ممكن احد يفهمني حالة ملفي خبلتني والله راح انجن

[ليث النصرالله]

اخوان انه صارلي من بدايه شهر السابع تستمر حالة الملف  اسبوعين معلق وراها اسبوعين فعال وهذا الشهر كل اسبوع حاله لو فعال لو معلق اليوم جمعه تحول فعال ذاك اﻻسبوع معلق اﻻسبوع القبله فعال وهاي انه كل جمعه حاله وظال هيج واخر رمز اجاني هو HFS ممكن احد يفهمني شنو الموضوع منو الينطيني الخبر و
يفهمني فدوه ترى هاي الوضعيه تعبتني حيل

[dr.hayder]

السلام عليكم اخي 

من حاله الملف الي انته منزله دااشوف انه ان شاء الله  انت منتظر جدوله السفر ان شاء الله قريبا راح يتحول حاله السفر الى انتظار ووراها بفتره ينطوك موعد سفر ان شاء الله وتسافر 

[ليث النصرالله]

شكرا اخي حيدر والله الله يسمع منك وانشالله كﻻمك بمكانه وانشالله السفر للجميع بحق محمد وال محمد

[fries algazzay]

حبيب  كلبي النصرالله  اني  هماتين  مثلك  وهماتين  الملف مالتي اسبوعيا وهذا ان  دل  على شي  فانما يدل  على ان هم  ما  ناسينا  وجا يشتغلون واني نفسك  اجاني اخر شي الرمز  وانا  حاليا صار  عندي الفحص  اكس باير  ومنتظر  اعادة فحص  وبلكي الله هذا  الاسبوع  خلي اخلص 

[ليث النصرالله]

حبي الغالي فراس انه هماتين الفحص صار اكسباير ﻻت فحصت شهر شباط  يوم 9 بس باقي شو بلملف مكتمل ماتحول عندي وهم منتظر مثلك عسى ولعل بيهه خير

[سمك بني]

هاي حلوه مال كل اسبوع يروح ويجي على هالحجي السفر هم بعدين تطيرون لا متطيرون !!!!

                                                          

[سوق الشيوخ]

حالة ملفك ايجابيه 

[ليث النصرالله]

لي والله ياخويه سمك بني كل لسبوع يصير تحديث خبلني

[ليث النصرالله]

شكرا لمرورك اخي الغالي سوك الشيوخ ربي يوفقك ويوفق الجميع

[سمك بني]

لي والله ياخويه سمك بني كل لسبوع يصير تحديث خبلني

في كل الاحوال ملفك سوف يستقر على ال فعال وسبب تذبذبه هو مروره حالياً في مرحلة تجييك ما قبل السفر وبسبب الوضع الداعشي اصبحوا يطلبون معلومات من اقسام عديده ومشدده  كالمطارات والحدود والبصمات وتشابه الاسماء فاذا مر كل شيئ بسلام سوف يتحول لديك السفر الى انتظار قريباً هذا اذا كان المطار نازل في الموقع واذا لا سوف ينزل قريباً. ثم تتحول الى انتظار سفر.

[darkside666]

حبي كلام الاخوه الاعزاء هوه عين الصواب بس اريد اضيفلك معلومه صغيره انه حالة ملفك فعال هو انته في المراحل النهائيه للتجييكات الامنيه على سبيل المثال ملفي من اتحول الى فعال بعد مرور 25 يوم اتحول عندي السفر انتظار وبعد 27 يوم تقريبا اتحولت الى جدولة السفر هاي مابعد اتصلوا المنظمه بيه لتحديد موعد السفر يعني مخلص الكلام هوه ماكو قياس بين قضية اشوكت يتحول عندي السفر انتظار يعني اكو عالم انتظرت 10 لو 15 يوم لو....... يله خابروهم على تحديد موعد سفر هاي اذا مطولت اكثر لان اشوف عالم صارلهم 40 لو 50 لو 70 يوم انتظرت حبي بس ادعي ربك الكريم والله شوف شلون راح تتغير بس الشغله يرادلهه صبر والله ايوفقك

[ليث النصرالله]

شكرا اخواني اﻻعزاء على ردودكم وتفاعلكم وي الموضوع انشالله الصحه والعافيه والسفر لجميع المنتدى انشالله الله يحفظ العراق واهل العراق من كل سوء

[Ŗảaḟaṱ Hấmẕā]

حالة الملف اعتيادية تحياتي

[ليث النصرالله]

شكرا اخي رأفت على المشاركة ربي يحفظك انشالله ويوم سفرك