قبل وبعد رجوع المنظمه IOM وبعض الاسئله التي سألتها لموظف المنظمه IOM

[darkside666]

اخواني الاعزاء السلام عليكم 
 دوام المنظمه هوه قسمين قسم بالسفاره الامريكيه يعني بعض من العرب والاغلب موظفين اجانب راح اشرحلكم كيف  في بداية الامر اغلبية العرب راحوا نص منهم الى عمان والاخر الى اربيل لغرض الامان هاي من ناحية الموظفين اللي ايقابلوكم يعني في بناية المنظمه اللي تعمل المقابلات والبعض القليل منهم ضل باقي في سكنه اي في السفارة الامريكيه وهاي راح اشرحلكم عليهه راح تسأل ليش بقوا قليلين اولا زيادة الراتب الشهري لان خيروهم اما يرجع العمان ويبقه على اجازه في نصف راتب او يذهب الى اربيل ويبقه راتبه على حاله بس يتابع بعض حالات النزوح من المناطق الساخنه يعني على سبيل المثال محافظة الموصل . والبعض الاخر اللي اقصد عليهم بقه في السفاره الامريكيه ايضا لمتابعة بعض الحالات اللي اتخص المقدمين على برنامج المنظمه وكذلك لتهيئه الظروف الملائمه لتكميل بعض المعاملات المتعلقه في تمديد عقد المنظمه في معسكر الازدهار واضربلكم مثال هو الموظف تيمور وعبدالخالق لن يغادرو السفاره الامريكيه. نرجع واكمل كلامي للقسم الثاني الاغلبيه وهم الموظفين الاجانب اللي اقصد بيهم USCIS المحلفين هؤلاء بعض منهم راح الى البصره والبعض الاخر الى اربيل لغرض الامان والبعض الاخر ذهب في اجازه لحين هدوء الوضع الامني في العراق وخاصة في بغداد وهذا عن كلام متبادل مع الاخوان تيمور وعبدالخالق والمحلفه ِشيرل واللي اصلا همه بقوا بالسفاره .
بعض الاسئله اللي سألتهه الى الاخ تيمور كلتله ليش مشلتوا الاوتو ربلاي مالتكم . كلي دوام المنظمه الان في الوقت الحاضر فقط على ترتيب بعض المكاتب وارجاع السستم يعني تنصيب سستم المنظمه وهذا ياخذ بعض من الوقت يعني انشاءالله من بداية شهر التاسع وراح تدعولي من ايخابروكم على مقابلات. والسؤال الاخر حول في اي يوم يتم تجهيز البناية اللي تابعه للمنظمه . كلي المفروض في ثلاث ايام وتجهيز الحاسبات وربط السستم في ثلاث ايام يعني اسبوع على الاغلب ينتهي والشئ الاخر هوه اكمال الممر في اسبوع يعني مثل ماكلت سابقا في بداية التاسع يجهزون في المقابلات . والسؤال الاخير سألته كتله انطيني نسبة اشوكت يبدي دوام المنظمه وتبدون اتقابلون كلي انطيك النسبه هو 100% من 5\9\2014 سوف نباشر بالعمل كما كنا سابقا. انشاءالله هذا الكلام راح تدعولي بي

[دشتي]

شكرا اخي و ان شاء الله ندعيلك بالخير لأنك فرحتنا شوية و انطيتنا امل بس ياريت من الأخوان الي ينطوهم مواعيد يكولون مو يخلوها سكتة 

[ابو كارتونه]

والله ادعيلك بطيارة تاخذك من باب بيتكم

[ابو شموسه]

الله ايوفقك ويبرد كلبك بالسفر والوصول بالسلامه لأمريكا مثل مابردت كلوب العراقيين ياطيب 

[ابو الامراء]

الف الف شكر على المعلومات والله يسهل للجميع

[طنةطنة]

شكرا جزيلا على هذا الخبر الحلو يا رب ترجع المقابلات ونخلص

[abo mays]

عزيزي دارك سايد
السلام عليكم

لا اقول الا بارك الله بالعائله التي انجبتك , وبك واتمنى ان يحفظك الله بحفظه , من كان بمثل ظروفك وسفرك القريب اكيد سينصرف لترتيب امور سفره , ولكنك اصيل بمعنى الكلمه وصدقني , طالما انت بهذا الخلق , سيكون طريقك مشرق ومستقبلك زاهر , والاناء ينضح بما فيه ... تحياتي لك ولعائلتك الكريمه التي انجبت هذا النموذج العراقي الرائع ...

اخوك ابوميس

[الاحلام]

السلام عليكم
يااخي اخبارك تثلج الصدور الله ايبارك بيك ورحم الله والديك في الدنيا والاخره بس الي اتوقعه ان المقابلات راح اتكون ابشهر العاشر لان شهر التاسع راح ايكون الترتيب للمقابلات وانته تعرف اكثر مني ان الجماعه خلكهم طويل  هاذا توقعي الى ان يتأكد كل شي ومشكور مشكور على هال المجهود الرائع

[fadi7111]

الله يوفقك اخوية ومبروك على السفر انشالله وشكرا جزيلا على اصرارك بجلب المعلومة الاكيدة ومن عرين الاسد مثل منكول هههههههههه وربي يبشرك بالخير دائما

[MUN]

اخي العزيز دارك سايد
الحقيقية تعجز الكلمات عن شكرك ...
ربي يوفقك ويسهل امرك ويحقق كل امنياتك ... لانك لا تعلم حجم الفرح الذي بعثته في نفوسنا
واعدت الامل الينا .... يارب يكتبلك في كل خطوة الف سلامة وتوفيق ونجاح ....

[ام الجود]

شكرا جزيلا اخي المحترم كفيت ووفيت انت مثال رائع عن الانسان المتعاون........نتمنالك سفر مريح وحياه جديده سعيده

[هيا]

الله يوفقك وييسر امرك ويفرحك بالدنيا والاخره مثل مافرحتنا .

اختك هيا

[تفرج2]

الفرج يا صاحب الفرج ... ويارب يسهل امورك وتسافر .. واحنه انقابل المحلفين ونخلص ياااااااا رب 

[zezo55]

Up

[zezo55]

السلام عليكم شباب
اتمنى اكو احد ينطينا اخر الاخبار عن IOM الي بغداد رجعوا او لا احنا عايشين على امل بسيط جدا وبدينا حاليا نفقد هذا الامل  وللعلم اني متصل مرتين بيهم يكولون  الا يتحسن الوضع يالة نرجع  ساعدونا شباب الي عندة معلومة لايبخل علينا تحياتي 

[جاسمين]

شكرا

[mohammad23]

شششششششششششششكرا ياورده 

[hayder2000]

الله ايوفقك وانشاء الله اخبارك كلهة خير ياااااااااااااااااااا طيب