مساعده عاجله

[3ausha]

طبعا اني كشي كان عدي مكتمل والملف فعال ونطوني موعد سفر وكنسلو
اليوم فتحت الموقع لكيت مرجعيني للتعليق بس السفر بعده انتظار 
الفحص الطبي صار فعال بعد ان كان مكتمل 
دخت وماعرف شسوي يعني يمكن لان فحصي صار اكسباير
اهل الخبره اراءكم

[ghassan_alabdi]

السلام عليكم . اكيد لان الفحص صار اكسباير بس تفحصون يرجع انشاء الله

[3ausha]

اشكرج عله ردك
بس شكد المده المتوقعه ويدزون علينه نفحص

[ابو شموسه]

الى الأخ المحترم (  3ausha ) , تحيه طيبه .. اخي العزيز لقد تم تحويل حالة ملفك من فعال الى معلقه وذالك لأنتهاء مدة صلاحية الفحص الطبي , وان شاء الله انت الآن على جدولة الفحوصات الطبيه وبأذن الله سيتصلون بك بالأسابيع القليله القادمه , وان شاء الله بعد اجرآئك الفحص الطبي تتحول حالة ملفك الى فعال وبعدها بأذن الله سيتصلون بك لغرض ابلاغك بموعد السفر .. اطمئن اخي الكريم ماعليك الأ  الصبر والأنتضار , وماهي ألا  مسألة وقت بأذن الله , وان شاء الله سبحانه وتعالى  يسهل عليك ماهو صعب انه هو السميع القدير .. اخوك ابو شموسه 

[3ausha]

شكرا على ردك اخ ابو شموسه
بس اني واصله مرحله من الياس بس الله يعلم بيه
وصبري خلص صارلي خمس سنوات اركض وراهم 
الله ارحم الراحمين

[ابو شموسه]

 الى الأخت الفاضله ( 3ausha ) , تحيه طيبه .. ارجوا تقبل اعتذاري لأنني خاطبتكم بصفة الذكر , ولم انتبه الى الأسم فدائماً ماأُجيب على الأسئله دون الأنتباه على الأسم ,, اكرر اعتذاري ... اخوكِ ابو شموسه 

[Hussein Programmer]

اختي انتي مو نفسج نطوج موعد خابروج كلوليج من يوم 12 الى يوم 15 تكدرين تسافرين ووافقتي و اخر شي رجعوج على التجييك الامني ما قبل السفر .. شوكت نطوج موعد سفر ثاني ؟؟

[3ausha]

الاخ ابو شموسه شكرا على ردك  جدا ممنونه
الاخ حسين منطوني موعد سفر بس تحول ملفي من فعال الى معلق لان الفحص صار اكسباير مصل ماتفضلو الاخوه مشكورين
وهسه جيكت الموقع رجع الملف فعال وبقه الفحص فعال
ماعرف شنو اجراءاتهم 
اسمي داخل بالسستم مالت المنظمه بامريكا والمفروض موعد وصولي يكون مابين ١٣-٨-٢٠١٥ الى ١٠-١١-٢٠١٤
زين اذا موصلت بهالفتره شنو الرح يصير ؟؟؟؟
حيروني هالمنظمه والله