مشكلة مع ال UN اهل الخبره تفضلوا

[omar khalid]

bسلام عليكم اني بعمان قدمت عل UNو نطوني ورقه حمايه وبعد شهرين خابروني كالو تم الاعتراف بيك كه لاجئ وملفك  قيد الدراسه  بل توطين هاي الحجي قبل سنه

زين المشكله انو الورقة لحد الان مكتوب بيها طالب لجؤ مجاي يقبلون يغيرولي  الورقة مال حمايه 

واني محتاج الورقة المكتوب بيها تم الاعتراف بيك كه لاجئ    ف شلون اتصرف رحمه ل والديكم 

[outtoother]

السلام عليكم
حسب علمي الورقة الصحيحة مكتوب فيها:       وثيقة الاعتراف بصفة لاجئ
وعادتا تعطى بعد نهاية مقابلات اليوان يصدر قرار بشان الموضوع و يتم تسليمك وثيقة الاعتراف و بنفس الوقت تبلغ بان التوطين تحول الى البلد المعين
وبعد ذلك سوف تتصل بك سفارة هذا بلد التوطين من اجل اجراء المقابلات الازمة لحين انتهاء الاجراءات و السفر

فانت الان باي مرحلة كي نتمكن من تحديد السبب؟
حسب علمي المعاملات تاخذ اوقات طويلة في الاردن  فكيف خلال شهرين تم اكمال جميع مقابلات اليوان فاعتقد هناك سواء فهم
فاعتقد انك لم تكمل جميع مقابلات اليوان ولذالك هم لاينطوك ورقة الحماية 
والله اعلم

تحياتي 
ابو داوود
  

[omar khalid]

تسلم عل  اجابه اخويه بس مو المشكله  اني كتلهم عندي كفاله خماسيه كنديه ودائرة الهجره الكنديه رفضت معاملتي بسبب ورقتكم الي تكول طالب لجؤ كندا تريد ورقه معترف بيك كه لاجئ يلله تمشيلك اوراقك مو مثل قبل  جانو يكتفون بورقه طالب لجؤ....ف كلولي ال يو ان منكدر انغير الورقه وهاي صار سنه شلو حالي وكفلائي بكندا ينتظرون واني انتظر بل خالي بلاش  بلكي تفهمني شلون اتصرف وياهم


مشكور اخويه ابو داوود 

[شوشة العراقية]

مرحبا اخي اول شي الله يوفقك وتكمل بسرعة اجراءات اليو ان لان اليو ان حفر احنة نكول عليها بس احب استفسر منك انت وقعت اوراق توطين لان وثيقة الاعتراف مينطوها الا اتكون مقابل مقابلة التوطين يعني تقابل وفد بدير غبار واذا وافقو عليك الوفد توقع اوراق وهاي المقابلة الي يتم الاعتراف بك كلاجئ فاذا موقع اوراق التوطين فانتظر تلفون باقرب وقت احنة خلال شهرين من توقيعنا الاوراق تحولنة للسفارة الكندية بس اذا مقابلاتك كانت عادية بدير غبار وموقعت اوراق التوطين لتحلم يتحول لان احنة 4 مقابلات بدير غبار وبقسم التوطين خلال 3 سنوات يالله وقعنا الاوراق مال التوطين وتم الاعتراف بنا كلاجئين خلال شهرين من توقيعنا الاوراق وان شاء الله تسهل كل امورك

[محتاج أفرح]

الاخ العزيز 

الللجوء طريق طويل يبدا من قسم التسجيل عندما تذهب للتسجيل واخذ موعد للمقابله وقرب وبعد الموعد يعتمد على الاعداد المتقدمين والزخم باعداد اللاجئين بعدها يتحول الملف عندما يحين موعد المقابله وتقابل يكون ملفك في قسم الحماية ويتم اعطاك ورقه مكتوب عليها طالب اللجوء وهنا يتم اعطاءك حمايةمن العودة القسرية للبلدك ولكن لم يعترف بك كلاجئ بعدها يتحول الملف بعد مدة قدتطول وقد تقصر حسب قوة الملف وزخم اللاجئين الى قسم التوطين وفي هذا القسم يتم دراسة الملف من قبل لجنة وهناك مقابلة من شخص يتم تحديد مدى صحة ودقه المعلومات المقدمة من قبل طالب اللجوء ويعطي هذا الشخص توصية بخصوص الملف بعدها يتم تحويل الملف الى اللجنة المختصة لاتخاذ القرار وعادة يتم الاتصال بطالب اللجوء واعطاءه القرار الخاص بقبول اللجوء وهنا يتم تحويل الملف الى الاي او ام اذا كان بلد الاستيطان امريكا واذا كان بلد الاستيطان غير دوله فيتحول الى سفارة الدوله وهنا يتم الاتصال بطالب االجوء وتجري الاجراءات حسب قوانين بلد الاستيطان .
اخي العزيز هذه مقدمة لاجراءات الملف فانت الان في قسم الحماية وتم تحويل ملفك الى قسم التوطين لدراسة الملف وترقب اتصال هاتفي يبلغك بقبول اللجوء او مقابلة وعند الاعتراف سوف يتم تغيير الورقة الى ورقه الاعتراف باللجوء .
ويتم اعلامك ببلد اللجوء اما احدى الدول او امريكا .
اتمنى ان اكون قد وضحت لك بعض الامور تقبل تحياتي وامنياتي باجراءات سريعة لملفك
اخوك محتاج افرح وبشدة  

[outtoother]

عزيزي اخي محتاج تفرح ما قصرت
وانشاء الله الفرح للجميع وبشدة

ابو داوود

[omar khalid]

تسلم حبيبي 

انت محتاج تفرح بشده واني حتاج افرح بشده و70 ورقه 

تسلم عل توضيح حب

[sindbad2014]

اخوان مرحبا بيكم كلكم والله يسهل امر الجميع
الموضوع هذا خلاني اطلب استفسار بل مساعدتكم ورايكم
انا كنت مقدم من بغداد علی IOM وبسبب الاوضاع الاخيرة
انتقلت الی عمان وقدمت علی ال UN ايضا واستلمت ورقة الحماية وقابلت اول مقابلة الي اخذوه بيها المعلومات والقصة
وحددولي موعد اخر منتصف الشهر القادم
بالمقابل بدت الامور تمشي بملفي الي بال IOM وقابلت محلف الشهر الماضي بس مع الاسف استلمت النتيجه هذا الشهر وكانت تعليق بمعنی ان المحلف لم ياخذ قرار لا بالقبول ولا بالرفض وحط الملف قيد الدراسه وبس الله يعلم شوكت يقرر يعني ملفات قيد الدراسه تاخذ وقت كلش طويل حسب راي اغلب الاعضاء
سؤالي الان
اني في مقابلة ال يون ان الشهر القادم هل اخبرهم انني عندي ملف بال  IOM لا
وما تاثير ذلك
وهل اخبرهم بانه تم تعليقي واطلب التوطين الی دوله اخری
ام سوف لم يقومو بتوطيني لحين اصدار قرار IOM
اتمنی النصيحه

شكرا

[alwaleed88]

أخي الكريم عندما يتم توطينك ويرسلون لك الفورمات من ضمن الأسئلة (هل يوجد لديك ملف آخر عند أي منظمة للهجرة واللجوء؟) وهنا يجب أن تذكر أمر الـ IOM وقل لهم إلى الآن لم يصدر القبول أو الرفض وذلك إن شاء الله لن يؤثر على ملفك
لا تجازف وتخفي الأمر لأن ممكن يكتشفون الأمر عند التجييك الأمني

[sindbad2014]

اشكرك اخي وبارك الله بيك