السلام عليكم
طبعا مثل ما الكل يعرف المكديد المشكلة الاكبر بالولايات المتحدة وهواي ناس ماعدها مدكيد بعد ماتخلص ال 8 اشهر الاولى ولهلشي اوباما سوى برنامج للمكديد ورح اشرح عنة
هوة برنامج حكومي ينطي مدكيد تحت شروط معينة مثل الدخل الشهري افراد العائلة اعمارهم ومناطق سكنهم اقصد الولايات لان كل ولاية عن ولاية يختلف قانون المدكيد واسعارة والموافقة على المدكيد
طبعا البرنامج بية عدة خطوط اقصد plan كل واحد حسب ما ذكرت اكو بلاش واكو تدفع شي بسيط انشاء الله رح ينفتح اب 25/9 للتسجيل بية بس هذا مينمنع هسة اسجل واكو بعض الحالات ينطوك مكديد قبل بدء التسجيل ايسمو special enrollment ومن بداية هذة السنة يعني اقصد من الناس الي ماعدها مدكيد ورح اتسوي التاكس رتورن وماعدها مدكيد رح يتغرم هذا قانون جديد وتكدرون تدخلون على موقع
Www.irs.gov وتتاكدون منة
طبعا اكو ناس متستحق على هذا البرنامج حسب ماذكرت قبل المواليد وعدد افراد العائلة بس من رح اتقدم والولاية ترفض تنطيك المكديد رح يعفوك عن الغرامة هذة لان انت قدمت وحاولت بس انت متستحق ( اللهم اني بلغت اللهم فشهد )
اشون اتقدم يا اما تتصل على الرقم
1-800-318-2596
او اتسوي ابليكيشن على هذا الموقع وراها تتصل بيهم
https://www.healthcare.gov/ وهمة رح يكلولك حسب المعلومات الي دخلتها انتو شنو وضعك حيكون وشنو ال plan وشكد تدفع واذا كان مجانا ام لا
او اذا متستحق رح يكلولك انت معفي عن الغرامة
تحياتي
