عمان - ديتصلون المنظمه على بعض العوائل المكملة كلشي على مقابله محلفين + اتصال على البعض تحديث معلومات شنو السالفه

[ابو هناوي]

تحية طيبه

في الفترة الاخيررة سمعنا عن اعاده مقابلة المحلفين للمكملين كلشي بس صارلهم سنتين من قابلوا محلفين على الاقل  بعمان واتصلو ببعض العوائل سمعتو هيجي شي هاي شغله .
والاسبوع الفات ديخابرون المنظمه يسالون  على وضع صاحب الملف سافر بعده شنو وضعه يكولون تحديثات منو صار ويا هيجي بلكت نكدر نفتهم شديصير اني تدرون تأجل سفري صارلي سنه  من التاجيل  ودانتظر لساعني والله كريم

[ابو هناوي]

 :' (

[حسين الجبوري]

بسم الله الرحمن الرحيم
الاخ العزيز
هذا الذي يجري يذكرني باجراء المنظمه الدوليه للهجره والذي حصل نعم هل انتم موجودون بالكامل هل منكم احد سافر  او رجع للعراق
هذه الاسئله تبين بعدها ان كثير من تلك الملفات تم اعادة المقابله مع الوفد وكثير ايضا تم رفضهم ولا نعرف الاسباب بذالك العمل وهذا الذي حصل قبل سنتين في سوريا والاخوان يتذكرون الذي حصل اسال الله ان تكون بردا وسلاما على اخواني الاعزاء واتمنى ان اكون مخطا وهذا يعتبر جرا ايضا للملفات وخصوصا العالقه

تحية طيبه

في الفترة الاخيررة سمعنا عن اعاده مقابلة المحلفين للمكملين كلشي بس صارلهم سنتين من قابلوا محلفين على الاقل  بعمان واتصلو ببعض العوائل سمعتو هيجي شي هاي شغله .
والاسبوع الفات ديخابرون المنظمه يسالون  على وضع صاحب الملف سافر بعده شنو وضعه يكولون تحديثات منو صار ويا هيجي بلكت نكدر نفتهم شديصير اني تدرون تأجل سفري صارلي سنه  من التاجيل  ودانتظر لساعني والله كريم

[espero]

شلونك اغاتي ابو هناوي 
اني صديقي بعمان اتصلت بيه وحده مصريه  سألته نفس الاسئله وحتى سالته شوكت قابلت محلفين وشوكت اخر مره سويت فحص طبي واسئله غريبه وكانه ماعدها معلومات عن الملف ..طبعا صديقي كان عنده موعد سفر  وراكم بشهر واتصلوا بيه قبل يوم من الموعد اجلوا سفره 

[ابو هناوي]

لا حول ولا قوة الا بالله مدنعرف شديصير وكاعدين نعد سنين والله المستعان 

[cpt.ammar]

السلام عليكم  اخوتي

بالنسبة الي اني مقابل محلفين من 2010  واتصلو بي على اعادة محلفين  على الاسبوع القادم والله اليستر كلش متوتر وخايف بعد الانتضار من 2007 تقديم un ولحد اليوم انتظر السفر يارب الله يفرجه على الجميع  اخوكم ابو عبدالله

[ابو هناوي]

السلام عليكم  اخوتي

بالنسبة الي اني مقابل محلفين من 2010  واتصلو بي على اعادة محلفين  على الاسبوع القادم والله اليستر كلش متوتر وخايف بعد الانتضار من 2007 تقديم un ولحد اليوم انتظر السفر يارب الله يفرجه على الجميع  اخوكم ابو عبدالله

الله يسهلك ان شالله خير بلكت تفرج بعد المقابله زين اخويه انت هم اتصلو بيك قبل فترة اخذو منك معلومات عاى ملفك لعلو خير يا ربي انت تقديم عمان ؟ والله يسهل على الجميع 

[dhia]

اخي العزيز .....اني من ضمن الناس الي أجلو سفري للمره الثانيه  واتغيرت خانه المحلفين الى (غير فعال) علما انه امقابل المحلف ابشهر الثالث سنه 2011...وسألت شخص مقرب من المنظمه وكلي انه اغلب الي مقابلين للمحلف والي مضى عليها 3 سنوات راح تنعاد.... واكرر  الاغلب
 وهاي شغلتهم الجديده علينه يعني هم انتظار سنين وهم تاجيل سفر لاكثر من مره واعاده فحوصات  وقريبا للمره الرابعه  وهم فوكاها تعال اتذكر شنو حجيته للمحلف قبل 3 سنوات.........
             اخوكم
   ضــــــــــــــــــــياء

[Baguncero]

يعني هسة شنو ؟ هم رح أقابل المهاجيـــــــــــم؟؟ مو كافي عاد؟؟ مو صار 6 سنوات أنتظر !!! حتة جهالي كبروا وصاروا بكد الشجرة !!
حسبي الله ونعم الوكيل

[ابو هناوي]

حسبي الله ونعم الوكيل شنسوي ماادري  الله كريم 
هسه نريد نعرف اكو احد خابرو من جماعة عمان على اعادة محلف 

[al nasser]

نعم اخي اني هم من ضمن العوائل الي اتصلو واخذو ابدايت عل المعلومات بس لحد الان منطوني اعادة محلفين بس اعرف ٤ عوائل خابرهم  ونطوهم موعد اعادة محلفين وهسة دنتظر الدور يجي ....والله ارحم الراحمين 

[ابو هناوي]

نعم اخي اني هم من ضمن العوائل الي اتصلو واخذو ابدايت عل المعلومات بس لحد الان منطوني اعادة محلفين بس اعرف ٤ عوائل خابرهم  ونطوهم موعد اعادة محلفين وهسة دنتظر الدور يجي ....والله ارحم االراحمين 
زين اخويه العوائل الي خابروهم على محلفين هم خابروهم على ابديت لو لا والشغله الثانية همه صارلهم شكد من قابلو محلفين باي سنه يعني اذا امكن حتى واحد يفتهم لح يجينه السرة لو لا والله يسير الامور

[al nasser]

نعم اخي العوائل متصلين عليهم عل التحديث وبعدين متصلين عل اعادة محلفين واغلبيتهم مقابلين محلفين قبل سنتين 

[مظلومين]

مع كل الاسف البارحة خابرني صديقي وكالي بان المنظمة اتصلو علية باعادة محلفين علما هو اتاجل سفرة قبل ثمان شهور بعد ما باع اغراضة وسلم شقتة ونها كل شيئ وبكل برود اجلو ومقابلتة الاثنين 25-8-2014 الاردنهسة هو متهستر ويحجي وية نفسة وكاعدين الله وكيلكم نواسي بي مثل واحد ميتين اهله كدامة

[cpt.ammar]

اي والله العظيم اني هم متوتر ومعصب وتراجع بالقصة تكول عندي امتحان  لان اني هم مقابلتي يوم الاربعاء القادم

وارجو من الاخ مظلومين يبلغنه شنو راح ايصير ويه صديقه الي عند مقابلة محلفين يوم 25-8 لان اني بعده الاربعاء

والله يسهل على الجميع]

[Baguncero]

أخواني
لا تتوترون ولا تأثر على أعصابكم بالعكس .. بالأعادة أفادة همة لو يردون يرفضوكم جان مسج علموبايل مثل الورد رفض ... بس هذا دليل على انهو انتو ملفكم ديمشي طبيعي وسفركم قريب أن شاء الله
ملاحظة مهمة من ترحون للمنظمةخلي علكة في فمك وقبل مقابلة المحلفين أستمر بالعلك لأنها تزيل التوتر وترتاح نفسيآ ... هاي تجربة شخصية ومأخوذة من أيام أخونة عكعك الططوى أذا أحد يذكرة قبل 6 سنوات كان بالمنتدى وفاد الجميع بمعلوماتة القيمة
هسة عكعك أخذ الجنسية وأحنة ننتظر محلفين مرة لخ
طبعآ أني البارحة دزيت أيميل للمحلفين كتلهم شنو وضعي بعد 6 سنوات أنتظار؟ يعني تحارشت بيهم ... خلي أشوف رفض لو مقابلة ... هذا هوة
عليـــــــــــــــــــــــــــــــــــــــــــــــــــــــــــــك يا الله فأنت المنجي وناصر الظعفاء
بالتوفيق للجميع أن شاء الله

[espero]

اخويه مظلومين صديقك هو صديقي هههههههه

[al nasser]

اخواني هسة اجاني اتصال من iom  عل اعادة محلفين وحتكون بشهر 9 والله كريم عل الاقل خلي يقابلونة بلكن الواحد يعرف مصيرة بس الي يقهر بعد هذا الانتظار والصبر الطويل هسه يقررون عل اعادة وين جنتو صارلي 4 سنوات انتظر بحيث اخر فحص قبل شهر سويتة  والله العظيم دوخة تعال ارجع عل نقطة الصفر ..... والله المستعان 

[ابو هناوي]

اني هم هسه خابروني على اعادة محلفين وهم الموعد بشهر التاسع حسبي الله ونعم الوكيل 

[cpt.ammar]

الله يوفقكم اخواني على مقابلة المحلفين يلا على الاقل يعرف الواحد راسه من رجله والله تعبنه وملينة من الانتظار بالنسبة للاخ مضلومين وينك اخي شوفنه صديقك مو كانت اليوم مقابلة المحلفين شوفنه شصار وياة الحكني بمعلومة اي شي والله اعصابي تعبانة لان مقابلتي بعد باجر على الاقل الواحد يعرف معلومات اشكد طول على شنو ركزو هل تم استجواب جميع العائلة ام صاحب الكيس فقط
والله يوفقكم ويسهل اموركم وانشاءالله السفر للجميع يارب

[مظلومين]

سلام عليكم اخوان صديقي المفروض اليوم مقابلتة لاكن اتصلو علية وخبرو بانو المقابلة اتغير موعدها بدل الاثنين الى يوم الثلاثاء الي هو اليوم بعد ما صارت الساعة 12 وعشرين دقيقة.وتدلل اخوية cpt.ammar.اخ espero معقولة صديقي تعرفة هاي معلومة خطيرةهههههههههههههههههههه

[espero]

مادام اجلوه على باجر لعد ثبت عيد ....هو ههههههههههه

[مظلومين]

حبيبي اسبرو هسة عرفتك والله انت اصيل وابن اصلاء وما تنسى صاحبك لو وين ما تروح ربي يوفقكوما يحرمنا من نصائحك ولو اني اموري انتهت واجاني رفض بس معرفتكم وصحبتكم تسوى عندي كثير

[espero]

الله يعوضك بالاحسن منها ان شاء الله ..وعسى ان تكرهوا شيئا وهو خير لكم 
ممنون منك على كلامك الطيب 

[ابو هناوي]

يابه وينكم الله يرضى عليكم منو قابل محلفين وشلون جانت المقابلة وشنو الاسئله وعلى شنو ركزت وهم سالو على القصه ارجو التوضيح

[ابو هناوي]

شنو الاخبار 

[ابو هناوي]

يمعودين تعالو وينكم ابو عبدالله تعال احجيلنه مقابلتك شلون جانت اسبيرو صديقي يمعود شوفنه صديقك شكال على المقابله شسالو

[moutaz]

انا اعملت اعادة مقابلة المحلفين
ولن يسالوا عن القضية ابدا سالون عن نقطة كانت مبهمة وغامضة في ملفي والمقابلة كانت ممتازة ومدتها  45  دقيقةوكان ملفي معلق او تاجيل

[ابو هناوي]

انا اعملت اعادة مقابلة المحلفين
ولن يسالوا عن القضية ابدا سالون عن نقطة كانت مبهمة وغامضة في ملفي والمقابلة كانت ممتازة ومدتها  45  دقيقةوكان ملفي معلق او تاجيل

العفو اخويه هسه عملت الاعادة بالجديد وممكن توضحلنه شنو جانت الاسئله وعلى شنو ركزو الله يسهلك ويجيك القبول 

[moutaz]

اعملت المقابلة قبل اسبوعين وكانت المقابلة استفسار عن نقطة معينة في ملفي فقط

[مظلومين]

اخوان حسب ما سمعت انو المقابلات المعادة حاليا اكثرة استفسار عن رشاوي  واعتقد اختيار الناس عشوائي لان ديا خذون ملفات قديمة وجديدة

[ابو هناوي]

اخوان حسب ما سمعت انو المقابلات المعادة حاليا اكثرة استفسار عن رشاوي  واعتقد اختيار الناس عشوائي لان ديا خذون ملفات قديمة وجديدة

تسلم اخويه على الرد بس تكدر تفتهملي من صديقك على شنو سالو وشركزو بالمقابلة وهم سالو على القصه افتهملي التفاصيل الله يسهل عليم لان اخوك بايك هوااااا

[ابو هناوي]

يمعودين وينكم عمار الناصر شنو السالفه اشو اختفيتو طمنونه شنو اخبار المقابلة وينكم كولوا يا الله 

[ابو هناوي]

up

[مظلومين]

اخوية ابو هناوي يكول صديقي بانة دارت الاسئلة حول منو منطي رشوة ومشي ملفة وهل تعرف اسماء ناس بالمنظمة ياخذون رشاوي وهل تعرف اشخاص نطت فلوس يعني من هاي الاسئلة وكان الجواب ما اعرف ما اعرف لااعلم لااعلم وكالولة راح نوقف سفرك اذا ما تكول وكان نفس جواب بانة ما يعرف لان فعلا مستغرب واول مرة يسمع بهاي القصص

[Baguncero]

أي بلكي يغيرون ستاف المنظمة عمان و يريحونة
ولو الي يجي أنكس لأن فاقد الشيئ لا يعطيـــــــــــــــــــــــــــــــــــــــــــــه وهمة كلهم ماعدهم وطن شلون ينطونة توطين؟؟؟؟؟؟؟؟؟؟؟
حسبنا الله ونعم الوكيل