܘܼܬܼܪܵܢܐ ،
ܐܲܚܝܼܕܹܐ ܕܨܲܕܵܐܡ ܠܹܐ ܥܲܒܼܕܝܼ ܡܣܲܬܪܵܢܘܼܬܼܐ
ܥܲܠ ܥܲܡܡܵܐ ܥܝܼܪܵܐܩܵܝܐ
ܡܛܠ ܝ̄ܠܝܼܦܠܗ̄ܘ̇ܢ ܥܪܵܩܐ
ܘܣܵܦܘ̇ܝܹܐ ܠܓܵܐܢܲܝܗܝ̈ ܩܐ ܥܸܠܕܒܼܵܒܼ̈ܐ
ܫܘܼܠܛܵܢܐ ܠܐ ܫܵܡܸܥ ܫܒܼܘܼܩ ܡܼܢ
ܩܵܠܐ ܕܗܘ̇ܠܵܢܵܝܘܼܬܹܗ ܕܝܼܠܹܗ ܟܸܪܝܐ ܒܡܸܬܚܐ
ܫܘܼܠܛܵܢܐ ܡܝܲܬܼܪܸܢ ܠܚܲܣܵܡܘܼܬܹܗ
ܠܟܠ ܒܲܪܢܵܫܐ ܕܡܲܩܪܘܼܒܼܠܹܗ ܚܲܕ̄ ܢܲܣܝܼܗܲܬ،
ܣܘܼܦܝܵܠܲܘܟܼܘܼܢ ܢܝܼܢܘܹܐ ܒܡܸܬܚܐ ܕܲܬܪܹܝܢ ܫܵܥܵܬܼܐ
ܠܚܲܕ̄ ܟܢܘܼܫܝܐ ܡܢ ܐܸܪ̈ܗܝܼܒܼܵܝܹܐ ܕܐܲܪܥܐ
ܕܠܲܝܬ ܗ̄ܘܵܐ ܠܗ̄ܘ̇ܢ ܫܒܼܘܼܩ ܡܢ ܬܘ̇ܦ̈ܐ،
ܡܘܼܕܥܸܪ̈ܘܼܟܼܘܼܢ ܠܐ ܡܘܼܢܬܝܼ̈ܐ ܘܓܲܢܵܒܼ̈ܐ ܘܲܚܪ̈ܝܼܒܹܐ
ܘܣܘܼܦܝܼܠܲܘܟܼܘܼܢ ܩܵܬܲܝܗܝ̈ ܒܘܼܪ̈ܟܵܬܼܐ ܕܥܝܼܪܵܐܩ
ܘܟܸܣܦܐ ܕܥܝܼܪܵܐܩ ܘܓܲܝܣܐ ܕܥܝܼܪܵܐܩ
ܘܲܡܨܘܼܥܸܪܲܘܟܼܘܼܢ ܩܐ ܬܹܒܹܝܠ ܒܡܲܕܢܚܐ ܘܡܲܥܸܪܒܼܐ
ܡܵܐ ܝܼܠܹܗ ܝܘܼܬܼܪܵܢܐ ܩܵܬܲܢ ܕܒܸܕܪܵܝܐ ܝ̄ܬܘܼܢ ܓܢܵܗܐ
ܥܲܠ ܬܸܪܟܝܼܵܐ ܘܣܘܼܪܝܼܵܐ ܘܩܲܛܲܪ ܘܣܥܘܼܕܝܼܵܐ
ܘܲܦܠܸܫܬܵܝ̈ܐ ܘܩܘܼܪ̈ܕܵܝܹܐ ܘܘܲܗܵܒܵܝ̈ܐ ܘܫܲܪܟܐ
ܘܐܲܚܬܘܼܢ ܠܐ ܝ̄ܬܘܼܢ ܦܠܵܚܐ ܒܨܸܦܝܘܼܬܐ،
ܟܡܵܐ ܝ̄ܠܹܗ ܓܲܢ̄ܒܵܪܐ ܐܵܗܐ ܦܸܬܼܓܼܵܡܐ ܕܒܹܐ̄ܡܵܪܐ ܝ̄ܠܹܗ
ܡܵܢܝܼ ܕܚܵܙܹܗ ܡܘܼܡܐ ܕܓܵܐܢܹܗ
ܠܐ ܬܵܟܸܪ ܠܟܘܼܬܼܡܐ ܕܚܹܪ̈̄ܢܹܐ
ܟܠ ܦܘܼܠܝܼܛܝܼܩܵܝܐ ܐܝܼܬܠܹܗ ܥܸܠܕܒܼܵܒܼ̈ܐ
ܘܟܠ ܕܲܘܸܠܬܐ ܐܝܼܬܠܵܗ̇ ܥܸܠܕܒܼܵܒܼ̈ܐ ܘܡܘܼܪ̈ܵܝܹܐ
ܟܠ ܒܲܪܢܵܫܐ ܥܝܵܕܼܵܝܐ ܐܝܼܬܠܹܗ ܥܸܠܕܒܼܵܒܼ̈ܐ ܘܡܘܼܪ̈ܵܝܹܐ،
ܐܝܼܢܐ ܗܲܘܢܵܢܐ ܘܲܡܠܲܒܘܵܢܐ ܝܵܕܹܥ ܕܵܐܟܼܝܼ
ܒܥܵܒܸܕܼ ܡܣܲܬܪܵܢܘܼܬܼܐ ܠܓܵܐܢܹܗ
ܘܲܒܗܵܘܹܐ ܒܐܲܝܟܸܢܵܝܘܼܬܼܐ ܕܲܨܦܵܚܬܐ
ܘܥܸܠܕܒܼܵܒܼ̈ܐ ܒܝܼ ܟܠܲܝܬܼܐ ܕܲܡܣܲܬܪܵܢܘܼܬܼܐ
ܐܲܚܢܲܢ ܩܐ ܐܲܠܵܗܐ ܝܼܘܲܚ ܘܥܲܠܠܹܗ ܒܕܵܥܪܹ̈ܝܚ
ܬܲܪܓܵܡܬܐ ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ
