السلام عليكم ورحمه الله وبركاته
هنا احببت ان اذكر تجربتي لكم بالامس حيث وصلت والحمدلله لانقره مساءا
26/8/2014الثلاثاء
ساتكلم لكم بمعلومات انشاء الله يستفاد العراقيين منها
طبعا قدمت انا من مطار البصره. لمطار اسطنبول اتاتورك وكان موعد الوصول 12:15 بمطار اتاتورك
تذكرتي كانت ون وي one way ذهاب فقط لان التذكره ذهاب واياب غاليه بصراحه
حجزت ع التركيه وكانت ذهاب فقط ب 440 دولار وقال لي الموظف لو لم تكن حجزت قبل يومين من موعد الطيران لكانت التذكره ب 600 دولار تقريبا ذهاب فقط
هذه الاسعار بالبصره حاليا بالمكاتب وطبعا الشركه العراقيه ميقبلون الا ذهاب واياب ويتحججون انه ماينطونا الاتراك فيزة اذا بس ذهاب وهذا الكلام كذب كذب
انا يوم الثلاثاء وصلت والفيزا مجانا بمطار اتاتورك اسطنبول وليس من صحه للكلام انه يجب حجز ذهاب واياب
المهم
عند الوصول الحمدلله الفيزا مجانا واخذنا الحقاب ذهبت لخارج المطار بصراحه لاخذ تكسي واسال عن اسعار التكسي
في البدايه سالت اشخاص اتراك فهمو عليا مره انكليزي مره عربي فهمو بسهوله انطيتهم عنوان محطه للباصات اسمهاEselner otogar هي محطه كل راس ساعه اكو سيارة لانقره المهم قالولي ان سعر التكسي من المطار يتراوح من 45 الى 50 ليره فقلتلهم غالي يعني كالو شوي غالي لان من المطار وهاي اقرب محطه بيها باصات لانقره للمطار المهم فعلا رحت واخذت تكسي وماقبل الا ب50 ليره.علما احد الاصدقاء الطيبين نصحني اخذ المترو من المطار لان فعلا ارخص لكن خفت شوي لا اضيع المحطه واروح لغير مكان واخسر تالي اكثر .
المهم وصلت للمحطه الحمدلله وذهبت لمكاتب الباصات وفعلا بسرعه حجزت ب 40 ليره للشخص لانقره وانطلقت بالباص ابو الساعه 3 عصرا لان رحت اكلت بصراحه سندويشات خلي اكتبلكم هم السعر خاف احد يريد يسال عنده عائله سندويش الشاورمه بالمحطه وطيب طلع ب5 ليره .
المهم انطلقت بالسياره لانقره وصلت شوي مع تاخير بال9:30 تقريبا او عشرةالا ربع ولقيت الوالد ينتظرني بدموعه ممصدق .
الف الحمدلله والشكر.
قررت اكتبلكم اليوم لان بصراحه قلت خاف واحد يريد يسافر كلش اليوم باجر خلي يستفاد من المعلومات .
اليوم مقرر اروح اخذ نت للبيت او شوف شسوي ادعولي باول يوم بانقره بالتوفيق .
اخوكم احمد كمارو
