مرحبا اخواني
اسف للانقطاع عن المنتدى بسبب الانشغال بالحياة بس اليوم رجعت الكم بموضوع مهم وهو كيفية التقديم على الجيش الامريكي .قبل ما ابدي الموضوع اكو نقطة مهمة كلش وهي انه تكون تتكلم اللغة الانكليزية بنسبة 50% على اقل تقدير .راح اجي احجي عن شروط الجيش للقبول باي فرع
1- ان تكون حامل للكرين كارد
2- العمر يجب ان يكون بين 18 و 34 واكو اقسام تقبل الى 30
3-خريج اعدادية على اقل تقدير وتكون شهادتك وياك مترجمه ومصدقة
4 بيان الولادة والكرين كارت وجواز السفر العراقي واجازة السياقة واي شهادة اخرى والسوشيال
5 متكون محكوم باي تهمة او داقع غرامة بالمحاكم الامريكية اكثر من 300 دولار ( وحتى لو كات غرامة قيادة )
6- اذا انت الان طالب في اي كلية فرسالة من الكلية تبين القسم مالتك بالاضافة الى الجدول والساعات وتاريخ البدء بالدراسة والانتهاء
طريقة التقديم
تراجع مراكز التطوع والي تكون موجودة بالمولات واذا تريد تعرف وين اقرب مركز عليك فتختار الصنف الي تريد تقدم علي وليكن على سبيل المثال army
فتروح الي الويب سايت مالتهم وهو http://www.goarmy.com/
وتختار LOCATE US وبعدين راح تدخل الكود الخاص بالمنطقة الي انت ساكن بيه وراح يطلع اقرب مركز تطوع وبعده راح تروح وتقدم كل الاوراق وراح يسالك على الدوام تريد احتياط لو دوام كامل فتختار الي تريده وبعده راح يمتحنك امتحان لمدة ساعه بالانكليزي قسمين والرياضات هم قسمين وراح تطلع النتيجة مباشرة وهذي النتيجة مراح تكون معتمدة لانه الامتحان للقبول راح يكون بغير يوم طبعا اقل درجة للقبول هي 31 من 99 بالنسبة الى الارمي وبقية الاقسام فهي 50 من 99
هذا القسم الاول من الموضوع وان شاء الله اكمل القسم الثاني
