إخواني وأخواتي..بعد انتظار وعناء أكثر من 5 سنوات تم استلام رسالة الرفض وكالعادة بالنسبة للملفات القديمة الرفض بسبب أمني على المربع السابع..بس شوفوا الشي المضحك وانوا اني مستلم موعد سفر منهم وامنيتي مكتملة بشهر 6 /2012 بس تاجل بسبب حمل زوجتي بذاك الوقت وبعدين كملت اضافة ابني وفحص طبي والأمور ماشية بشكل طبيعي بس بعدين بده التاخير والفحص الطبي تأخر وحتى كفيلي باميركا يتابع الملف ويكلولة اكسباير بالأمنية والملف فعال الى ان اجاني الرفض يهلهل وبدون سبب فقط امني...عالعموم اريد نصيحتكم اخوان اني اخوية مواطن اميركي ووالدي ووالدتي عدهم كرين كارد...شتنصحوني اقدم على معاملة لم شملI-130 لو اقدم إستئناف ...؟ أو اقدم على الإثنين؟ لو انسى شغلة الروحة لأميركا بسبب الرفض الأمني؟ أخوان اريد نصيحتكم ماأريد اضيع بعد من سنين عمري وعمر عائلتي...السؤال وبدون عواطف ومن خلال تجربتكم هل الرفض الأمني مابي امل لو بي امل بالنسبة للإستئناف او اللجوء أ الهجرة؟....وبالمناسبة اني حتى عسكرية ماخادم ولابحياتي شايف مركز شرطة ولاعندي اي شي امني كاعد بالبيت وساكت وجنت انتظر السفر وبالمناسبة اهلي قدموا ورايه وصارلهم اكثر من سنه بأميركا واخوية صارله 5 سنوات...اخوان نصيحتكم ولاتبخلون عليه
++1
حسبي الله عليهم حالتكم مثل حالنا
ربي يخفف عنكم ووعنا ويكتبلكم الخير والتوفيق منه تعالى على كل شي قدير ...ان شاء الله الاخوان ميقصرون ويردون
اللهم تولى المؤمنين من عبادك بلطفك يالطيف
تمتياتي لكم بالاستئناف والقبول
اختكم سرب الطيور
