الي قابلوا محلف icmc بشهر الثامن خلي يتفضلون

[سهل العراق]

سلام عليكم

اخوان وحبايب شلونكم ،،،، رجاءا عندي استفسار بخصوص الوفد icmc الي جاي يقابل الناس بهذا الشهر ،،،، شلون تعاملهم مع الناس الي قابلوهم هل همة وفد زينين وبسيطين لو معقدين ،،،، لان سالت جماعة كالوا معقدين ويستفزونك هواي وما يقتنعون وجماعة كالوا انه الوفد جداً بسيط وتعامله حلو ،،،، فرجاءا الي قابل وفد يشرحلنا بصورة مبسطة عن طبيعة الوفد والمقابلة والأسئلة الي سألوها ،،، تحياتي للجميع

[abosaef]

اخي العزيز 
ملاحظة بسيطة لك ولكل اخواننا في تركيا 
موضوع اكو وفد زين وسهل واكو وفد صعب هاي كلش مو منطقيه ؟؟؟
الوفد نفسه على مر العصور والدهور ونفس النظام ونفس الاسئلة لكن الاختلاف يكون بشكل الشخص وجماعتنه يحسبوهه غير حسابات يعني اكو وجه سموح ويضحك ويبتسم وياك واكو خلقه تشوفه معبس بوجهك والدنيا سوده وللعلم الي يضحك بوجهك يعني ضاملك ضميمه؟؟؟
اخي توكل على الله واووكد لك بل اجزم لك لايوجد وفد زين وفد موزين؟؟كلهم مرتبطين بتعليمات من امريكا ويمشون عليهه بالضبط انته بس ضبط امورك واحفظ تواريخ ولاتتردد والي ديسوي الوفد مو استفزاز لكن اسلوب وتكنيك بالتحقيق لأن هوه معنده مشكله شخصية وياك هوه يريد يوصل لنتيجه معينه وخلاص يعني اسلوب التحقيق يختلف وكذلك اجزم لك انه الموضوع متعلق 90% بالحظ والحظ هو قسمة رب العالمين بس احنه نسميهه الحظ
توكل على الله ولو مقسوملك تصير لاوفد يكظهه ولا استفزاز ولا icmc ومن تقابل راح تتذكر كلامي وانسه شغلت وفد صعب وفد سهل نفس الشي ونفس التعليمات

[سهل العراق]

رحم الله والديك عيني ابو سيف ،،،، وان شاء الله تكون سهلة يا رب 

[Ŗảaḟaṱ Hấmẕā]

اخوية ابو سيف كفى وفى تحياتي