السلام عليكم اخ رامي اني مهندسة كهرباء خريجة العراق وأريد اكمل دراسة ماجستير في الهندسه الكهربائيه أعيش مع زوجي في فكتوريا جنوب هيوستن راسلت عدة جامعات في هيوستن ولم احصل على رد واعتقد السبب هو ربما معدلي قليل ٦١وكسور وتقديري متوسط طبعا ولغتي الانكليزيه متوسطه واغلب الجامعات تطلب نتيجة امتحان التوفل لا تقل عن ٨٥ من ١٢٠ التوفل IBT لذلك فكرت امتحن امتحان GED والتقديم للجامعات الامريكيه بتخصص آخر وكنت ارغب بعلوم الحاسبات شبكات معلومات ، فممكن نصيحتك او اي شي تفيدني بيه علما ان زوجي لا يشجعني على تغيير الاختصاص ويفضل البحث عن جامعات شروطها تناسبني من حيث المعدل للبكلريوس وامتحانات التوفل IBT وكذلك GRE تكون متطلباتهم مقبولة بصراحه ما اعرف شلون ابحث عن جامعات بهيج مواصفات وبنفس الوقت تكون هذه الجامعات ذات سمعه علميه جيده ومعترف بها في امريكا والعالم ياريت تساعدني اخي وانتظر ردك الكريم كان بإمكاني اكتبلك الرساله هذه على الخاص ولكن فضلت اكتبها على العام حتى يستفاد من معلوماتك اكبر قدر من الأخوة والأخوات والله يوفق الجميع
السلام عليكم
بالنسبة للمكان الي ساكنة بية الي هية فكتوريا اني شايفها يعني مكان مو زين للدراسة لان بعيدة وكل الجامعات بهيوستن
بالنسبة لمعدلج مثل متعرفين الشهادة الغير امريكية يعني مرح تكدرين تسفادين منها من غير ما انتي تعادليها وتاخذين المواد الباقية المحتاجتها
بالنسبة للغة الانكليزية مالتج فة لازم لازم تاخذين intensive English ( ESL) i` وهذة الكورسات تكدرين تاخذيها أب HCC اتقدمين عليها وتسوين امتحان كومبوس لفل وان ولفل تو ميدفعونلج الفاينيشيل ايد ورة مسويت الامتحان حسب المرحلة الي خلوج بيها اتقدمين على الفاينيشيل ايد عن طريق
www.fafsa.govوالفاينيشيل ايطول من 4 الى 6 اسابيع ورة متخلصين هذة الكورسات اسوين امتحان tsi وعلى هذا الاساس رح ايشوفون تروحيين لكالج لفيل وتاخذين الي اتريدي لو تحتاجين مواد اسمها ديفلومبتيل كلاسس
اني هذا الي سويتة وهسة دا ادرس اخراج
بالنسبة للهندسة نفس الشي صديقي حاليا ديدرس هندسة نفط
ورح اسوي موضوع جديد بالنسبة للمعادلة مال الشهادة
لا تتصلين بيهم ولا هم يحزنون قصدي بالجامعات اني انصح اتروحيين لل hcc بالداون تاون بهيوستن وهذا العنوان
555 Community College Dr, Houston, TX 77013
(713) 718-8300
وتروحيين للطابق الثالث قسم Refugee center
هناك اكو واحد اسمة بيل كلش زين وحباب وهوة مختص بهذة الامور
حتى ما انطيج اي معلومة ممكن تنطلع ولو نسبة 1 بالمية غلط مرح ارضاها على نفسي روحي لهناك الصبح ومرح اطلعين الة وانتي عارفة اشرح اسوين
