السلام عليكم طبعا اني عضو كلش قديم بالمنتدى بس الي صار اسمي القديم ما اعرف وين صار
فة مقصد كلامي المعلومات الي رح اكوللكم عليها اكيدة 100% وعن تجربة شخصية اول معلومة احب اكولها الكم والي هية حاليا دا امر بيها وتوصلت لحل وجواب اكيد الاشخاص الي مسافرين للعراق بالفترة الي عايشين بيها با اميركا مرح اتئثر على الجنسية بس بحالة وحدة انو مسافر اكثر من 6 اشهر خارج البلاد او ممخلص ال 30 شهر الاقامة الفعلية با اميركا قصدي الشخص الي ايقدم على الطلب يتاكد 100% انو هوة على الاقل مخلص ال 30 شهر الاقامة الفعلية با اميركا والشخص الي ايقدم على الجنسية كلش سهلة ميحتاج لامنضمة ولا محامي ولا ابدا يملي استمارة i-400 ويرفق معاها صورتين واستنساخ من الكرين كارد والدرايفر لاينسس وال i-94 وللا اشخاص الي عدهم food stamp وتكون المساعدات جارية بنفس السنة الي اتقدم بيها املي استمارة رقم I-912, Request for Fee Waiver وارفق الورقة الي تجيك من الفود ستامب وورح ايشيلون المبلغ المحدد للتقديم الي هوة 680 دولار
بالنسبة للكرين كارد اذا لاسامح الله ضاع هم نفس الحالة تكدر اتقدم على بدل ضائع وترفق وياة نفس الاستمار ورح ايشيلون المبلغ المحدد للتقديم
بالنسبة للدراسة والي عدهم فاينيشيل ايد اذا انت موجود بالولاية سنة اخذ وياك الاوراق الي تثبت وقت دخولك للولاية مثل اجاوز السوق عقد الايجار والفواتير الي تثبت انت صارلك سنة وروح للجامعة وكوللهم اني هسة in state الدرس رح ايكون اقل بنص التكلفة وبالتالي المبلغ الي يرجعلك كاش يكون اكثر يعني بدال ما انت قبل السنة وداخل جامعة اتكلفك 4 مواد 1000 ورة السنة وتسوي ال in state رح ايكون ال 4 ادروس اب 500
وللناس الي همة صارلهم ايدرسون بالجامعة اكثر من 4 سمسترات من اتقدم على الفاينيشيل ايد ينزل وية الفاينيشيل ايد شي اسمة Work study هذا يعني انت تكدر تشتغل بالجامعة الي تدرس بيها وينطوك 2500 دولار بس لازم من اسوي الابليكشين مال فاينيشيل ايد الي هوة Fafsa أكو اختيار ايكول انت مهتم بال Work studay كول نعم بحالة اذا اتريدها واذا متريدها كول لا وينزل unsubsidized loan , subsidized loan رح اشرحهم
ال unsubsiudezed lone لتحاول تقبلة لان الفوائد عالية علية جدا وال Subsidized loan أخذة لان اول شي مابي فوائد وطالما انت دتدرس مرح اتسدة الة ورة متتخرج وحتى ورة متتخرج ودخلك ضعيف تتصل بيهم ويئجلو ورة 25 سنة يعني انساة
طبعا ذني اينزلن بكل سمستر
معلومة مهمة جدا نسبة 60 بالمية من العراقيين يوكعون بهذا الغلط اول متقدم على الجامعة رح ايسئلوك انت مخلص جامعة بالعراق اذا كتلهم اي متخرج من الجامعة انسى يجيك فانيشيل لان حتى لو اتريد اتعادل شهادتك هم لازم تدخل لغة بلااول الي هية ESL او intensive English
بالنسبة للحوادث الي اتصير بالسيارة والشغل لاسامح الله ابببببببببببدا لتركوها لان شفت هواي عراقيين جدد بالشغل وكعو وتكسرو وميعرفون شنو ايسوون وكملو دوامهم فة حبيت انصحكم
بالنسبة للحوادث مال سيارة اول ميصير الحادث اول شغلتين لازم اسويها الاولى والاهم تاخذ رقم السيارة رقم البليت مال سيارة حتى بحالة اذا انهزم وهواي حالات اتصير برقم السيارة الشرطي يكدر يعرف هوة منو ويوة يا انشورنز والحالة الثانية رئسا تتصل بالشرطة واتسوي ربورت ورئسا اتصل بالسيارة التونك الي هية يجون ايجرون السيارة والرسيت اضمة لان الانشورنز رح ايرجعلك الفلوس الي دفعتها وثاني يوم رئسا اتروح لمحامي زين بالحوادث وهوة ياخذلك حقك كامل وحتى فحوصات طبية على حساب الانشورنز والمحامي اتعابة اتكون من القضية يعني اتصير الك 35 % المحامي 35% والدكتور 30% طبعا فلوس السيارة تصلحيها او تعوضيها محد يتقاسمها وياك الك تكون كاملة وهذا رقم محامي جدا شاطر بولاية تكساس هيوستن اني جربتة شخصيا بحادث هوة ايراني اسمة تلابي رقم تلفونة 7132660529
بالنسبة للحوادث الي اتصير بالعمل بهاي الحالة المكان الي تشتغل بية رح رئسا ايحاولون ايدزوك لدكتور همة يتعاملون وياة انت ارفض تماما لان رح ايطلعك مابيك شي حتى لو بيك شي لان ميريد ايخسر الشركة فة انت اتروح لمحامي رئسا قبل ماتروح للدكتور مالت الشركة وبحالة اذا كانت الاصابة خطرة كذالك نفس الشي بس اطلب الاسعاف وروح لمستشفى عادي بس المهم بكل الحالتين لتروح للدكتور الخاص بالشركة وثاني يوم لتروح للشغل لان شنو الي رح ايصير من تروح للشغل الدكتور مالتهم يكتب انت متكدر تشتغل اكثر من 3 ساعات باليوم ومتكدر ترفع اكثر من 5 باوند يعني 2 كيلو ونص فة من تروح للشركة ثاني يوم وتنطيهم التقرير رح ايكولك ماعدنا هيجي نوعية شغل ويبطلوك مجرد ما ايبطلوك رح القضية اصير صعبة عليك وعلى المحامي الي رح اتكولة ونفس الشي للناس الي موجودين بهيوستن تكساس تكدرون تتصلون بالمحامي الي رفقت رقمة وهم تجربة شخصية اني مجربة
بالنسبة للتاكس الي اتسوي كل سنة الي اسمة Tax return اكو هواي شركات ايحالون ايغلسون على هواي شغلات اتفيدك لان ايكون الراجع الهم اكثر فة انت دائما حيط نفسك بالمعلومات ولتقبل بغيرها ودائما جرب اكثر من مكتب قبل متاخذ القرار لان اني 5 سنين اقدم وصارت عندي خبرة جدا كافية بهذة الامور بالنسبة للعائلة الي عدها طفل صغير الطفل الصغير وحدة الكردت الي يرجعها هوة 2500 اذا كان طفليين 5000 دولار واذا كان 3 6000 واذا كان فوق ال 3 فة ينحسبون البقية بكردت ال 3 هاي ماعدى الكردت مال ام والاب والمصاريف فة ابدا ابدا لتقبلون بغير هيجي شي
بالنسبة للطلاب االكردت مال الطالب 1000 دولار هواي واغلب الشركات متكولك واذا كتلها تنكر بس انت لتقبل لان الكردت مال الطالب 1000 دولار
واذا انت مشتري كتب ومستلزمات للمدرسة ضم الرسيت او قسيمة الشراء وارفقها وية التاكس هذا هم ايفيدك واذا انت دافع فلوس الدراسة من جيبك مو من الفانيشيل ايد فة ابدا لضيع الرسيت ضمة وبشهر ال 12 او شهر 1 من كل سنة ادخل على الاكاونت مالتك الدراسي واطبع ال w2 ألخاص بالمدرسة واذا متعرف اشون روح لل بسنزز اوفيس بالجامعة وهمة ايطبعو الك
بالنسبة للناس الي عايشة بتكساس وانت دخلك ضعيف تكدر تتصل على الرقم 211 وبية عدة لغات من ضمنها العربية وتكوللهم اني دخلي ضعيف والفواتير الي تجيني الي هية الكهرباء والتلفون غالية علية وما اكدر ادفعها رح ايدزولك استمارة لتخفيض الفواتير ضمن شروط معينة كل واحد حسب حالتة وحسب شركة التلفون والكهرباء الي هوة عليها لان بعض الشركات متقبل التخفيض املي هاي الاستمارة وارسلها
طبعا لبقية الولايات ما اعرف شكد الرقم الي تتصلون علية بس اكيد بية نفس الخدمات تكدرون اسئلون المنضمة او الولفير او خدمات الولاية عن هاي الامور
طبعا اكو هواي معلومات عندي بس مدا اركز شنو الي اكولة فة اذا عدكم اي استفسار اسئلوني واني انشالله ارجعلكم الرد
bye for now
