الى جماعة IOM ساعدوني ونصحوني اترجاكم..اترجاكم..اترجاكم

[Zeus4ever]

اخوني الاعزاء..
اني قدمت على وثيقة VOE من الشركة وبعد جهد جهيد ومساعدة الطيبين حصلت عليها..بس اكو مشكلة مهمة..
هي..
اسمي بالورقة الــ VOE اسمي مكتوب ب spelling يختلف عن اسمي بالجواز بس نفس اللفظ ونفس كافة المعلومات..
وراها دزيتلها نسخة جواز.. فغيرت الــ spelling بنفس الطريقة اللي مكتوب بيها الجواز..
بعدين ورة 5 ايام..
ردت دزت رسالة VOE ب spelling  القديم..اللي يختلف عن الجواز..
والله راح اتخبل..
شسوي ؟؟
يصير اقدم على الــ IOM والسبيلنج مال اسمي يختلف عن اسمي بالجواز  بس نفس اللفظ ونفس بقية المعلومات..
واذا ميصير شسوي؟
اسوي معاملة تغير الاسم بالجواز والمصيبة هاي ينراد اغير الوثائق مالتي مال كلية واتصور الجامعة ترفض !!
ارجوكم حاير بامري والله لايروايكم اللي دة امر بية هسة

اترجاكم ساعدوني ونصحوني شسوي !!!

[A.N.N]

اخي العزيز كون على ثقة الاختلاف الاملائي بالاسم مو مهم ..هم يتعرفون عليك من خلال بصماتك..هاي شغلة الاسم مهم بس بدول العالم الثالث ...اذا انت مشتغل ويه الامريكان يعني عدهم بصماتك ويكدرون يتعرفون عليك من خلال بصماتك وانصحك ترسل الهم جوازك بنفس الاملاء اللي موجود بيه حاليا ومن دون تغيير ..وصدقني هذه شغلة مو مهمه المهم ترسل كول الوثائق المطلوبه من دون نقص لان النقص راح ياخرك...واني احجيلك مو من فراغ ..نفس الشي صار وياي لان سبيل اسمي بالباج يختلف عن سبيل اسمي بالجواز بس نهائيا محد طلب مني اي توضيح وانطوني كيس نبر وعادي كولش ومن دايخاطبوني حاليا بالرسائل دا يستعملون اسمي اللي بالجواز ..فارجو منك ان تطمئن والشغله عاديه وممستاعله قلق وربي يسهلك وتسافر بخير وسلامه

[ليث النصرالله]

اخي العزيز ﻻتدوخ نفسك بشغله مو ذات اهميه وﻻ الهه داعي مدوخ نفسك علخالي بﻻش صدكني همه اكبر من هلشي وهمه راح يتعرفون عليك اكيد  اذا مشتغل وياهم انه اسمي بلباجات كلهه 
والركومنديشنات الي عندي laith بينما بلجواز السبيلنك يختلف layth وكذلك بجواز ابني هماتينlayth والحمد لله والشكر كملت كلشي والسفر صا  عندي انتظار فما حاجه اخي تدوخ نفسك بشي بسيط 
واتوكل على الله ومحمد واهل بيت محمد وكلشي يصير سهل انشالله واسف علاطاله 
اخوك: ليث النصرالله

[Zeus4ever]

شكرا اخواني الطيبين..الله يحفظكم..ريحتوا بالي..
عندي سؤال..
تدرون اني ما اعرف شلون هسة اقدم !!
يعني كل اللي اعرفة ورة مسألة المقابلة..
بس قبلها من اراسل..وشلون اراسل وشلون احصل كيس نمبر..وشلون اعرف ملفي وشلون يتصلون بية..
كلها ما اعرف بيها..واللي اعرفة مجرد تخمينات مني..
وبحثت كثيييييرا جدا بالمنتدى ومالكيت ابدا ما يخص اللي اريد اعرفة..
لهذا ممكن تدلوني راس الخيط..
وخاصة بالرسالة الاولى شكتب؟ وبيا لغة اكتب بيها انكليزي عربي..ولو اخوي A.N.N نصحني مشكورا اكتبها بالانكليزي..
وعندي سؤال..
شكد تتوقعون من بداية التقديم لحد السفر شكد تطول السالفة ؟
مجرد توقعاتكم..؟؟

تحياتي الكم وشكري للاخ .A.N.N اللي رد علية وكان ردة مساعد الي..
واخيرا بالك الله بيكم ووفقكم لكل ماهو بية خير الكم

[A.N.N]

اخي العزيز ..بعثتلك رساله ع الخاص فهمتك كيفية ارسال الرساله وطريقة انشاء حساب بموقع الاي او ام ..اما بالنسبه لفترة السفر فصدقني كول ملف وحالته الخاصة اكو ناس سنه ونص وسافرو واكو ناس صار خمس سنوات ولحد الان دا ينتظرون ..ونصيحة من اخ لاخ ..من تقدم لا تبني امالك ع السفر لان الرحلة كوووووووولش طويله ومو مضمونه ميه ميه (ادخل علي كروب المرفوضين وشوف المأسي ) الله يعينهم ...المهم اذا انت موضف ابقى بوضيفتك واذا لا فدور علي وضيفه او كمل دراستك او سويي اي شي وكانك مامقدم علي هجرة ولا شي ..خليه موضوع ثانوي ..لان التفكير بيه من هسه راح يتعبك كوووولش .

[Zeus4ever]

شكرا اخي A.N.N..
انت ابدا ماقصرت..وربي يسهل امرك ويوفقك..
انت تستاهل كل الخير ..
ويارب يصير كل اللي تتمنناه..
تحياتي الك

[nemro]

اخي
اسمك كلة غلط لو حرف لو شنووووووووووو
اني مثلك كان السبيل مال اسم ابي مختلف بين ورقة الاثبات  وجواز وماكو اي شي
وهية اني بامريكا من سنة