كرو ب IOM مصر

[Auoob81]

السلام عليكم اخواني اخواتي حبيت اسوي كروب IOM مصر للاستفادة من جميع المعلومات والمعيشة من اخواننا العراقيين في مصر وارجوا ان لا يبخلو علينا في الردود لان منظمة IOM بغداد شكلها بعيدة ومنظمة IOM الاردن المعيشة غاليا ومانكدر عليها  ارجو من الاخوة التفضل بالمشاركات وشكرا

[متفائل جدا]

تسلم اخي العزيز اختيار موفق ان شاء الله ونتمنى من اخوتنا في مصر ان لا يبخلوا علينا بمعلوماتهم من حيث تكلفة المعيشة هناك والوضع العام وسير عمل المنظمة .........ولهم منا كل التحية والتقدير

[Auoob81]

ان شاء الله يدخلون ونشوفنا جارة

[slamer777]

اخوان الي عدنه معلومات عن iom  لا يبخل علينه لان شغلة العراق مليوصة ومشكورين

[متفائل جدا]

نرجوا من اخواننا في مصر المشاركة والرد على استفساراتنا ....

[Air force]

اخوتي الأعزاء سلام من الله عليكم اولا ان شاء الله الله يسهل عليكم وتسافرون وثانيا اريد اكللكم انو منح تأشيرات الدخول والفيزة صعبة جدا بس حضراتكم تعرفون انو العراقيين ميصعب  عليهم شي اذا ما اطوكم فيزة بالقنصلية المصرية بالمنصور يم الريسيز القديم فسجلو بشركة سياحية وهمة يطوكم فيزة واذا وصلتوا بالسلامة سجلو رأسا بال يو ان وبعد ميكدر المصريين يطلعوكم وابداءوا التقديم علة الاي او ام مال مصر وموقعها بشارع ابو الفدا بالزمالك وألموفقية للجميع. 

[iraqforme]

اخواني العزاء اي او ام مصر بالنسبة لباقي الدول اسرع نوعا ما بس نصيحه لحد يجي ويريد يقدم على اليوان لان اليو ان ابطئ من السلحفاة  نصيحة من اخوكم صارلي 10 سنوات في مصـــــــر وبالنسبة للاخ اير فورس اللي يكول ينطوكم فيز سياحية  صحيح ينطوكم بس المتعهد ياخذ جوازاتكم لحد ماتخلص سياحتكم بمصر واثناء المغادرة ينطيكم الجوازات  وهذا امر من السلطات العليا هنا موبكيفه
تحياتي لكم

[slamer777]

مشكورين الاخوان على ردودهم والله يوفقهم

[متفائل جدا]

الاخوة في مصر هل من طريقة للحصول على الفيزة الى مصر من العراق؟؟؟

[Auoob81]

الاخوان بمصر ماكو واحد مشترك بالمنتدى ارجوا الدخول

[iraqforme]

ياحبايب مو كلنه الفيزة في الوقت الحالي صعبوها حيل للعراقيين  بس هذا مايمنع تروحون على مكاتب السياحه تتفقون وياهم انو الفيزة السياحية  تريدون تقدمون بيها لل يو ان 
يعني بين قوسين ينطوكم جوازاتكم متبقة يم الحملدار  وانتو رتبوها ويه الشركة وبقت يمكن
هذا اللي اكدر اساعد بي وتحياتي