ܡܲܬܘܵܬܼܵܐ ܕܕܲܫܬܵܐ ܚܲܫܵܢܸܐ ♱
ܒܝܲܕܼ : ܡܫܲܡܫܵܢܵܐ ܐܲܣܝܵܐ ܘܲܠܝܼܕ ܩܵܫܵܐ ܝܑܣܛܝܸܦܵܢ
ܡܲܬܼܘܵܬܼܵܐ ܕܕܲܫܬܵܐ ܟܡܵܐ ܚܲܫܵܢܸܐ
ܣܦܝܼܩܸܐ ܡܸܢ ܥܲܡܡܵܐ ܘ ܡܸܠܝܸܐ ܚܲܝܘܵܢܸܐ
ܒܚܼܪܵܒܼܵܐ ܒܝܸܬܼܵܘܵܬܼܵܐ ܘ ܒܸܢܝܵܢܸܐ
ܘܗܲܡ ܠܵܐ ܠܒܝܸܬܼܵܐ ܕ ܐܵܠܵܗܵܐ ܡܝܲܩܪܵܢܸܐ
ܥܸܕܬܵܬܼܵܐ ܣܦܝܼܩܸܐ ܡܸܢ ܡܨܲܠܝܵܢܸܐ
ܘܨܠܘܿܬܼܵܐ ܕܨܲܦܪܵܐ ܘܪܲܡܫܵܐ ܠܸܝܬܼ ܡܕܲܫܢܵܢܸܐ
ܢܵܩܘܿܫܵܐ ܬܵܐ ܐ݉ܪܵܙܸܐ ܠܸܝܬܼ ܡܲܟܼܝܵܢܸܐ
ܐܵܗ݉ܕܼܝܼ ܠܸܠܵܐ ܒܪܝܼܬܼܵܐ ܡܩܵܕܼ݉ܡ ܐܲܢ ܝܲܘܡܵܢܸܐ
ܐܲܢ ܝܲܘܡܵܢܸܐ ܡܵܐ ܩܲܕܪܵܝܠܲܝ ܚܿܘܼܫܟܵܢܸܐ
ܕܥܲܡܡܵܐ ܦܸܫܠܸܐ ܛܪܝܼܕܼܵܐ ܡܸܢ ܡܲܫܠܚܵܢܸܐ
ܪܠܵܐ ܐܝܼܚܵܠܵܐ ܘܠܵܐ ܫܬܵܝܵܐ ܘܠܵܐ ܐܝܼܘܵܢܸܐ
ܦܝܼܫܵܠܸܐ ܕܸܪܝܵܐ ܚܿܘܼ ܐܝܼܕܼܵܐ ܕ ܡܪܲܚܡܵܢܸܐ
ܟܘܼܕ ܟܬܲܟܼܪܘܼܟܼ ܡܲܬܼܘܵܬܲܢ ܘܥܲܡܡܵܐ ܕܝܼܵܢ ܒܥܘܿܩܵܢܸܐ
ܓܻܘܲܢܩܸܐ ܘ ܟܲܡܵܬܼܵܐ ܘ ܛܲܠܝܸܐ ܡܲܦܨܚܵܢܸܐ
ܝܸܡܵܬܼܵܐ ܘܒܵܒܵܘܵܬܼܵܐ ܡܸܠܝܸܐ ܚܲܟܼܡܬܼܵܐ ܘܗܘܿܢܵܢܸܐ
ܓܝܵܢܵܬܲܢ ܟܫܲܓܼܫܝܼ ܘܠܸܒܵܘܵܬܵܢ ܟܦܸܝܫܝܼ ܚܲܫܵܢܸܐ
ܟܬܲܟܠܘܼܟܼ ܠܐܲܠܵܗܵܢ ܡܸܠܝܵܐ ܡܸܢ ܚܢܵܢܸܐ
ܘܟܛܲܠܒܘܟܼ ܡܸܢܸܗ ܕܡܫܵܕܸܪ ܛܵܠܲܢ ܥܲܝܵܢܸܐ
ܕܕܸܝܪܘܿܟܼ ܠܡܲܬܼܘܵܬܲܢ ܕܗܵܒܼܘܼܟ ܠܐܲܬܼܪܵܢ ܡܲܥܡܪܵܢܸܐ
ܘܡܫܲܒܚܘܼܟܼ ܠܫܸܡܸܗ ܘܠܸܡܪܲܚܡܵܢܘܼܬܸܗ ܡܲܘܕܝܵܢܸܐ
