رسالة من IOM

[فتى المدينة]

السلام عليكم
قبل 10 ايام دزيت رسالة لل IOM استفسر بيه على ملفي اليوم اجاني الرد..

case update/HFS/IZ
سيدي/ سيدتي،

نشكركم على رسالتكم التي أرسلتموها إلينا بالبريد الإلكتروني.
 
 
يرجى العلم بأننا قد قمنا بتدقيق طلبك ونحن الآن في انتظار التحقق من وظيفتك.

كن على يقين بانه سيتم الاتصال بكم في المستقبل لأي مستجدات على ملفكم.

راح يصير سنة واني ملفي بانتضار النتيجة  معقولة سنة كامله او ماكدرو يتاكدون من العمل يمكن دزيتلهم 6 شهادات تقديرية او دزيتلهم رقم العقد او باجات الدخول او حتى باج دخول السيارة للموقع او صور شخصية ويه المسئوليين او لحد الان كلشي ماكو

 

[abo mays]

عزيزي فتى المدينه 
السلام عليكم 
ان تاكيد العمل يحتاج الى عنوان السوبر فايزر الامريكي ( الرسمي ) ويجب ان تضبط معه بان المنظمه ستتصل بك لتاكيد العمل وتتابع الموضوع معه , مع تقديري 

اخوك ابوميس 

[ام الجود]

اخي المحترم ان شاء تكون بخير وسلامه.اخي انت ارسلت لهم عنوان رسمي للسوبر فايزر الذي كنت تعمل معه .اذا كان الجواب نعم فاعلم انهم ارسلوا رساله للتاكيد لكن مديرلك لم يرسل الجواب وهذا الشي صار معي لعده اشهر حتى تم التاكيد ومن ثاني يوم تحول ملفي فعال فارجوا التاكد من مديرك.تحياتي

[فتى المدينة]

اشكر ردودكم الاخ ابو ميس والاخت ام جود
 نعم دزيتلهم اكثر من اميل رسمي مع ارقام التلفونات  بس اني مراسلت اي واحد بيهم او بلغتهم بان ياكدون العمل يصير هذا السبب التاخير
اخت ام جود انت بلغتي السوبر فايزر  راح يتصلون بيك ال iom حاول اتاكد عملي لو هوه اكد العمل من كيفه

[ام الجود]

اخي احنا من قدمنا ارسلنا العنوان الرسمي وانتظرنا حوالي اربع اشهر ومن ثم راسلناه بلاايميل نستفسر عن وصول رساله من المنظمه له لكي ياكد العمل فجاب انه استلم رساله قبل شهور ولكنه لم ياكد وتحجج بان ياكد لنا مدير الشركه الاصلي البوس مالتهم وفعلا راسلاناه وتم تاكيد العمل

[ليث سعد]

السلام عليكم
قبل 10 ايام دزيت رسالة لل IOM استفسر بيه على ملفي اليوم اجاني الرد..

case update/HFS/IZ
سيدي/ سيدتي،

نشكركم على رسالتكم التي أرسلتموها إلينا بالبريد الإلكتروني.
 
 
يرجى العلم بأننا قد قمنا بتدقيق طلبك ونحن الآن في انتظار التحقق من وظيفتك.

كن على يقين بانه سيتم الاتصال بكم في المستقبل لأي مستجدات على ملفكم.

راح يصير سنة واني ملفي بانتضار النتيجة  معقولة سنة كامله او ماكدرو يتاكدون من العمل يمكن دزيتلهم 6 شهادات تقديرية او دزيتلهم رقم العقد او باجات الدخول او حتى باج دخول السيارة للموقع او صور شخصية ويه المسئوليين او لحد الان كلشي ماكو

الله يكون بعونك اخي ان شاء الله تفرج عليك

[بايرو]

من بعد اذن صاحب الموضوع ، هو تاكيد العمل في اي مرحلة يكون ؟ يعني قبل المقابلة الاولى لو بعدها ؟ لان بصراحة اني تاهت عليه ...اكو ناس يكولون اصلا ماكو مقابلة اولى اذا ميتاكدون من العمل وغير ناس يكولون مو شرط ، ممكن جواب منكم !