السلام عليكم أخواني و أخواتي..
آني أمقدم على ال iom صارلي سنتين ونص ومقابل مقابلة أولى و هسة اريد أقدم على ال siv بس عندي مشكلتين..الاولى ماعندي تزكية من مسؤلي الامريكي ومو هاذه موضوعي..موضوعي هوه آني ما عندي قصة تهديد أقصد محد امهددني صحيح اذا لزمني واحد من المعتقلين ما راح ايعوفني وعلى الارجح راح يقتلني بس هاذه الشي لسه ما صار(أقصد التهديد)وما أدري شكتب بقصة التهديد شتكولون اكتب شي مختصر لو اسويهه طويلة وأضيف من عندي..اريد منكم النصيحة أخواني وأخواتي خصوصا" جماعة ال siv ..مع الشكر الجزيل.
السلام عليكم
اخي اذا عندك نية على التقديم فأستعجل لان 30-09-2014 اخر موعد لاستلام طلبات ال COM Approval هذه اولا ...... ثانيا موافقة رئيس البعثة تقتضي توفر 4 شروط اساسية بالمتقدم وهي كالاتي
1- تزكية من المدير او المشرف المباشر ويذكر بها انه الموضف قدم خدمة قيمه خلال فترة عمله بعد عام 2003 التي يجب ان تكون (سنه ) فأكثروانه لا يشكل تهديد لامن الولايات المتحدة وهذه التزكية بها شروط يجب ان تذكر وبالتحديد اذا تحب تعرفها اني حاضر
2-ال HR Letter التي تثبت عملك ولمدة سنة فأكثر
3- المستمسكات الخاصة التي تثبت انك عراقي الجنسية
4- ورقة مطبوعة وموقعة يذكر فيها التهديد الذي تعرض له المتقدم بالطلب
هذه الشروط التي بمقتضاها يتم منحك موافقة رئيس البعثة وبخلافه انسى الموضوع ...... وانصحك تقدم هسه الوثائق المتوفره حاليا قبل اغلاق باب التقديم وبعدها تكدر اتابع موضوع التزكيه وغيرها لان راح يدزولك ايميل بالوثائق الغير متوفره .... يعني بأختصار احجز هسه وبعدين اكمل الوثائق الباقية وبالنسبه للتهديد الي حضرتك تتكلم عنه فمهم جدا جدا ويعتبر من الاركان الاساسية الاربعه لحصولك على ال COM ..... واذا تحب ارسلك مرفق خاص يوضح الشروط وبالتفاصيل .... الي ذكرته الك كان ملخص فقط
وتعذرني اذا نسيت شي وارجو من الاخوه الاعضاء التذكير .... وبالتوفيق مقدما
تحياتي
