السلام عليكم
اني مشترك جديد بالمنتدى وان شاء الله اكون مفيد للجميع...الصراحة جذبني حماس الجميع للمساعدة في انقاذ امثالنا من الوضع الداخلي المريب بجميع انواعه.
احب ابدي باول مشاركة واتمنى تكون مفيدة الكم وخاصتا للاخ الحزين بخصوص مراسلة L-3 TITAN خلي نكون واقعيين الملفات موجوده بالتأكيد وبدليل قاطع لانه اخي قبل شهر عانا نفس المعانات بخصوص عدم الرد او الرفض بتزويده سيرة ذاتية او تأييد بالخدمة ولكن حصل عليه بعد ان طلب من احد اصدقائه الامريكان بالاتصال بالنيابه عنه وفعلو والمفارقه انو بعد اتصالهم بيوم زودوه بما يحتاج.واهنانه اكيد راح يكون سؤالكم هو س. الي ماعنده صديق امريكي يكدر يتصل بي او صديقه ممهتم بأمره شيسوي؟.
ج. تترك موضوع شركة تايتن بالمره
بس ليضل بالك اكو حل احسن والك شرحه
:
انتبااااااه الـ SIV شروطه ان تكون قد خدمة مع الجيش لمدة لا تقل عن سنة وكذلك ان يكون عملك مباشرتاأ مع الجيش او من خلال عقد اي مع شركة مثل تايتن
لذلك انتبهوا الا ان شركة تايتن وسيطه ويمكن ان تكون مباشر اي من خلال اثبات من قبل مسؤولك المباشر انه قد خدمة لمده لا تقل عن سنة معه وهنانه تكدر تطلب من مسؤولك يضيف نص يكول بانه يأيد بأنه كان مسؤولك لفترة من والى والي هيه اكثر من سنة لكن بشرررررررط (ان تكون فعلا قد خدمة معه شخصياأ لمدة سنة وذلك لان بعض الوحدات ان ذاك قد جددت تواجدها وهذا يعني انك قد خدمة معهم المدة كلها وهي سنة بلا توقف.
استخدم هذه الطريقة وهو اضعف الايمان ونصيحتي لتسكت عن حقك وخاصتاأ انو قوانين امريكا متسامحة وعقلانيه ومتفهمه لاوضاعنا فلا تيأس ابداأ..
اني بعد متهددت ونلاصت ضميت راسي سنين بس هسه علكت علينه لان ما شاء الله العائله كل زلمه يحجون انكلوزو والمعنى بقلب الشاعر
لذلك قدمت قبل شهر والحمد لله اخذت كااايس نمبر ومنتظر هالايام الابروووف وادعولي لان بس اني بقيت هنانه والموفقية للجميع.
(اسف جداأ لان اتعاجزة اكتب انكليزي وكلبته نجف عليكم ) ;Dههه
اشوفكم بخير واي سؤال بخصوص الاستمارات او اي شي ثاني اني حاظر.اشوفكم بخير.
