استجابة للاخ/الاخت بلاد العجائب الي طلب مني توضيح عن تغير الولاية
حبيبي تغير الكفيل
او شي توضيح عن الكفيل لان هواي ناس عبالها الكفيل ايكون مسوال عن كلشي ومعناة عندة كفيل معناة انو المنضمة غير مسئولة عنة وهذا الشي خاطئ تماماااااا
الكفيل هوة فقط ينطيك الصلاحبة على انو تجي للولاية الي هوة ساكن بيها وبعض الولايات متقبل الكفالة الة لشخص قريب منة يعني من الدرجة الاولى او الدرجة الثانية
والكفيل مرح ايسرع بقضيتك بشي نهائيا وممسئول عن اي شي فقط في حالة وحدة وهية انو يبلغ ويوقع ورقة بالمنضمة ايكول اني مسئول عن تقديم المعاملات وتقديم الطلبات والبحث عن العمل الخ .....
صلاحيات الكفيل مثل مذكرت زائدا يكدر ايكول للمنضمة اني اتكفل با اقامتهم لمدة قصيرة معينة لحد ميستلمون المبلغ الويلكم Welcome وهوة ايئجر بيت ويشتري غراض واني اساعدة بحالة اذا كان يكدر عليها طبعا اني هلشي كلش كلش كلش كلش ائيدة لان المنضمات ماعدها مجال ادور وتشتري الي عدها تنطي وفقط وطبعا كلشي موزين هذة تجربتي ورئي وهلشي اني سويتة وية اهلي وية كل الناس الي كفلتهم والحمدالله انشكرت على هلشي
الان تغير الكفيل و الولاية
تغير الكفيل اذا كانت قضيتك خلصانة ومنتضر موعد سفر فة ما انصح بتغيرها لان ايطول تغير الكفيل من 15 يوم الى 60 يوم
واذا رحت للولاية الي انت كفيلك بيها وناوي اتغير الولاية اتبلغ الكفيل ميوقع على اي اوراق اتخصك
تغير الولاية وانت باول مطار تنزل بية هلشي اني كلش ما انصح بية وشبة غير قابل للنقاش من قبل الولايات المتحدة لان انت من وقت خروجك من الدولة المقيمة بيها راسميلك ومشتريلك خط رحلة جاهزة فة رح تتبهذل من رح اتغير الولاية وخط الرحلة وممكن اطول ايام او ساعات كثيرة لغاية حصولك على طيارة او حجز
بس ليش هيجي دسوي وانت تكدر وبكل بساطة اول يوم نزولكم للولاية ثاني يوم اتغيرون الولاية محد يكدر يمنعك ومحد يكدر ايحاسبك ومرح ايئثر على اي شي
او متوصل للولاية رح تلكة شقة جاهزة واغراض جاهزة فة لازم اتوقع على عقد الايجار وعلى الاغراض من توصل كوللهم ما اوقع واني ماباقي بهذة الولاية واني مسافر باجر واريد مساعداتي تنقل للولاية الفلانية والغراض تكدرون تاخذوها واني استلمها منك شسوي
اول شي مثل مكتلك اتبلغ المنضمة بهذا القرار طبعا حيصعبوها عليك بس مالهم حق مجرد اتكوللهم هذا قراري وغير قابل للنقاش يا تحجزولي واسافر يا اسافر اني وهمة يكدرون يحجزولك من مبلغ الويلكم مالتك وتسافر للولاية
تتصل بالمنضمة الي بالولاية الي انت رايحلها واغلب منضمات اميركا بيها عراقيين وعرب اذا متكدر تحجي انكليزي وتكوللهم اني لاجئ وهستوني اجيت واريد اغير ولايتي وانقل ملفي يمكم واني ممستلم اي شي من مساعداتي وتاخذ رقم الكيس منجر والفاكس واسم المنضمة وتبلغ المنضمة مالتك بالمعلومات وهمة ايدزولهم ملفك
طبعا تكدر اسوي هاي الخطوة باي وقت انت اتريدة حتى لو بعد 4 5 6 7 8 9 اشهر الى ما لا نهاية وبعدين ورة سنة او سنة ونص مرح تحتاج المنضمة صدكني
بس ما انصح ابدا انو تقدم على هذة الخطوة بحالة انت جاي جديد للولاية وهستوك مقدم على السوشيل سكيورتي والايدي والاثباتات وتقرر السفر لان ممكن ايضيع بالبريد وقت ما تغير عنوانك فة نصيحتي استلم اوراقك وراها سافر
اسف اكيد اكو اخطاء بالكلمات لان دا اكتب سريع والكيبورد مو عربي
تحياتي
رامي
