اتصال من الااي او ام

[Carloiraqi]

السلام عليكم اخووان شلونكم ان شاء الله بخير اني قبل 20 يوم او اكثر دزيت رساله للاي او ام بس مردو عليه اليوم الصبح رجعت دزيت رساله ثانيه وقبل شوية اجاني اتصال من عمان   ( طبعا كمت اركص لان اني مكمل كولشي وملفي فعال كلت اجاني السفر )   طلعت بنيه اتكولي انت متهدد هاي الايام كتلهه يعني ميحتاج اتساليني  هيج سؤال ليش منو بالعراق معايش التهديد كالت احنه نعرف بس اني سؤالي محدد انت متهدد شخصيا طبعا كلت خلي شوية اكبرهه كتله اي قبل 3 ايام اجاني اتصال وهددوني كالت منو كتله ليش لو ادري جان عفتهم كالت ليش كتلهه ماعرف بس اكيد لان اشتغلت وية القوات الامريكية لان اني تهديدي من البداية بهذا الخصوص كالت انت مغيرت مكانك كتله اني اصلبا صارلي اكثر من شهرين مو ابغداد بالبصرة كالت اوكي انت ملفك حاليا مكمل كولشي بس التشيك الامني ومنعرف شوكت يخلص بس انت حاليا خليناك بالملفات المهمة والي لازم تخلص بأسرع وقت لان انتو من اولوياتنا حاليا وسدت التلفون فه ماعرف شنو الي راح يصير الله اعلم تحياتي اخوكم كارلو

[ghassan_alabdi]

السلام عليكم . للاسف كلشي مراح يصير اني نفس الحالة ومن اشهر بس الي صار انو ملفي  بقى فعال من اشهر وبدون اي سفر او موعد سفر رغم اني كمل كلشي وحتى مدينة ومطار نازلات

[Sonata*]

بنج عام 

اني نفس الشي 
 من الشهر الخامس كتلهم تعرضت لتهديد مباشر واتصلوا بيه وكلولي خليناك في اولوياتنا بس تخلص الامنية 
وهذا اجى الشهر التاسع والملف انتضار النتيجة والسفر غير فعال

[فايرفوكس22]

خطوة للامام افضل من لا شيء... بالتوفيق ....

[طنةطنة]

تصبر والله كريم